Ni: Aska Saori
Ramdam ko ang bawat luhang pumapatak
Galing sa aking mga mata
Hindi ko akalaing ganito kasakit
Na sa sobrang sakit ika ay mapapapikit
Mahal bago mo sabihing "Tama na"
Alalahanin mo ang ating masasayang alaala
Mahal bago mo sabihing "Pagod na ko"
Alalahanin mong ako yung laging nasa tabi mo
Ano bang mga pagkukulang ko?
Bakit ako ang laging mali sa paningin mo?
Minahal mo nga ba talaga ako?
O pinipilit mo lang ang sarili mong manatili sa tabi ko?
Magaling ba siyang mag-alaga?
Anong nakita mo sa kanya?
Mas maganda ba siya?
Sigurado bang aalagaan ka niya ng tama?
Mahal pakiusap, ipikit mo ang mga mata mo
Upang hindi mo makitang nasasaktan ako
Pangakong masasanay rin ako
Pangakong panghahawakan ko hanggang dulo
Hahayaan na kitang maging masaya sa kanya
Ako'y tatalikod upang punasan ang aking luha
Haharap ulit, at tititigan ang iyong mga mata
Ako na mismong magsasabi, MAHAL TAMA NA, PAGOD NA KO
s*BD䰢T
