#حب_لايعرف_المستحيل

البارت الاول

قصتنا اليوم راح تحجينا على فد سالفة هوايا منتشرة هاي الأيام وخصوصا بالعراق بسبب مايعانيه شبابه من الانغلاق فكاموا يلجأون للإنترنت والفيس ووسائل التواصل الاجتماعي حتى يرفهون عن نفسهم. ......
اليوم راح نحجي على قصة شخصين كانوا أحد الضحايا لهذه الظاهرة
#القصة_حقيقية 100%
راح اعرفكم على أبطال القصة🙆
وشدعوه انتي تعرفين اني اعرف عن نفسي😏
اوك عيني عرفي من ماسكج😳
هلااو اني سارة من بغداد مواليد1997 راح اعرفكم على نفسي اني طويلة طولي 166 وضعيفه يعني مو هوايا زين جسمي وحنطاويه وعيوني سود كبار ورموشي طويلة تجنن😍 وشعري اسود طويل لي نهاية ظهري🙈 شكلي كلش جذاب 😎بحيث شكد ما يكبرون براسي صار عندي نوع من الغرور
حالتنا المادية زينة وأحسن من الزينة نحنا عائلة كلها شهادات عالية ودائما متفوقين بالمدارس
والدي طبيب جراح ووالدتي صيدلانية واني و اخويا هوايا شاطر بالمدرسة
صحيح نسيت اعرفكم على أفراد عائلتي عائلتنا متكونة من 4 أشخاص اني وامي وابويه واخويا الصغير أحمد يعني اني الجبيرة😌

شخصيتي عنودية هوايا وراسي يابس واحب المشاكل😈 ودائما أحاول اخفي مشاعري وأبين نفسي بدون مشاعر ولذلك كلمن يشوفني يحسبني بارده واني أحب أكون بارده بس داخلي يختلف عن خارجي😶 المهم عدنا هوايا كرايب ولد عمامي وخوالي هوايا حولوا يتقربولي بنية حب بس إني جنت دائما اصدهم ولهاذا طلعوا علية لقب مغرورة مااحجي ويا أحد وأكثر شي اكعد وحدي بغرفتي ياا درس ياا سمع اغاني وكذا ......
خرررب يومج كافي شكد لغيتي 😡
اييي وانت شكو حارك دمك الغي بكيفي😒
يلا يلا ولي خلي أعرفهم بنفسي اني😎
اووي خف علينا توم كروز🙌😼
ديلا ولي عابتلج😑
😡😡
سلام شلونكم اني علي من البصرة مواليد1996 شاب بصراوي أصيل طويل وجسمي معظل أسمر
الي عايش بالبصرة ويكلك ابيض هاذا جذاب كلنا سمر مجلحين من الشمس السامطتنا😂 بس ماكو أحلى من البصرة وأهلها 😍
حالتنا المادية عادية وأقل من العادية ابوية ضابط بالجيش وامي مخلصة ثالث متوسط وعندي أربع إخوان واختين خواتي متزوجات واخواني الجبير بس متزوج وعندا طفلة واني أصغر اخواني فنحنا عائلة جبيرة والحمدلله مستورين اخواني كلهم يشتغلون أعمال حره أو بالجيش ماعدنا شهادات عالية بالبيت .....
اني طبيعتي أحب اكعد وحدي هوايا وانعزل واسمع اغاني وادرس وقليل اطلع ويا أصدقائي حتى ماعندي صديق مقرب مني هوايا كلهم أشخاص عادية بحياتي
حياتي كانت ماشية طبيعي مثل كل يوم بيها نوع من الملل بس اتعودت عليها
إلى أن جاء اليوم ال نقلبت بي حياتي
جنت كاعد بغرفتي بيدي الفون واتصفح بالفيس شفت منشور عن انو البنت يصير هيا تسوق سيارة
فإني علقت وكلت لامايصير ومعرف بعد اشخربطت بحكم نحنا هل البصرة عدنا غيرة قويه عل نسوانا وتركت الفون رحت اتعشى كملت عشر ورجعت ليش ما شفت رد على تعليقي شطولة
وحدة بنية اظاهر طختها الحجره😂لأن حجيت هوايا على البنات اليسوقون سيارات
كاتبتلي تعليق شطولة شعرضا كلها رزالات وانت متخلف ومن هالحجي
فإني عجبني اضوجها كتبتلها
وانتي شنو حاركه دمج😏
ليش ما هاي كامت تنطز من العصبية😡 وكامت اتخربط بالحجي واني ماعندي مزاجها فضجت منها ومسحت التعليق وعفت الفون عالشحن ونمت
كعدت ثاني يوم ..أول شي اسوي هو افتح الفون اليشوفني يحسبني مكبل ومنتظر رسايل من الحب🙌😂
المهم فتحت الموبايل وليش ما اشوف طلب مراسلة من وحدة إسمها سارة علما صحصحت اتذكرت هاي نفسها التعاركت وياها البارحه دزتلي رسالة.......

إلى هنا انتهى البارت الاول أتمنى نال اعجابكم وانتظروني بالبارت الثاني باااي❤❤❤