الجزء الخامس عشر : أيا نا قلتلها هكاك و هي تربعتلي و بدات تشايخ على الثورة.. (ربحت كنا فالتريية الاسلامية ولينا ف التاريخ .. .. ارواحو توما ضرك و سكتوها )..من الثورة فاتت ديراكت للاستقلال و ما بعد الاستقلال قتلها أ خالتي ديري بوز تراه ..فاصل صغير برك اشربي قهوة أروما و لا نعيط لمحمد يجيبليك تشيواوا !؟! ... قاتلي لالا ابنتي القهوة قالي الطبيب بعدي عليها و تشيواوا ڨهمت منها يظل يوصل فيها شيخك ... و انطلقت كملت تحكي المهم واش نقلكم بوتفليقة و مامنعش قاتلي والله مانعرف وكتاه يودع الشعب ... قتلها علاه وين رانا رايحين حتى يودعنا حنا ثاني رانا من الشعب مااتنسايش(قلت لا ماكذبنيش ربي عجوزتي راح تبعثنا شهر عسل بديت نتخيل ف الجزر و الشواطئ ).. ماكملتش مام با هي قطعتني قاتلي ياي قصدي و كتاه يموت و يودع الشعب ( يعني يا عجوزتي يا الزينة غير خلينا نحلمو ياخي باطل ) قتلها ا خالتي استغفري مولاك الموت ب يد ربي مادريناها عندي و لا عندك .. و تشعل فيا قاتلي لاه هذا ني مازلت على ديداني ربي يطولي ف عمري و نربي ولاد وليداتي.. قتلها اسمحيلي ا خالتي عندك حق انا اللي كبيرة و نضفر ف الشيب .. و انت لي صغيرة و على ديدانك .. ماتلوميناش برك حالة الكبر الله غالب .. من بعد ولات راحة تحكيلي على نهار عرسها .. قاتلي انا كنت قافزة ماش كيفك والله ماخليتو يكسرني ليلة العرس حتى الليلة الثانية باه سهل ربي ..... قتلها أوووو سيباڥغي .. والله يا عجوزتي مالڨري ماتقربيلي ما نقربلك بصح سبحان الله خرجت ليك Il y a une heure · Envoyé depuis Messenger الجزء السادس عشر : في اللحظة هذيك دخل شيخي عيطلها .. حسيتو منقذي الوحيد ف الدار هذي .. (شيخي لي زوم والله حبيتو قبل ما نعيش معاه) .. قاتلي اسمحيلي ا بنتي غاجلي او يعيطلي .. قتلها مكانش مشكل ا خالتي .. المهم ناضت زعمة حا تروح ليه ... و نشوف ف المخلوقة بدلت مشيتها و لات تتمايل تقول هي العروسة ماش أنا .. كيما تقول نانا " جا الاخر دز الاول .. قالو هذي بلاصتي من عام الاول " هكاك نا صاريلي .. أخذت نفس عميق و عيطت للراجلي .. قتلو خير برك وين هملت !!؟ قالي ماهملت ماوالو راني قدام الباب .. قتلو لاه واش دير قدام الباب.. داروك عساس !؟ .. لكان وليت عساس قولي باه ندير حسابي ..هههههه قالي عساس تاع داركم .. راني نستنى ف صاحبي يجيبلي طوموبيل ..وجدي روحك راح نسافرو .. أووووووووواي و أخيراااا ... قتلو وين رانة رايحين :!؟ قالي للصين ... قتلو .. يووون عمري والله نحبك قد الروز اللي ياكلوه الشناوة .. قالي بركاي التبهليل تاعك ههههه علاه الصين يروحولها بالطوموبيل ( وانا مانكذبش عيلكم من الفرحة حسيت الصين هنا برك ف الدورة ) قالي و وجدي روحك ضرك شوي برك و نروحو... أنا نوجد ف روحي و تدخل عجوزتي الباهية .. قاتلي لاه لبست قشك وين رايحة ليل ليل ا بنتي .. ( والله يا الحاجة قلقت قلت نروح نشرب قهوة و نضرب فيها ڨارو عند جاركم القهواجي دقيقة و نجي ) .. قتلها ا خالتي مسافرة أنا و محمد .. قاتلي : ااآاا وي .. ها قعدو تتعشاو ساع من بعد روحو .. قتلها كثر خيرك ا خالتي بصح والله مدايرة ريجيم .. قاتلي كيفاه كيفاه على واه الرجيم .. على زين لاطاي لي عندك !؟!؟ أيواه عجوزتي اعلنت الحرب رسميا ... قتلها لاه اخالتي واش خصها لاطاي حوتة !؟ قاتلي اخزري مليح فالمرايا ضرك تلقاي لاطاي هاربة .. عجوزتي سمينة و تقولي طايتك هاربة والله هبطتلي المورال طووول .. قتلها ا خالتي ام يقولو " الطول للشجر ، و العرض للبقر ، و ابن آدم بالنظر " و انا الحمد لله ماخصني والو طاي مانكا .. لثم دخل راجلي قالي علاواه راكم تحكيو هيا ازربي .. قتلو كنا نحكيو على البقر و الفيلة .. و هي تشوف ليا بنص عين .. قتلو هيا نروحو .. كي ركبنا ف الطوموبيل . قالي واش رايك في ماما. .. قتلو الله يبارك خيار الناس تحطها على الجرح يبرا .. قالي والله طلعتيلي المورال .. قتلو مالا ديرلي الغنية هذيك تاع أيمن سرحاني اللي يقول فيها " يا خوتو أنا اللي بغيت لاطاي ترونت ويت 38 " حتى انا نطلع المورال شوي Il y a une heure · Envoyé depuis Messenger
