#فَتٰاةً_آرهَقتٰهَا_الحَيٖاةً
الحلقة 👈 التالتة عشًر ( 13 )
نيروز : تعرفي نووسة نحس في شعوور بايخ هني بروحي ومحمد معاش نكلم فيه هلبا الا شوية شات بس .. وماما كل يوم حالتها تسوأ اكتر وبابا ديما معاي مش قادرة نتنفس بصرراحة ..😭
نسرين : حبيبتي انتي بتتحملي هدا كله علي خاطر امك واني نعرفك قداش تحباها هدي مرحلة وبتعدي صدقيني
نيروز : متأتر وعيونها دمووع مافيش من يقويني حتى محمد يلي كان يعطيني في باور مش عارف شن صاير معااه ع النت معاش نهدرزو ومكاالمة مرة بعد قداااش ومفيش كيف نكلمه حتى شهد بنت خووي مشفتهاش بكل 😢😢 وووووو
نسرين : حست بيها وتأترة بكلامها ،، اسمعي حقا ماقتلكش انَ ماما تبي تيجكم المدة الجاية ويمكن نجي معاها اني وفررح منها نشوفك انتي وخاالتي ونغير جو
نيروز : مسحت دمووعها بجد تحكي والله فرحت من كل قلبي هااااااي واخيراً تعاالو في اقرب وقت
نسرين : ان شاءالله واستني اناديلك ماما وفرح والبنات هدرزي عليهم واني نمشي نكلم قراية يافررخة اموووااه نحببك
وكملت هدرزة نيروز مع خالتها والبنات
~~~~~~~~~~~
هناء خشت للجامعة وما ادراك ما الجامعة يعني مادرتش خير من فالطة لي فالطة ..
هناء طيحت توفيق وارتبط بيه ومن عركة لي عركة لان تفكيرهم زي بعض ونفس العمايل يلي ادير فيه
هناء ؛ كبيدتي وينك انت نستنى فيك في الكفتيرية من بكري شن ادير
توفيق ؛ جاي جاي عنوني غير صاحبي كان شاغلني بعدين نجي ونحكيلك
~~~~~~~~~~~~~
محمد : كان في عرس صاحبه احمد يلي بيتزوج بنت خالته علي دوق امه نسرين : بعد ماحكت مع نيروز حست بغصة في قلبها وحبت تحكي مع محمد وتقوله كون معاها في الوقت الصعب يلي هيا فيه
تتصل نسرين ؛؛
كان اليوم خميس ومحمد في الفرح شاف لفوونه رقم غريب توا هدا مني مش ح نرد بس اصرت عاودت هلبا مكالمات
محمد ؛ بعصبية ايوا مني معاي
نسرين ؛ اهلين محمد سامحني ع الازعاج نعرف فددتك اني نسرين بنت خالت نيروز
محمد ؛ لا عادي غير مكنتش فاضي ورقم غريب مرديتش الحق .بس متقوليليش نيروز فيها حاجة 😨
نسرين : بعيد السو لالا مافيها شي غير هيا كانت تكلم فيا ومضاايقة هلبا بصراحة سخفتني وصعبت علية وجيت بنحكيلك لانها قالت معاش كلمتها
محمد ؛ ركبت في سيارته .. شن بنقولك نسرين واللهِ اني حاسس بيها وعارف يلي صاير معاها بس اني الايام يلي فاتو معاش فضيت لان احمد صاحبي اليوم دخلته والايام يلي فاتو كله معاه في حوشه عندها الحق بس اني ح نعوضها بهدا كله ومش ح نخليها تضايق ولا تزعل
نسرين : اني نعرفك تحبها ولو مش هكي مكنتش بنكلمك واني بنت خالتي زي اختي ونتمنالها كل خيرر
محمد ؛ اي عارف بس توا خطرت علية فكرة اني بناخد ايجازة من الشغل وبنمشيلها غادي فترة معينة بنكون معاها
نسرين : فررحت اي واللهِ احسن شي اديره فكرة حلوة
محمد ؛ خلاص توا سامحيني الاستاد احمد ينادي علية وانتِ صحييييتي هلبااا علي مجهودك وانك تدخلتي وحسيتي بيها
نسرين : العفو من غير ماتشكرني هدا واجبي هيا بسلامة توا
~~~~~~~~~
محمد رفع احمد لصالون
في الطريق '
محمد : احمد نسأل سؤال
احمد : ههههه اسأل على اساس متحشم
محمد ؛ شن شعورك اليوم
احمد ؛ 😏 عاادي في توتر بس محسيتش بشعور حلو زي لما تكون بتتزوج بوحدة تحبها وتتمنى يجي اليوم هدا بفارغ الصبر .. كنت نحلم بعررس ملكي كل شي كنا مخططينه اني وهناء 😩 رااح ع الفاضي معاش نؤمن بالحب ✋
هدي بنت خاالتي قبل نشوف فيها زي اختي لولا نقاان امي وقداش تعزها ويلي داراته فيا الحيوانة هناء وهدا كله مكرر فيها ماكنت بنتزوجها ولا نفكرفيها بس الله غالب
محمد ؛ واااااك يدراااه اني لو كنت نعرف سؤالي بيفكرك بهناء مكنتش سألته خلاص خلاص غير السيرة وخلي في بالك ان مرتك هدي هيا ولت كل حيااتك ونصك التاني وهناء طريها من عقللللك راحت بحال سبيلها .. وغيرلنا السيرة توا
احمد ؛ باهي تمام يامهبول نحكيلك هكي لان هناء بحححح ❌ معاش نفكر فيها نهائي ( وهوا حاسس بغصة في قلبها وكان يضحك علي روحه مش اكترر ) وتوا خلينا نخطمو ناخدو البدلة يلي حجزتها من المحل
محمد ؛ اوكي تمام هي .بس شن ناقصك في الحوش متعك
احمد ؛ لالا مليكش دخل في الحوش ياسر قداش اليوم مشحطك معاي توا نكلم فيصل يجيب الحاجات يلي ناقصة وخلاص
محمد ؛ ماتحسبلهاش يامعفن مش بيناتنا
احمد ؛ توا دير زي ماقتلك خلي نقيسها وهكي بعدين نمشي لصالون الحلاقة
.
.
.
.
.
.
.
.
.
.
.
.
.
يتبع في الحلقة القادمة
الكاتبة ~~🌸 هدير محمد
YOU ARE READING
#فَتٰاةً_آرهَقتٰهَا_الحَيٖاةً
Romanceقصـة ليبية من الواقع الليبي ? ... تلف او تدور على قصة حـب بين شاب وفتاة واجهتهم الكتير من المتاعب والمشاكل والصعوبات ولـكن كان حبهم اكبر بكثيررر من كـل هده الظروف ،، اتمنى ان تتابِعونهاا بـجد جميلة ✋ قراءة ممتعة #Hadeer ,?
