#شاءت_الاقدار١٥
#زينب_الموسوي
في اليوم الثاني اخذنا مي اني وقيس الي يتصرف كانما اني فايروس ويخاف. يصاب بيه وهو يدفع مي وندخل العياده كانت في درجتين تلاثه
حاولت اساعدها نرفع الكرسي اجاني صوته مثل المفزوع
عوفيها اني اشيلها
ميلاد اني اشيل من جهه وانت من جهه
قيس تاذيها هيج اني اشيلها
ميلاد على راحتك
مشيت وفتحت الباب الهم
دخلنا للدكتور شرح العمليه
قيس تابعت كلام الدكتور الي ترجمته ميلاد كلمه كلمه ادور على امل حتى لو ضعيف
الدكتور العمليه راح تكون حل مؤقت لمده تسعين يوم بعدها ناخذ اجراء ثاني
ميلاد ترجمت
قيس وعمليه النخاع
الدكتور عمليه النخاع يحتاج استبدال متبرع الاولويه هسه للامعاء لان هذا ياثر على غذائها وممكن يسبب فقر دم او بكتريا وكثير من الامراض
قيس وبعد هذي العمليه تستغني عن الاكياس وترجع تاكل طبيعي
الدكتور تاكل خفيف والكيس يبقى فتره لحد نتاكد كلشي تمام
ميلاد دكتور شوكت موعد العمليه
الدكتور انتم احجزوا بالمستشفى وادفعوا التكلفه
قيس يعني ممكن باجر
الدكتور. ممكن اذا انتم مستعدين
قيس مستعدين دكتور والله يخليك انطيني امل بشفائها
الدكتور. الطب ينطي حل والامل موجود وربنا يرسم الاقدار
قيس
طلعنا من الدكتور الشعور مختلط بين الامل والياس وحاولنا جهدنا نتمسك بالامل
الليل كله مي تودع اطفالها وتبجي
قيس مي الدكتور گدامج گال العمليه سهله
مي منين اجتني هذي المصيبه
ميلاد ياعيوني اعتبريها ولاده وراح تجيبن عمليه قيصريه شبيج خوافه
دعاء والله مي اكبر جبانه وتحب تدلل علينا
قيس خليها تدلل شعدنا غيرها
اقتربت منها كانوا دعاء وميلاد گاعدين يمها
قيس ام فقار السفره ال لبنان ماناسيها بس تصيرين زينه نروح
دعاء ميلاد خلي نطلع الجماعه دخلوا دور غزل
ميلاد يله خيه
ميلاد
لاتسالوني عن مشاعري فقد
اودعتها قبرا اسمه قلبي
اقف مدعيه هذا اخي وابن عمي
فترتجف خبايا روحي ضاحكه صارخه انت ِكاذبه
بهذي الفتره كنت اشوف قيس انسان محتاج مساعده ومي اختي ومن واجبي اوگف وياها وحاولت جهدي اخنگ جوايه اي شعور ثاني
دعاء ميلاد تضوجين من تشوفين قيس يحب مي
ميلاد لا قيس اني رفضته قبل ليخطب مي ويتزوجها
دعاء اتمنى اعرف ليش رفضتيه ومره سالته گال تحب سامي وتريده ويريدها متسوى اتعارك ويه اخويه علمودها
ميلاد هذا حجي راح وانتهى قيس هسه اخويه
دعاء ليش مااخذتي سامي
ميلاد مو بس سامي مااخذته هوايه تقدمولي ورفضتهم اريد ادرس وبعدين اقرر
دعاء حاسه عندج سر وكلنا ظلمناج
ميلاد منين عرفتي ظلمتوني
دعاء كلنا اتصورنا مشيتي بطريق اعوج بس انتي واضح محافظه على نفسج وتدرسين وتشتغلين صديقاتج دكتورات محترمات يمكن رفضتي الزواج من قيس لان ردتي تدرسين وتصيرين دكتوره
ميلاد يمكن
عوفينا من هذا الموضوع وتعالي ناخذ الاطفال ونروح نشتري عربه ندفعهم بيها ونكشخ على اساس احنا متزوجات
دعاء مبين علينا حدايق يعرفون من الايد مابيها حلقه
ميلاد. دمشي منو يباوع
أنت تقرأ
شاءت الاقدار
Romanceقصه حب بين شاب من اصل فلسطيني يعيش في العراق وبنت عمه تصدم بجريمه اغتصاب وصعوبات اخرى القصه حقيقيه وجديده وقد تكون اخر قصه انشرها وذلك لظروف خاصه قد تطول وقد تقصر
