Sebulan suda dii si Jey sama Tina bekapol. Banyak tul kenangan manis durang cipta.. terutama setiap hari lima.. selalu jalan pi dating. Klau bukan di Pantai, pigi tingu wayang sana wanbi.. kalau bukan juga, sana rumah berparti.
Beranda rumah
Monday morning
Si Jey cuti niari. jadi si Tina sama Jey bedating lah sana beranda sikijap sebelum si Tina buka Cafe dia.
📲Aunty Fiona (mma Jey)
telefon si Jey bebunyi.. nga taim tu si Jey d tndas. jadi Tina lah yg smbut.
Aunty Fiona : Jey, pa macam suda kau d sana??
Tina : Err.. Aunty siou.. si Jey sana tandas.
Aunty Fiona : Ehh? Ohhh...Isai ti?
Tina : Tina Erick. Pemilik Kafe om yg kasi sewa bilik utk si Jey.
Aunty Fiona : Ohhh, Kau pula yg selalu si Jey cakap di group wtsapp kami..
Tina : ahahahaha 😅 (awkward 😂)
Aunty Fiona : Bah,nanti sia telefon si Jey balik..ponsikou kio?
Tina : oh bah, Miagal. Bai, Aunty~
Aunty Fiona : Baiii
10 Minutes later..
si Jey bru kluar dri tndas. lega tul dia lepas 'melabur' 😂 dia naik atas trus pi dakat si Tina.
"Jey, mama kau telefon tadi." si Tina bagi tu tlefon si Jey.
"Iya??" si Jey ambil tu telfon.
"De bilang mau telefon kau nnti." bilang Tina.
📲Aunty Fiona
"Nah,panjang umur!" bilang si Tina.
si Jey sambut la kunun.
Jey : hello Ma~
Aunty Fiona : Jeyy!!Nunu Habar nu???
Jey : Asanang kasari boh,ma..
Aunty Fiona : ohh, Ngam laitu. jadi bilalah kau pulang rumah? Obuli kah hari minggu ni? oruhai nopo boh..bharo maan yahai hiti..
Jey : Hmmm... obuli boh.. nga aiso sakaion ku muli. poingkuro dii?
Aunty Fiona : Bawa Tina bahhh.. Haro kerita dau kan?? mama mau kanal juga sama kwan prempuan kau nii 😏
Jey : Aik 😅 bah, sa tanya dulu dia lah 😁
Aunty Fiona : bah ngam! sunudai Tina!!
Jey : Orait, nnti sia kasitau d wtsapp. bai ma!
Aunty Fiona : Baii.
lepas ja si Jey tutup telefon trus dia pi duduk dkat Tina.
"Tina, ko mo ikut ka pi rumah sia??"
"Hah? kenapa?" Tina kerut dahi.
"Ada makan² kali taim tu.. mama sia inda kasi tau apa event dorang" bilang si Jey.
"Ohhh... emmm..." si Tina berpikir lagi. macam risau pula dia rasa klau dia pi rumah Jey. takut ada awkward moment sama family si Jey ni..
"Marilahh.. teda yang mo hantar sia ni 🥺" bilang si Jey.
"bapa kau??" tanya si Tina.
"kan taim tu family sia sibuk..." bilang si Jey.
"Hmmm..."
Si Jey pigang tangan si Tina smbil buat muka kiut 😂
"Tina~mariiiilahhhh"
si Tina cringed 😂 "Ihhhh,galinya kau buat muka gitu!" si Tina kasi alih tangan dia dari si Jey.
"jadi??apa yg sia prlu buat supaya ko buli ikut sia??!"
YOU ARE READING
Housemate
RomanceJey Primus,17,yang tidak mau masuk asrama sekolah sebab sayang butul sama rambut dia decided mau cari bilik sewa.Dengan Suggestion bangainya si Welson Jey,17,si Jey dapat sewa bilik yg rumahnya bersambung sama Café dan kebetulannya ex crush dia si T...
