Housemate

0.o

6 : 00 AM

'Kopisanangan doh kosuabon~🎶'

Awal pagi lagi suda si Tina pasang kupi² fm. Lepas ja dia kasih bersih café dia, trus dia pi kasi sumad si Kiko the Puppy.

Lepas ja dia sumad duku dia, trus dia pi atas kasi bangun tu dua ikur.
"BANGUN!!BANGUN!! " Si Tina sampat lagi buang Kusyen d muka Jey sebelum dia lari turun p bawah 😂

"Aduh!! Kuangasam ko Tina!! " Laju si Jey umban balik nga inda kana 😂
Si Bryan pula masi lagi mingkulumut. Sajuk tul dia rasa. Tingkat atas kan..

Si Jey turun. Dia nmpak ada suda makanan terhidang sana meja.
"Bryan! Turun! Makan! " si Jey memanggil.

Tina time tu kasi sapu Peanut butter di roti paun.
Lepas ja si Bryan sama Jey cuci muka segala, trus dorang besarapan.
Bryan lead berdoa.

7 : 07 PM

"Tinaaa~Jeyyy~Gud morning! " si Shera sama Phil sampai suda.
"Morning~" Jey sma Tina serentak balas.

Macam biasa, durang bekerja. Sikit ja Customer nga untung banyak tul. Sebab apa? Semua Customer yang datang Gayo nakan 😂 suka tul dorang sama makanan di Danriver's Cafe. Terharu si Tina lepas urang yang datg pi café dia Puji dia sama makanan dia.

9 : 45 am

Era Sabah FM 📻🎶

"Sia mau minta maaf sama si Tina lah tentang apa yg berlaku taim hari 1 dulu. " si Harry Otw pigi Danriver's Café. Dia lupa suda yang hari ni Lea bawa bejumpa sana Tuaran.

Jey Primus.. Ugghh, I hate tht A*shole!

***
Sementara itu..
"Aiii? Mana si Harry Sen ni? Lambat tul!" Lea balik² tingu wassap. Sana dia depan kfc menunggu si Harry.

10 : 00 AM

Kupi² FM 📻

Masi lagi ada urang di Café si Tina. Ada yang becerita, tingu pemandangan, taip something di Laptop.. Banyak lagilah ragam urang time tu. Nasib si Tina pasang wifi di cafe dia. Bulilah pelajar² sikulah menengah sma plajar U yg bercuti buat assignment sana.

Si Tina sama Shera sana dapur bikin Kuih sma kupi manakala si Jey sma Phil sana Kaunter becerita kusung.

"Jey, ada urang dtg. giliran kau ambil pesanan hehe. "
"Oke" si Jey kluar dri kaunter trs tingu tu urg yg baru dtg..

Eh? Mcm prnah nampak pula muka ni urang..

"Excuse me, bulih sia bejumpa sama Tina? " bilang tu urg.
"Yaa... Bulih! Sana dia dapur.. Mau sia panggil?"
"It's okay, Biar sa pigi sendiri. " tu urg jln menuju pi dapur.
Si Jey curious tul.."napa tu urang mo jmpa Tina?" Bilang dia dalam hati.

Dia ikut lah tu urg dari belakang.
Si Tina yg taim tu makan kuih sama si Shera tekejut nmpak tu urg.
"Harry?! "
"Nana... Siou kio pasal tu hari 😭" si Harry pigang tangan si Tina.
"Eiii nanti tajatuh kuih sia! " si Tina tarik tangan daripada genggaman si Harry.

"Siouuuu"
"Emm.. Okeyyy.. Indapa bah.. Nga.. Apa juga yg ko bikin? " si Tina hairan.
"Yg hari 1 tu, sia marah²..siou kioo? "
"Oh.. Okkkk" actually, Tina langsung inda ingat pasal tu kejadian. Yg dlm utak dia sekarang ni, persoalan pasal kenapa tu movie hantu yg dia tingu kemarin teda kesudahan 😂.

Si Jey sana pintu dapur bingung-bingung.

Sepa ni urang aa? Mcm prnah dtg pi sini oh.. Deja vu kali? Hmmm..

"Sepa ni? Kawan? " tanya si Shera.
"Ya.. Ex classmate sia dulu" bilang si Tina.
"Haii" si Harry seken(shakehand) si Shera.
"Hai.. " si Shera senyum.