الماضي نخاف نكوله مرات ، ونحجي بصوت عالي وبنفس الوقت يكون مقيدنا
Oops! This image does not follow our content guidelines. To continue publishing, please remove it or upload a different image.
نريد نتحرر منه بأي طريقه لان هواي اشياء تلجمنا وتجبرنا نتذكره ، نتألم نريد نحجي بصوت عالي وبنفس الوقت منكدر ، فكرت اشلون اوصل قصتي إلي هي الى الان جي اموت منها قررت وبعد بعثرت افكار وضجيج بداخلي ان اتحرر منه والناس تسمع قصتي ، جنت بسجن الماضي والقفل هو الخوف ، اليوم راح افتح الباب .....
Oops! This image does not follow our content guidelines. To continue publishing, please remove it or upload a different image.
ملك اسمي ملك عمري ١٦ سنه طالبه ثاني متوسط شكلي عادي ، عيوني كبار وساع لونهن عسلي 😋 لا طويله ولا قصيره وسط طبعي خجول ، حييل خجوله من امشي مارفع راسي من الكاع استحي واذا احد كلي طالعه حلوه اووو تصير خدودي حمر 😊 وضحكتي بلوه اضحك هواي حتى للهوه وجانن صديقاتي يشكن للمعلمات من وره ضحكتي 😁 حابة هيج حياتي حلوه ومابيها اي شي مؤذي ، انا من عائله مو كولش متدينه ولا سبورتيه يعني متوسطين بالتدين احن بنات ثنين انا واختي واخوه ثنين وانا اصغر وحده بالعائله جانت ماما حيل مدللتنا وتخاف علينا من الهوه ابوي شخص طيب بس جانت كلمته مسموعه يعني الي براسه لازم يصير ....اختي مريم مخطوبه وزواجها قريب ، اخوي الجبير سامر مزوج وعنده اطفال فدوه امووت عليهم وحمودي ابنه اصلا ابني دائما ينام يمي واخوي الثاني ثاني كلية ، خوتي حبابين ومتفهمين احبهم واحب عائلتي حييل ... وجدي تاجر جبير معروف ويحب ان يكون احفاده كولهم فد شي احبه بس جان شوي عنده تكبر 😣 .. يوم جمعه ومن الصبح جتي امي ... __ ملك كعدي يمه اجتي صديقتج حتى تروحون درسون يمها __ يمه احس روحي تعبانه اريد اكمل نومتي __ شكول لصديقتج هسه __ كوليلها نايمه ومتكدر تجي باجر اروح وياهم __ دنامي مابيج فايده __ احبج مماتي ورجعت نمت اصلا احلى شي بالكون هو النوم ااااه ماكو احلى منه ... اجه يوم السبت كعدت من الصبح لان عندي امتحان يوم الاحد وصديقاتي كولهن اجتمعن ودرسن سوية 😢 بس انا اخذتني النومه اووف شسوي هسه خلي اكوم الزم كتبي ودرس بلكت اخلص ونجح ، لزمت كتابي شو اكلبه منا مافتهم منا ماكو شي ينفهم يووو شسوي اخابر ع البنات كل وحده ملتهيه بدراستها خلي ادرس وأمري لله درست لمن نمت .... __ كعدي ولج ملك وقت المدرسة _ اي اي يمه كعدت حبابه سويلي لفه اخاف مالحك اتريك اكلها بالطريق __ مو تدللين ___ فدوه الج يانبع الحنان كملت لبسي وحظرت الجنطه واخذت اللفه من امي وبستها ورحت وصلت للمدرسه ورحت ركض لصديقتي __ فدوه أيناس ساعديني علميني لو شوي من الانكليزي لج اطرش بالزفه انا __ لعد ليش مجيتي من درسنا هااا _ اي اخذتني النومه 😓 __ باجر هم لاتجين حتى صدك اموتج __ لا توبه والله بعد كل يوم يمج ههه ودرستني شوي أيناس جانت شاطره الصف واخذت منها هواي معلومات انا جنت ماحب الدراسة كولش بس فطنه يعني استوعب بسرعه لو ادرس جان طلعت من الاوائل 😋 امتحنا وخلصت اخيرا __ ها بشري ملك اشلونج بالامتحان __ وج استكتي يخبل حليت ع كد النجاح __ خرب بأنا لج ليشش _ اي مو احسن __ هههههههه صدك خبله ___ لا يابه اشاقه زينه عاشت ايدج من انطيتني كم معلومه قبل لا ادخل __ ودياتج حبي بكل وقت بس مو تنسين باجر حننجمع يم ريماس حتى ندرس الرياضيات طبعا طلعنا بره حتى نرجع للبيوت ، اكو شخص دائما يوكف ويحاول يحجي وياي كتلكم انا استحي اصلا مارفع راسي ممهتملته ابد دز بنيه حتى بلكت احجي ويا كتلها ماكدر يعذرني اصلا انا مو يم هيج اشياء بعيده عنها ، جنت احب النوم وبباتي وامي 😅 وصلت للبيت مشي جنت من امشي ادنك راسي بالكاع واعد الحصو الي بالكاع واذا انسى ارجع اعدهم مره لخ هههه
