أقدارنا مكتوبه

تعلقي بسيف زاد

 
بعد المكالمه الي صارت بينا اتعلق بسيف اكثر واكثر احس صار هو النفس بدونه ماكدر اعيش بدونه وهو جان يغار عليه من كلشي حتى من اهلي يغار من اخوتي اذا اطلع وما اكوله يكلب الدنيا عليه اي فديته يغار ويخاف 😁
وانا جنت اخاف عليه من الهوه والي يريده اسوي ماريد اخسره وانا هم  الي اريده يسوي الي يمه فديته 😍 ...

خلصت الثاني نجحت وصرت للثالث وانا ويا بكل لحظه متركنا بعض ابد ليل ونهار نتخابر وجان دائما يصرخ عليه ادرس وساعدني هواي  حتى احب الدراسة اكثر حبيت الدراسه ع حبه ....

اصلا حتى هو بيده انا وريماس جان ياخذنا للمحاظرات جنا نروح ندرس لان بكلوريا وبيام الامتحانات ميتصل يكول لازم اكون قوية وانجح واذا درست راح يخابرني صرت مثل الطفل من ينتظر امه تشتريله شي يحبه اذا نجح كمت ادرس وكمل حتى اسمع صوته اجتي ايام الامتحانات وخلصت ....
وكمنا نسولف هواي لان خلصت الامتحانات 😅 ...
__ ملك يروحي انتي شوكت النتائج
__ مادري غير يعلونها
___ من تنجحين اي هدية انتي تختاريها
__ يارب لعد اريد انجح ههه
__ ادري ببنيتي تنجح 😉
___ ان شااء الله الله يسمع منك
وبعد كم يوم من خصلنا المدرسة انا جنت احجي ويا سيف بالتلفون دكت الباب ماما انا ذبيت التلفون من ايدي هههع خفت شمرته جوه الجرباية اي هي روح لو لعبه 😂
__ هاا ماما خو ماكو شي يروحي
__ لج ملك اجونا ناس هسه يردون يشوفوج
__ ليش يشوفوني شبيه
__ لج لاتصيرين ثوله خطابه قصدي
___ هاا خطابه بس ماريد هسه
__ دكومي بدلي وعقلي بسرعه
___ يمه
__ لج كومي لاتعبيني
كمت بدلت مرتبت روحي عدل اريد ابهذل روحي اصلا ماريدهم ينعجبون بيه ماريد احد بالكون بس سيف اريده ، ونزلت والحمد لله مرجعوا ،،
مو بس هم اجوني هواي اجوي وانا كل مره ابقى ارفض حتى ابوي كال شبيها ليش هلرفض .
بيوم الي حبيتك ياسيف كثروا الخطابه يااربي شسوي ماكدر اختيل غيره زوجي ماكدر اشوف بعيوني بس هو ربي اجمعني بي هو روحي من الدنيا ..... خابرته
__ الوو سيف سيف عفية تعال اخطبني حتى لو بس تحجي حتى اكون الك افهمني انا ماريد غيرك اموت
__ لج ماكدر هسه دتحجين انتي اريد اكون روحي ويصير عدنا بيت وحدنا ماريد يم اهلي
__ سيف افهمني خايفه اكون مو لك
__ اكتلج وكتل روحي واكتل الي ياخذج
__ يمه 😓 هو بس حجيك يخوف
__ اي لعد شعبالج انتي ماتي وحدي
بست التلفون اييي هو بس صوته عافيه شوفته وحجايته شنو .... غطيت راسي ونمت ردت احلم اشلون امون عروسته وبدله بيضه واهلي يبجون عليه 😁 خلي يبجون المهم اخذت الي احبه ....
مرت الايام وجتي خالتي تسير علينا كمت شبكتها ريحة امي بيها وكعدنا بالمطبخ نسوي دولمه للغده جان غداها يمنا كالت خالتي : ولج كبرانه وصايره تخبلين
صار وجهي احمر
__ اكيد حلوه غير ع خالتي حبيبت قلبي
وضحكنا كلنا بس اشوف خالتي هاي المره تباوع هواي عليه مشيت الموضوع ومويمي اصلا خلصنا كالت امي
_ كومي يلا بنيتي خلصي غسل المواعين ونظفي المطبخ وسوي جاي لخالتج
-- هاي شنو هذا الحلو هيج تعذبوا
ههعععع ضحكن وكالن يمه من لسانج بله 😂
خلصت تنظيف المطبخ ونظفت الكاعيه وجان الجاي يتهدر ...
اخذته ودخلت للغرفه بهاي اللحظه شفت امي اشرت لخالتي اني دخلت بقيت بحيره شكو وليش هيج شعدهم مو خالين ذوله
___ وهذا الجاي واجه محتاجين شي ثاني 😊
__ يمه بعد قلبي بنيتي العاقله
___ شكم ام وخاله عندي عيوني الكم انا اترخص
وصعدت طراد للغرفه شتاقيت لسيوفي يممممه افيشش يصوته
__ ألو
__ يبعد الراحوا والاجوو
__ يمه قلبي شبي قلبي
__ هههههه فديت قلبج اشلونج
__ شلوني متكسره هههه
__ ليش اسم الله
__ جتنا خالتي اليوم واختي طالعه ويا خطيبها وانا بس بالبيت كرب وشغل ووشتاقيتلك
__ اصلا انا المشتاقتلج
وبقينا بس نحجي ونتغزل عيب لاتسمعون حجي كبار 😋
لحد منتمت ع صوته وغفيت وهو يحجي ومادري بي 😂

يتبع ....
انطوني رايكم 😭