اففف الصهد اليوم بزااف ، بقاو عندي 4 الباكيات ، كيبان ليا غنطلع للشارع الكبير داغي نبيعهم
السلاام معاكم هبة 18 سنة ، عينان خضراويتان كبيرتان ، فم مغري ، خدود ممتلئة ، شعر اسود طويل ، طاي سيكسي بكل معنى الكلمة ، كبرت في الميتم مي مني وصلات للسن القانوني خرجوها ، ملقات فين تمشي ، و ربي صيفط ليها الفامدوميناج اللي كانت فداك الميتم سكناتها معاها ، كتخرج تبيع المناديل لاصحاب السيارات ، باش تجمع الفلوس ومتبقاش متقلة على السيدة ...
طلعت حتى الشارع الفوق بجلابيتي اللي مكنحيدهاش ، ولكن كتبيني زوينة ، كانت الشمس الطنطينة ما وصلت ليه حتى غفر ليا ربي الذنوب ، بقيت كنجري ونطلب فيهم اشريو من عندي ، بعت ثلاثة وبقات وحدة ، مشيت جلست فواحد الجردة جات في الخلا ، حسيت بالعيا وترخيت بقيت كنقااوم فالنعاس مي فالآخر غلبني .. بقيت ناعسة حتى حسيت بشي ايدين كيدوزوا على ايدي بحنان ، فقت مخلوعة ،
انا : هييييه حيد ايديك
شاف فيا وخنزر : الناي كنعسو هنا ؟؟
انا : وانت مالك (مع قلتها هزيت عيني فيه مزياان ، واااو واااو على زين حروفو كحلين مية في المية عضلات سداسية والكوستاار احح اقلبي 😍) هو : هه حيدي من هناا ، صلااااح واش غنبقاو هنا طلقني خلااص
صلاح(الشيفور) : ءء صافي امسيو جهاد ساليت
خليتهم وتميت راجعة بحالي ، مي طول الطريق كنحس شي حد تابعني ، كنقلب مي والو ، تخلعت وزدت في السرعة حتى وصلت للدار ودخلت عاد تنفست ، اووه الحمد لله ًًًجهادًًًً
عندوا 29 سنة ، رئيس لمجموعة من الشركات داخل وخارج ارض الوطن ، متعصب ، نفسو حارة ، كولشي عندوا بالعنف ، ومكيرضااش بالهزيمة ، ايلا بغى الحاجة خاصها تكون ليه واخا تنطابق السما مع الارض.
كان عندي اجتماع في الشركة مع الصباح دوزتو مزيان والحمد لله قدرت نقنعهم بالصفقة ، بغيت نرجع للقصر ديالي داغي لذلك طلبت من الشيفور اختصر الطريق ، ولكن للاسف وقفات الطموبيل في الطريق ، خرجت بينما صايبها ، حتى طاح النظر ديالي على لوحة فنية ، ملاك الله في ارضه ، تمشيت عندها بخطوات متسارعة ، كلما قربت ليها والنفس ديالي كعالي ، ركبني نوع من التملك جيهتها ، بقى النظر ديالي على صدرها المشدود و فمها المغري ، خدودها الممتلئة ، غريزتي الجنسية تحركت مني شفتها ، دقات قلبي كتسارع بدون سابق انذار كنت غادي نقبلها حتى فاقت ، وغير حلات عينيها تهت انا فدواامة كبيرة ، آش كنخربق انا فينهوا الجبروت ديالي ، انااا جهااااد العمراااني ميمكنش ليا نضعاف قدام وحدة . معطيتهاش وقت ، ومشات
انا : صلااح
صلاح : نعم اموسيو
انا : تبعها وشوفها فين كتسكن..
💋
انا : تبعها وشوفها فين كتسكن ، وياااويلك تضيعها
صلاح : لا اسيدي غير كون هاني
معرفتش علاش طلبت منو هكاك ، مي اللي عارف باللي قلبي اللي قالها ليه .. مبغيتهاش تكون آخر مرة نشوفها فيها ، افف آش وااقع ليا اربي ..
طلع للوطو وكسيريت حتى للقصر
ًًًهبةًًًً
انا : خاالتي ، خااالتي هاا انا جييت
رشيدة : مرحبا بيك ، تبارك الله كتباني ليا اليوم بعتي بزاف
انا : اه اخالتي الحمد لله ، ربي يسر ليا امري اليوم
رشيدة : ونعم بالله ، دابا نقول لخويا ازيدك شي باكيات
انا : خاالتي رشيدة ، جامي ننسى خيركم والله ، انت احتويتيني ودخلتيني لدارك ، وخوك فتح ليا باب الرزق
رشيدة : متقوليش هكاك ، راك بحال ابنتي ، سنين وانا خدامة تما ، وكنعقل عليك فاش كنتي لحمة ، وخويا را ممكلفش راسو ، را الشركة اللي كتعطيهم ليهم ، كانوا كيبقاو غير اتلاوحوا و اللهما تستغليهم انت ، ودابا باراكا عليا من الدراما وآجي تاكلي
انا(عنقتها) : وااخا ، امم اشنو موجدة لينا اليوم
خالتي : الطاجين بالحوت كواري
انا : اممممممم ، اه حكا خالتي
خالتي : نعم ابنتي
انا : خاصك تعلميني نطيب
خالتي : هه وااخا اللالة
دوزت داك النهار غير فالدار
صبح الحال وكيف العادة مشيت لخدمتي ، مني مكيبقاش عندي بزاف كنطلع الشارع الكبير داغي كيتباعاو ليا ، وداكشي اللي درت حتى هاذ المرة ًًًجهادًًًً
اسيقظت بعد حلم جميل ، اول مرة نشوفها ولمدة لا تتجاوز 10 دقائق واستعمرت احلامي ، مني كنتفكرها كنحس بعيني مغرغرين ، قلبي كيخبط ماشي كيضرب ، ايدي كترعدوا ، ريحتها باقي كنشمها ، وااش هذا هو الحب ، نكون حبيتها حب من اول نظرة ، معرفتش .. اللي عارف هو انني محتاج نشوفها ونشم ريحتها ، نذوب فعينيها ، نتبسم لضحكتها !!!!!!!!!!!
من بعد روتيني اليومي لبست لباس رسمي بسبب الخدمة ديالي ، فطرت وطلعت اللوطو ديماريتهت فاتجاه الشركة مي من نفس طريق البارح ، املا فانني نتلاقاها ثاني ،
وصلت لداك ااشارع مي مبانتش ليا بحث بعيني مزيان مي والو ، فقدت الامل وبغيت نديماري ، حتى اسمعت الدقان من الزاج ، كانت هي
هي : السلاام عفااك واش محتاجة للمناديل
انا : (الصمت)
اصلا مسمعتهاش آش كتقول .. بقيت مقابل شنايفها كيف كيتحركوا ، كيفاش كتبقى ترمش عيونها بعد كل حركة من شنايفها ، فيقني من سهوتي صوتها اللي جاني لحاا الموسيقى ، مكرهتهاش تبقى غير داوية وانا مستمتع بالنظر اليها والاستماع لصوتها العذب
هي : عفاك ، واش باغي ولا لا ؟
انا : ءء شحال عندك تما من وحدة
هي : اربعة
انا : وبشحال الوحدة
هي : 260 ريال
