خطوات نحو الجحيم

الحلقه 23

#خطوات_نحو_الجحيم

////بقلم الكاتبه زينب ماجد////

الحلقه_23

متحملت الموقف وهو يباوعلها وهي ترگص.. شلت الشرب من ايده.. شمرته بوجهه... ومشيت منه بسرعه طلعت....

لحكني.. اوكفي لحظه.. وخرت ايده وطلعت بره النادي.. وقفني وضربني راشدي..

التفتتله.. تضربني مالك ..؟!! وعلى مود منو.. على مود هاي الساقطه..

-شلون تتجرئين تشمرين المشروب بوجهيييي..

-وشتريييييد.. ابقى اباوعلك وانته حظرتك مخلي عيونك على هلساقطه. وعدتني مراح تلحكنا ولحكتنا شوفني الغير اسلوب الكلت هددتها بي..

عفته ومشيت

-تعااااي وين رايحه شو انتي محد بعينج

-ما اريدك وخر ايدك..

-امشي للسياره

-ما اريد وخر.. عود وقت اللي تتخلص من هلعجوز.. سولفلي.. هسه اتركني

-كتلج امشي للسيااااااره لا اطلعين روحي..

-كتلك ما ارووووووح ويااااك افتهمممم.. دا امشي جر ايدي ومشى حيل... واني احاول اوخر بأيده ماكو لازم الساعد مالتي حيل ويمشي..

وصلني للسياره.. شمرني بيها.. واندار.. ردت انزل.. صاح متلومين الا نفسج صدكي..

صعد يمي.. صحت ما اريدك اريد انزل.. ما رد وساق بسرعه و بعصبيه.. وصلنا للفندق.. نزلت قبل ليصف..

واخذت الكارت من الرسبشن وصعدت للغرفه فتحهتها.. ودخلت وللحمام كبل.. قفلت الباب وكعدت ابجي..

طب هو صاح لجين.. ما رديت.. دك الباب.. ما جاوبت..

-اطلعي اريد احجي وياج

-ما اريد اشوفك امشي منا

-عدلي اسلوبج واطلعي كلت..

-بقيت كاعده بمكاني وما رديت عليه.. بعدها كمت شغلت الدوش ودخلت سبحت.. خلصت اريد اطلع..

بس ما اريد اشوفه.. بقيت كاعده بالحمام 3 ساعات.. وهو كل شوي يجي يدك الباب ويصيح يلا طلعي..

حسيته نام. طلعت.. لكيته متغطي ونايم.. اخذت ملابس بدلت.. ورحت نمت ع التخم..

بقيت افكر بيها شلون تركص.. شجابها شعرفها باسطنبول.. هم ايهاب.. كذاب هو متفق وياها..

بقيت بتفكيري وحركتي لحد ما غفيت.. حسيت عليه وهو يشيلني بليل ويخليني ع السرير.. ويغطيني..

نام.. خلاني على ايده. ابتعدت.. وانداريت عنه..

مالك:- شبيج لولي ليش هيج زعلانه..

-ابتعد مني

-غير اعرف شنو اللي ابداخلج

-تعرف كلش زين لتسوي روحك غشيم..