#الرحمه

البارت 9

#الرحمه

🌸🌸🌸رزان باسم 🌸🌸🌸

زهراء... مرت الوقت وصارت الساعه 12 اله ربع رحت دامشي... وشفت نفس الولد واكف يم المدرسه...

هو شافني من اجيت كبل مشه... ظليت منتظره بنتي لحد ما طلعوهم.. 

اخذت بنتي ومشيت.. ظليت افكر بس بالولد منو هذا وشيريد.. الف والف سؤال ظل ابالي...

وصلنا للبيت.. وهم تلكتنا علياء... عبالك متعرف رحت اجيب بنتي.. ظل تحجي كلام محلو اني كمت ما اجاوبها..

اخذت بنتي للغرفه...غيرت ملابسها ورحت حطيتلها غده جنت ماكله لذا حطيت بس لبنتي...

انوب ظليت مشلوشه بالتفكير... بهذا الولد وخاف يسوي شي خاف يخطفها خاف يصخم وجهي...

شفتها خلصت.. وراحت للغرفه لملمت المطبخ وطلعت... لكيت علياء تخابر

حاولت اسمع شتحجي بس مكدرت.. بس كلبي جان حاسسني اكو شي دتخططله... حتى توكعني..

اووف يربي... صعدت لغرفتي.. لكيتها دتقره.. اجيت درستها وخليتها تكتب.. ورتبت كتبها بالجنطه ونامت.

ظليت العب بشعرها.. واتمعن بملامح وجهها... بيضه وخدوها مثل الورد رموشها كثيفه وحلكها عنوني وخشمها عنوني يخبل اوف يربي..

شلون خلقه تفتح النفس.. ظليت ابوس بيها وهي بسابع نومه... زعم سوت انجاز عظيم لان داومت واجت تعبانه. 😂

فدوه لبنتي ام الانجاز العظيم الي يشوفها يكول سنه مشايفه النوم... طلعت من غرفتي لكيت علياء.. هم تخابر استغفر الله..

شكد تخابر... كلت معقوله تخون كرار.. او هيج شي.. لا لا استغفر الله.. اي طبها طوب واني شعليه..

علياء... خابرت جعفر وهم كلي ما لحكت ظليت ارزل بيه.. كتله بهذا الاسبوع اريد زهراء تطلك...

ويتصخم وجهها سمعتني لو لا..  وسديت الخط.. انوب كلما العب بعقل كرار.. ميهتم لان معندي فد دليل حتى يطلكها..

زهراء... هم ثاني يوم اخذت بنتي.. للمدرسه.. ومن رحت اجيبها هم لكيته واكف ومن يشوفني يشرد..

مر اسبوع على هالحاله... اروح من قبل لا يطلعون الطلاب واظل انتظر... لحد متطلع... ومن اجي للبيت علياء... تظل تحجي

اني البسها واطلع لغرفتي... لان هي تدري كولش زين اني اروح علمود بنتي اجيبها...

ثاني يوم من اخذتها... لكيت الحارس.. رجال يطلع عمره بالاربعين... كتله عمو.. ممكن طلب ؟

كلي تفضلي بنتي... كتله هاي بنتي بس من تطلع خليها توكف يمك.. بين ما اجي لان تعرف طفله واخاف عليها..

كلي تدللين بنيتي اني اخليها يمي لحد ما تجين... كتله رحم الله والديك عمو..

زهراء... اميرة