شاءت الاقدار

شاءت الاقدار ١٤

#شاءت_الاقدار١٤
#زينب_الموسوي#
قيس
اصعب وضع ممكن تعيشه بالعراق هو ان يكون عندك مريض الاطباء في العراق  يتصور ان اذا فهمك حالة المريض وعلاجه وحجى معاك بانسانيه راح ينتقص من شخصيته ناسي ان الطب مهنه انسانيه
في اطباء كانوا يتعاطفون ويحاولون يساعدون ومعظمهم اتفقوا ان حالة مي صعبه تتعالج بالعراق
طلعتها من المستشفى عند وفهموني اطلع بيها للخارج تحتاج زراعة امعاء وتحتاج  زراعه خلايا نخاعيه
اطفالي كل مااشوفهم اموت الف موته محتاجين امي ورعايه ومي بدت تذبل وتخجل مني ومن اهلي كل متحتاجنا نساعدها بتغيير الكيس والحركه والاكل اصبح صعب عليها
قيس دعاء الاطفال ليش يبچون
دعاء يريدون امهم متعودين عليها حتى بالاكل يشلعون گلبي يله ياكلون
قيس الله يخليج طولي بالج عليهم مي مناقصه عذاب ومن تسمعهم يبجون تتعذب اكثر
ام قيس يمه ماسمعت خبر عن اخوك يوسف وين صار
قيس لا ماسمعت هسه يقتلوه ويذبون جثته بالشارع
ام قيس يمه اوليدي
قيس شتتوقعين يكون مصيره وهو يتاجر بالسلاح  كل الي صارلنا من وراه. اخواني اخوان يوسف مشفت من وراهم الا المصايب  والقهر
دعاء اكولك قيس ليش متاخذ مرتك وتسافر ترى بقائها هنا معناه موت
قيس اتمنى اطلع بيها لكن الاطفال شلون ابقيهم عندج واروح
دعاء وليش عندي
سافر  لتركيا يم ميلاد هم اختها وتداريها وهم تشتغل مع الاطباء وتساعدك
قيس ماعندي اتصال بيها
دعاء اني يوميه اتصل بيها وتريد تجي للعراق گتلها انتظري اقنع قيس يجيبها يمج والله گالت حتى الفلوس عليه بس يجيبها يمي
قيس مامحتاج فلوس محتاج انسان يوگف ويايه ويرجع مي صحتها
دعاء اتصل بيها يمكن تقبل
بين حاجتي للمساعده وخوفي ان يكون موقف ميلاد تشفي بيه اتصلت بيها
ميلاد ها ابو فقار. الله يساعدك ويعينك
قيس ميلاد هاي اني يم اختج مي اختج تعرفين شنو معناها
ميلاد اختي نص روحي
قيس اذا شايله بگلبج مني زعل حقد كرهه انسيه وساعديني
اعتبريني انسان غريب ويطلب منج تساعديه اريد مي تعيش حتى لو على حساب عمري وحياتي اريدها توگف ل اطفالها وعمرها
ميلاد ابو فقار  مي اختي توصيني عليها اني كنت ناويه اجي للعراق لخاطرها واخدمها بعيوني ودعاء گالت جيبتج مابيها فايده هي تجي احسن وصلها اليه وعندي دكتوره صديقتي بامريكا تطلعها هناك وتعالجها

انت بس وصلها ووارجع للعراق لاطفالك ولشغلك
قيس لا مااگدر ابقى بعيد عنها ودعاء تداري والدي بيها مجال اجيب الاطفال
ميلاد هلا بيكم استعجل فدوه اروحلك احجز هسه ولاتفكر بكولشي اني اختك وعد عيناك
قيس بارك الله بيج هسه طالع احجز
ميلاد انطي مي احجي وياها
خليت السماعه على اذنها گوه تحجي وبجت بس سمعت صوت اختها

ميلاد هد. حيلي قيس واني اسمع صوته يبچي ويرجف ويتوسل اوووف ياقيس الحظ داىما ضدك
انطاني احجي ويها
ميلاد حبيبتي ام فقار ليش تبچين هسه توصلين بسلامه وتتعالجين  وترجع صحتج خليج قويه
ردت بصوت ضعيف
مي ميلاد فدوه لعينج صدوك اليه علاج
ميلاد وعيونج اكو علاج لو اعرف اشلع اعضائي وانطيج تعيشين لرجلج واطفالج
مي طول عمرج تنطين واني اخذ ولج هاي حوبتج
ميلاد شنو هالحجي مي عيب لاتفرجين الناس علينا يله ارتاحي ونتشاوف
سديت التلفون منها واتصلت بالدكتوره بامريكا
الدكتوره ميلاد تدرين بيش الساعه هسه
ميلاد اسفه دكتوره اختي ميلاد تعرضت لاطلاقات نار وتحتاج علاج وزرع امعاء وزراعه خلايا نخاعيه اني قاريه واعرف هذا يحتاج متبرع واني متبرعه الها
الدكتوره في دكتور باسطنبول يزرع امعاء بديله موقته لحد زرع حقيقيه يعني يزرع كيس بلاستك داخلي
ميلاد انطيني العنوان اتصل بيه
الدكتوره راح اتصل بيه اني وادزلج العنوان
ميلاد دكتوره تتذكرين من وعدتيني تطلبيني ل امريكا
الدكتوره اتذكر ليش تريدين اقدم الطلب
ميلاد اطلبي مي اختي بدالي الله يخليج اني هنا عايشه هذي ام وشابه اطلبيها الله يخليج والله ماانسى هذا المعروف طول عمري واذا يحتاجون خلايا اني انطيها
الدكتوره بكرى اسال واردلج الجواب في حالات انسانيه لكن تحتاج كفيل
ميلاد انتظر جوابج وانتي متتوصين