#فَتٰاةً_آرهَقتٰهَا_الحَيٖاةً
الحلقة 👈 الحادي عشر (11)
احمد وهوا حاسس بناار تلهلب فيه ومش عارف كيف بيدير ركب سياارته ومحمد وراه ويرن عليه ومايردش كان يسوق بسررعة ومحمد خايف عليه مايدير حاجة في روحه
احمد : الوو محمد ماترنش علية خلاص خليني في حاالي نبي نقعد بروحي
محمد : بلا جو مفرخ وقف السياارة ومعاش تجرري خلي نهدرز معاك يامهبوول هيا يلي حـ تندم وتتحسر علي يلي دارته تلاقها بموت من حسرتها
احمد : وااااااااااااااااااااك معااش تفكرني بيها وسكر على وجهه
احمد وهوا يسووق بسرعه قسوة ومحمد يلحق فيه كان الجو مع الساعه 11 . قابلاته شاحنة كبيرة وحاول يستاجلها وتقابله سياارة جاية في الطريق المقابل بسررعة ايضاً واحمد تفروش وطلع من الطريق انقلبت بيه السيارة وخش في شجرة
محمد : كان حااضر كل شي .شدد راسه و وقف السياارة .يااربي ان شاءالله ماصرالك شي اني شن درت من قالي نقوله 😞😭😭 .. ونزل بسررعة و وقفو السيارات وصاارت زحمة محمد طلب الاسعاف
احمد : كاان غايب ع الوعي ونقلوه للمستشفى
~~~~~~~~~~~~~~~~~
نيروز _: نسرين وين هناء لاحظتاها متغيرة اليوم
نسرين : ايه مش عارف شن صاير معاها مقعمزة بروحها واضح انها متغششة
نيروز : ايه صح قالي محمد متعاركة هيا واحمد
نسرين : هدي وحق ربي الا مجنونة مفهمتش شن تبي واحد يحبه وبيهبل علاها وهياا 😒
نيروز : اسس اسس معاش تضلماها مرات هوا الغلط منه الولاد دراهات المهم اسمعي انوض نشوفها اني مدام الباص مزال مجاش
نيروز : اهلين هنوو خيرك مش على بعض اليوم وجاية بتركينة بروحك فيك حاجة
هناء : توا انت بتقنعيني انكِ ماتعرفي شي
نيروز : متعاركة انتي واحمد
هناء : ( تحسابها تعرف بـ يلي صار معاها ومحمد قاللها ) شبحتلها. بنضررة وكشخت عليها اي اي اني واحمد انتهت علاقتنا
نيروز : انصدمت بتصرفها
نسرين : نيروز نيروز تعاالي بسسرعة جي توفيق بيروح بيك هيا حتى اني بنروح معاك مدامه معطل الباص
~~~~~~~~~~~~~~~~~~~
هديل : وهيا راقدة في حضن خالد ..حبيبي
خالد : نعم هدولة
هديل : اني نبي ندير تحليل
خالد : اه تحليل شني
هديل : اني غايبة علية الدورة كم يوم ونحس في وجع غريب قلت احتمال نكون حامل
خالد : 😍😍 بجد تتكلمي كاان فرحان ناض من مكانه وباسها نوضي توا وتي روحك نرفعك اديري تحليل
هديل : تفجأت من ردة فعله وحبتهااا هلبااا وفرحت لانه فررح .. هههههه عادي حتى بعدين مش ضروري توا
خالد : وهوا خاش للحمام دار وشبحلها قلت نوضي توا يعني نوضي مدام ممشيتش لشركة وقاعد نرفعك توا
هديل : باهي خلاص زي ماتبي
~~~~~~~~~~~~~~~~
نيروز وهيا ه اس ا للحوش وقاعدة هيا وتوفيق مايحكوش هلباا
توفيق : نيروز
نيروز : شني
توفيق : هدا تليفونك وسامحيني علي درتهولك غلطت معاك
نيروز : ( استغربت كيف دار هكي وقعد يعامل فيها بلطف ).. وشن صار توا 😏
توفيق : شدي تليفونك بلا دوة زايدة وهيا بنمشو لي امي اليوم بتطلع من المستشفى
نيروز : وانتم قالولها خروج واني مسمعتش
توفيق : منعرفش بوي قالي هكي
نيروز :: باهي به
~~~~~~~~~~
محمد : مرتبك ومش عارف شن بيدير .. كان عنده فون احمد حاول يتصل بـ خوه وقاله انَ احمد دار حادث وقاعد في المستشفى .. وجو كل عيلته لعنده
ام احمد : وليدي محمد كيف صاار معاه احكيلي هكي يااربي 😭😭
محمد : اهدي ياعمتي بأدن الله بينوض زي لحصاان صاحبي ونعرفه هوا غير يجري بسرعة
فيصل :: (خو احمد ) : يام يام طلع الدكتوور
الدكتور : المريض حالته مستقرة توا .بس صارله كسر في الفقص الصدري وايده ورجله لان كان مش لابس حزام الامان اكيدة وحـ يقعد في العناية المشددة الفترة هدي
ام احمد : الحمدددلله يااارب الكسرر يتجبر المهم ماتحرمونيش من وليدي 👐👐👐👐
محمد : ياعمتي تقدري تروحي توا انتِ من بكري واقفة اني بنقعد معااه متخافيش وغمز لي فصيل ..خلاص روح بيها توا
..
وكانت ام نيروز في نفس المستشفى وبيطلعوها منها
نيروز : اسمع اني بنركب لغرفة امي وننزلو اني وياها ونضم حاجاتها وانت شوف الأجرائات الازمة للخروج
توفيق : به تمام
نيروز وهيا راكبة تشوف محمد مقعمز ع الكرسي قدام غرفة العناية المشددة
نيروز : جت جيهته وهوا كان مطبس راسه ..حبيبي خيرك شن ادير هني
محمد : سمع صوت نيروز قام راسه .. ونزلو دمووعه وحظنهااا بقوة
نيروز : خيرك حبيبي شغلتني
محمد : احمد كان متعصب اليوم ودار حادث وتوا في العناية
نيروز :: ياااروحي وجعني ان شاءالله ينوض على خيررر يارب 😞 حي واني توفيق يستنى فيا لوطى
محمد : شن فيه
نيروز : قالو بنطلعو ماما اليوم من المستشفى رغم انه ماحسيتش صحتها متحسنة جت مفاجاة طلعتها وتوا بنمشيلها بنطلعها وبنقيم حاجاتها
محمد : اوكي حبيبتي بري توا نهدرزو
نيروز : متزعلش روحك بينوض على خير يأدن الله اطمن
محمد : ان شاءالله
وطلعت ام نيروز المستشفى ورجعو ع الحووش وكانت يادوب تمشي ومزال تحسس في دوخة جت فررح تجري ماما وحظنتها بقوة تاحشتك نا
😭😭
نيروز : بشوية علي ماما مزال تعبانة
جي بو نيروز وجايب معاه غدي للعويلة
بو نيروز : وين خالد مزال مجاش
نيروز : علاش بيجو مش عندهم حوش
بونيروز : اني قلتلهم يجو يتغدو معانا
نيروز : اها مدام هكي رن عليهم اني جعاانة بنمووت ماكليت شي قريب نطيح من طولي
بو نيروز : ايه صح توا نرن عليهم عطلوو ..يرن على خاالد
خالد : اهلين السلام عليكم
بو نيروز : اهلين بيك. وينكم لتوا
خالد : باللهِ سامحونا عطلنا ثواني ونوصلو هي
.
.
.
.
.
.
.
.
.
.
.
.
.
يتبع في الحلقة القادمة
الكاتبة ~~🌸 هدير محمد
YOU ARE READING
#فَتٰاةً_آرهَقتٰهَا_الحَيٖاةً
Romanceقصـة ليبية من الواقع الليبي ? ... تلف او تدور على قصة حـب بين شاب وفتاة واجهتهم الكتير من المتاعب والمشاكل والصعوبات ولـكن كان حبهم اكبر بكثيررر من كـل هده الظروف ،، اتمنى ان تتابِعونهاا بـجد جميلة ✋ قراءة ممتعة #Hadeer ,?
