#الرحمه

البارت 13

#الرحمه

🌸🌸🌸رزان باسم 🌸🌸🌸

زهراء...ظليت فرحانه واني اشوفهم مذلولين ثنينهم...رحت لغرفتي...

جان تجي اميرة...كلتلي ماما اريد احجي وياج اشويه..كتلها اي احجي.

اميرة...ماما طلعي بابا من الحبس...

زهراء...تفاجات من كالت هيج..كتلها وانتي شعليج..

اميرة...ماما لا تصيرين مثلهم قاسيه.

زهراء...وانتي شعرفج بالموضوع حجيتها بعصبيه..

اميرة...خفت من عصبت كتلها سمعتكم من جنتو تتناقشون انتي وخالتي علياء...

زهراء...وانتي ليش تتسمعين هاااا

اميرة...شنو نسيتي مو جنت اتريك..وانتن حجيتن كدامي

زهراء...شوفي شغلات الكبار لا تتدخلين بيها وابوج اني من اريد اتنازل...اتنازل...

اميرة...بس مام...

زهراء...قاطعتها وكتلها خلص بعد ما اريد اي كلمه يعني انتي انكسر كلبج على ابوج...وعليه ما انكسر كلبج

ما شفتي شلون ضربني بالحزام...هاااا ترديني اشفق عليه واتنازل...خلي يتربى بالحبس...

اميرة...من شفتها تحجي بهاي الطريقه كتلها اسفه ماما...ما ادخل بعد

زهراء...تعاي يا روحي تعاي..والله محروك دمي من الي سواه ابوج وخالتج...

اميرة...من حظنتني كمت ابجي..

زهراء....ليش تبجين هاااا ليش؟

اميرة...تسالني واني ساكته مجاوب...

زهراء...ظليت حاطتها بحظني...واغنيلها...

زهراء...مر اليوم اعتيادي كولش...واني مرتاحه من كرار...

ظلت علياء...كل اشويه وتجيني...تنازلي حبابه والله البيت محلو من دونه...

زهراء....هاي عندج محلو بس عندي البيت يخبل من دونه...

علياء...والله اخاف انام..بالغرفه وحدي اني واطفالي..

زهراء...خطيه صارت تخاف تنام وحدها لا حبيبي لا تخافين ماكو شي

روحي نامي روحي...خليت ورحت لغرفتي..

رحت نمت...ثاني يوم كعدت الصبح وهم نفس الروتين وملحات علياء عليه..

اخر شي كتلها اذا تظلين تلحين وحق الله ما اطلعه اذا تظلين كل يوم هيج.

علياء...خلص خلص 😟بعد ما احجي..

زهراء...اوووف يربي شلون تلح مزعجه...

مر...اسبوع وكرار بالحبس..ردت اخلي بالحبس..بس كلت كافي هيج..

كلت باجر اروح اتنازل عن الشكوى واخلص...هم تعطل عن شغله اسبوع

علياء...زهراء.. انتي مو كلتي اسبوع