The Queen's Bad Boy | ✅

6: New

"GOOD MORNING." Medyo inaantok pang bati ni Aicelle nang sumakay si Xander, she's been fetching him for a week now at ang akala niyang madaling adjustment na pag-gising ng one hour earlier ay hindi pala madali. Puyat na nga siya, ang aga pa niyang gumising. Hindi talaga siya sanay na matulog ng maaga, her mind functions well at night kaya almost two times siyang mas productive.

Tahimik lang na naupo si Xander sa tabi niya, he usually sleeps habang nagmamaneho siya, ang considerate talagang nilalang kaya naman everyday niya din itong inaasar. She keeps on calling him cute nicknames in front of people at naaaliw naman siya sa tuwing makikita niyang mainis ito or something.

"You look tired." Sabi bigla ni Xander, so hindi pala ito tulog.

"I stayed up late para matapos yung isang painting ko." She replied.

"You should rest. Halata na ang eyebags mo." Naku, bakit niya ba inasahan na maganda ang sasabihin sa kanya nito? Na-conscious pa tuloy siya. Nagsimula na sa caring eh, tinapos naman sa pang-iinis.

"Walang pakielamanan, Prada yang mga yan." She scoffed. She just focused on driving lalo na at malapit na sila sa school, konti na lang ay siya naman ang mang-aasar dito. "Mamaya ka sa akin."

"You should stop that. Stop calling me with those cringy as hell nicknames. Sino ba ang gustong matawag na 'apple cake' o 'sugar bear'? Nakakakilabot." He seemed irritated as well. Napangiti siya kasi kahit papano ay quits na sila.

"Cute kaya."

"Sabi sayo, ligawan mo muna ako bago ka umarte na girlfriend ko. Okay? Di ako easy." He said. Lecheng lalaki to, ang yabang talaga kahit na kailan. Talo pa ang mga bagyo sa lakas ng hangin sa katawan.

"Asa ka. Di kita liligawan no. Baka ikaw pa kamo."

It's been a sort of productive partnership between them, gets na niya kung bakit scholar ito, ang galing kasi niya sa kahit na ano halos na medium. He painted an amazing scenery the other day out of his imagination. Kung hindi niya lang alam ang family background nito ay aakalain niyang isa iyon sa alps scenery sa Switzerland. It came out so similar pero sabi lang nito ay nakita niya lang sa internet iyon. They've so far completed 6 of the needed 20 art pieces. Inuuna din nila ang painting kasi dun sila parehas kumportable at higit na mas madali iyon gawin.

"Papasok na ako sa class." Hindi man lang siya hinintay nito na makaparada, ni tulungan man lang siya kasi medyo masikip ang parking space na malapit sa entrance ng building nila.

"Bwiset. Di man lang ako tinulungan. Sa malayo ko kaya to i-park para maglakad siya mamaya kapag uwian na?" She murmured habang pilit na ipinaparada ang sasakyan. She was just about to give up ng biglang may kumatok sa bintana niya. "O, bakit ka bumalik?"

"Ang bagal mo naman kasing mag-park. Patayin mo yung makina." Utos ng kumag na to sa kanya. "Baba, ako na ang magpaparada."

"Kaya mo?" She wondered.

"Di ako magvo-volunteer kung di ko kaya. Bilis na." She yielded and turned off the engine. Bumaba siya agad at tumayo sa gilid para hintayin si Xander. Hindi naman siya katulad nito na umaalis agad. Bago sumakay sa sasakyan ay nilingon siya nito. "Dun ka na sa entrance, umaambon."

"Okay lang—"

"Sige na, dun ka na." Isinuot nito sa kanya ang cap na suot nito at medyo tinulak ang balikat niya.