عشق الرعد- الكاتبة تونه

الحلقه الثالثة

بعد فتره قرر رعد الرحيل ولكن قبل ان يركب سيارته لفت انتباءه فتاه ومعها شاب يتلاعبون تحت حبات المطر فأخذ يتآملها وبعد فتره قال لنفسه : اه يابنت ....... ماانتي مقضياها اهوه امال عندي انا كان لسانك طويل الصبح ليه وبهدلتيني طيب استني وشوفي انا هعمل فيكي ايه
ركب رعد عربيته وساقها بسرعه جنونيه وحينما اقترب من جنا ومروان زود من سرعه سيارته اكثر مما ادي الي تلوث ملابس جنا بمياه الشارع الغير نظيفه
جنا: انت ياحمار يالي سايق انت منك لله بهدلتلي هدومي تصدق انك حمار
مروان : خلاص ياجنا اهدي ويالا نروح
جنا : متقوليش اهدي دا بنادم حمار
مروان : خلاص يابنتي تلاقيه.ميقصدشي يالا نروح
جنا : يالا انا اصلا مخنوقه يالا
ضحك مروان ع طريقتها وقال : يالا يا جنا

عند رعد كان في قمه سعادته انه بهدل للبنت ام لسان طويل هدومها ونرفزها
رعد لنفسه : اه لو اشوفك كمان مره ساعتها هخليكي تكرهي نفسك من الا هعمله فيكي وضحك ضحكه انتصار
----------------------------------------
وصلت جنا ومعها مروان البيت وعندما دخلوا شقهت الجده من منظر جنا
الجده : ايه ده ياجنا ايه الا عمل فيكي كده
جنا : مافيش ياتيته واحد كده امه جيباله عربيه وفرحان بيها سايقها بسرعه وبهدلي هدومي زي مانتي شايفه
الجده : ولا يهمك حبيبتي ادخلي غيري هدومك وانا هجهزلكوا العشاء
مروان : لا ياتيته انا مش هقدر انا هروح انا لان بكره ورايا يوم صعب
جنا بفرحه : ليه يامروان
مروان: لانه بصراحه اجمل يوم في حياتي
جنا: انا فعلا كنت عرفه انه اجمل يوم بالنسبالك
مروان: ايوه طبعا دا انا بكره هاخد اكبر صفقه في حياتي انا بجد مبسوط اوي
جنا : اكبر صفقه !!!!!
مروان : ايوه طبعا
جنا بخيبه امل : طيب انا داخله انام تصبحوا ع خير
الجده: مش هتعشي ياجنا
جنا: لا تيتيه شبعت
مروان : شبعتي ازاي احنا مااكلناش حاجه
جنا : انا اكلت تصبحوا ع خير
الجده ومروان : وانتي من اهل الخير
دخلت جنا غرفتها وهي مضايقه من مروان وجدتتها لانهم طلعوا مش فاكرين عيد ميلادها
جنا لنفسها: يااااه يامروان انت بجد نسيتني دا انت حتي مابقتش فاكر عيد ميلادي ولا انتي كمان ياتيته
اما عند مروان والجده
الجده : انت ليه عملت كده يامروان هتلاقيها مضايقه دلوقت ومفكره اننا نسينا عيد ميلادها
مروان : انتي عارفه ياتيته انا بحب جنا ازاي وانا عملت كده عشان بكره عاملها مفاجآه وانا عمري ماانسي عيد ميلاد جنا ابدا ياتيته
الجده : ربنا يخليكوا لبعض يارب وافرح بيكوا انتوا الاتنين
مروان : يارب ياتيته
انا همشي بقي هتحتاجي اي حاجه
الجده : لا ياحبيبي مع السلامه وخد بالك من نفسك
مروان : حاضر ياتيته مع السلامه
خرج مروان ونزل وركب عربيته وتوجه الي منزله ..
----------------------------------------
في فيلا الصاوي ...
وصل رعد للفيلا ودخل وجد امه وابيه قاعدين مع بعض بيتكلموا
رعد: مساء الخير
الجميع : مساء النور يارعد
رعد : انا طالع انام تصبحوا ع خير
سالم : رعد ماتيجي تقعد تتكلم معانا
رعد: معلش يابابا محتاج انام بعد اذنكم
طلع رعد لغرفته ودخل وقام بتبديل ملابسه ودخل الحمام واخد شاور ثم توجه الي سريره ونام ع ظهره ووضع يده تحت رآسه واخذ يفكر في هذه البنت المجنونه التي اطلق عليها لقب ام لسان طويل
رعد لنفسه : هو مين الا كان معاها ده وهو يقربلها ايه
ياتري خطيبها حبيبها جوزها
بس هي مكنش في ايدها دبله لما كنت بكلمها الصبح
طيب امال مين ده
ياربي وانا مالي انا هي تهمني في ايه وانا بفكر فيها ليه
دي مجرد بنت رزله وانا هعرفها مقامها بس لما اشوفها تاني
وظل الي هذه الحاله الي ان غلبه النوم فنام
----------------------------------------اما عند سالم
سالم : انا نفسي ابني برجع زي الاول
منال: ياريت ياسالم فعلا والله رعد القدديم وحشني
سالم : انتي بتقولي فيها هو فعلا وحشنا كلنا
منال: منها لله الا كانت السبب ربنا ينتقم منها
سالم : بلاش تدعي عليها يامنال
سيبي ربنا ياخد ل ابننا حقه منها
منال: ونعم بالله
واثناء حديثهم دخل احمد
احمد : مساء الخير عليكوا
منال وسالم : مساء النور
سالم : ايه ياابني كل ده سهر بره البيت
احمد : انا مسافر بكره يابابا قولت اخرج شويه مع اصحابي قبل اما اروح الكليه
منال :المهم تكون كويس وبلاش سهر تاني هيآثر ع صحتك
امد : حاضر يااجمل ماما وباس ايديها واستاذن منهم وطلع نام
.....................................................................
في الصباح
فاقت جنا من نومها ع صوت موبايلها
جنا: الو مين
رانا: انا رانا يابنتي ايه انتي لسه نايمه
جنا: ايوه كنت نايمه بس خلاص هقوم اهوه
رانا : طيب يااختي انا متصله بيكي عشان اقولك اني مش هقدر اجي انهارده
جنا بخيبه امل: مش هتيجي ليه يارانا
رانا : بصزاحه نازله مع ماما نعمل شوبنج
جنا : طيب مافيش حاجه تانيه ولا حاجه
رانا : حاجه ايه مش فهمه
جنا: لا ابدا ولا حاجه
انا مش هروح الجامعه انا تعباته
رانا : طيب ياحبيبتي الف سلامه
وقفلت معاها
جنا لنفسها : حتي رانا كمان مش فاكراني انا هنام ولا هعمل عيد ميلاد ولا حاجه
دا محدش فاكرني منهم ولا مروان ولا تيته ولا رانا
انا هنام احسن ومش رايحه كليه انهاره
----------------------------------------
لبس رعد وركب عربيته وتوجه الي شركته ومشي من نفس الطريق الا قابل جنا فيه ع امل انه يشوفها
لكن لم يحالفه الحظ واكمل طريقه الي الشركه
---------------------------------------
في محل ملابس شيك
دخل مروان واثناء دخوله انصدم بفتاه جميله وهي رانا
مروان : انا اسف مكنش قصدي
رانا: لا ولا يهمك محصلش حاجه
مروان رفع وشه ليها وقال: ايه ده في جمال كده بسم الله ماشاء الله
اتكسفت رانا وسابته ومشيت
مروان : انسه لو سمحتي .لو سمحتي ومشي وراها
رانا : حضرتك اتآسفت وخلاص في حاجه تاني
مروان: ممكن اطلب منك طلب
رانا : لو في مقدرتي انفذهولك هنفذهولك اتفضل
مروان : بصراحه عيد ميلاد اختي انهارده وعايز اشترلها فستان بس يكون رقيق وكده بقي
رانا: والمطلوب مني
مروان: ممكن تنقي فستان ع زوقك ل اختي
رانا: اوك بس انا مش عرفه زوقها ايه او الاستيل الا بتحب تلبسه
مروان: هي بسيطه بس بتحب الالوان الهاديه
رانا : خلاص انا برضوا جايه هنا اجيب فستان ل اعز اصدقائي اصل انهارده عيد ميلادها
فا انا هنقي الفستانين زي بعض ونفس اللون كمان وانت هتآخد واحد وانا واحد
ايه رآيك؟
مروان: انا موافق
رانا : طب اتفضل معايا
مروان : حاضر
مشي مروان مع رانا وفضلوا يختاروا بين الفساتين حتي اختارت رانا فستانين في منتهي الرقه والاناقه ونفس الشكل واللون
رانا : اتفضل الفستان الا حضرتك طلبته علشان تحاسب عليه وانا بكده مهمتي خلصتي
مروان: متشكر جدا انا بجد تعبتك معايا
رانا : لا ابدا انا كنت مبسوطه
مروان: هو انا ممكن اعرف اسمك
رانا: اسمي رانا
مروان: اسمك جميل
متشكر ليكي انسه رانا
رانا: لا ابدا لا شكر علي واجب
مروان: طيب تسمحيلي اوصلك اذا ماكنش يضايق حضرتك
رانا: انا اسفه مبركبش مع حد غريب
انا هاخد تاكسي متشكره
مروان: ولا يهمك اتفضلي
رانا: مع السلامه
مروان: مع السلامه
وخرج كلا منهم واتجه في طريقه
ولا يعلم كلا منهم ان طريقهم اصبح واحدا
----------------+----------------------------------
في شركه الصاوي
وصل رعد ودخل الشركه وكان في قمه غضبه
لا يدري ما الذي اصابه منذ رأي هذ الفتاه
لا يدري ماهذا الشعور الذي يتملكه تجاه هذ الفتاه
لا يدري ما هذا الغضب الذي اصابه لانه ماوجدها مره اخري
واصبح يكلم نفسه
رعد: انا ايه الا جرالي انا ليه بقيت افكر كتير في البنت دي ليه كده
ايه الا جرالي انا مكنتش كده وحط ايده ع قلبه وقال
اوعي تكون عملتها وحبتها محدش يستاهل حبك كلهم خاينين كلهم
كلهم منافقين كلهم كدابين وفقد سيطرته وقام بتكسير كل شئ في مكتبه