#حب_أم_انتقام
#الحلقة_الخامسة
اني : ابراهيم حول يدك
ابراهيم : اشششششششش و كيف يبي يشدني بالقوة و يجيه خالد
خالد : فكني و طاح فيه طريحة
عزو : اطلقه انت خش
خالد : طلقه لي عزو و الولد و خش يجري
عزو : اركبي السيارة
اني : مش عارفة شن صارلي ركبت السيارة و راسي بدي يلعب حسيت بدوخه
هاجر : روبي حبيبتي خلاص اصلا شدوه حبيبتي روبي روبي
و غبت على الوعي
خش خالد لي الديار لقي زوز تليفونات و ايباد و لاب توب جبدهم و قعد يدور على الدسكات جبد قجر دسكات و قعد يدور وين يبي يحطهم لقي شنطه الاب توب حطهم فيها و حاس في الدار حوسه قنينه هناك كان لقي حاجة حطها زي الفلاش و الحاجات الى ممكن تتخزن فيهم حاجة و طلع
عزو : هات
خالد : فتح باب السيارة و مدهم على طول يده و سكر السيارة الولد الى معاهم ركب في السيارة
ابراهيم : حول حول خلاص خديت الى تبيه ولا
خالد : لا مزال و طاح فيه طريحة لين خلاه بدمه و سمعه كلمتين حلوات خفيفات خلوه يطبس راسه من حلاوتهم و مشو و مشينا لي حوش عزو
خالد : روبي روبي روبي رررووووبي
اني : هاااااا ااامممممممممممم و نضت نبكي
هاجر : يالله جبتلها اميه و شربتني
اني : الحمد الله
خالد : خلاص افتكينا منه
عزو : احم خالد هاذم الى جبتهم ولا
خالد : اي خيرهم
عزو : تعالى شويا
خالد : شافلي و مشي لي عزو
عزو : احم شد اني معاش نقدر و ناض
خالد :^%$^%$$#@ حي عليه الكلب
اني : خيركم شن في
خالد : شي شي انتي كلمتي امك
اني : لالا خلي نتصل بيها و اتصلت بي ماما
ماما : ها روبي وين مشيتو
اني : حطني عند شيماء شويا غايبة و مريضة قلت نبي نشوفها
ماما : اها و امتى تبي تروحي
اني : مع العشية قالي خالد توا نروح بيك
ماما : ديري بالك و سلمي عليها
اني : يوصل سلام و سكرت
خالد : شن
اني : مش ح تحس ان اني هني قلتلها ان عند شيماء
