الكاتبة #noor_hasan💕
قراءة ممتعه للجميع 😘
سارة
بعد ماشبعني ضرب بحيث كل مكان بجسمي كامت اتون
سمعي لج انتي من اليوم حالج حال الحشره بلبيت وباجر اخابر هذولا الناس حتى يعقدون عليج واخلص من جهرتج الزفره وأخذ الفون وطلع من الغرفه وقفل الباب عليه وامي اسمع صوتها ادك وتلطم
علي
وصلت البيتهم وبقيت ادك بالباب ومحد يفتح لي ورا ربع ساعه نفتح الباب طلعلي أبوها جان شكله ايريد ياكلني باسنانه ماهمني شي وحجيت وياه
أسمع زين وحق الحق اذا اذيت سارة وسويتلها شي لو فكرت اتزوجها الغيري اسوي شي مايعجبك ولايعجب أحد
الاب : ولك انت شلون عين صلفه عليك ورا كل هاي عمايلك والك عين تحجي اسمع ولك اذا بعد كربتلها السارة اموتك واموتها وشوف اذا ماسويها ودخل وسد الباب بوجهي.
علي : اووف ياربي شهلبلوه هاي ليش مامكتوبلي ارتاح مو جنت راح أخذها ونطلع ونرتاح من هالعيشه اووف يا سارة أوف ياكلبي اشسوه بيج هاذا البدون إحساس ياربي كون معاها و صبرها
كمت رجعت للقسم و الليل كله اتكلب وبيدي الموبايل انتظرها بس هسا اكيد أخذه من عدها اووف ياربي بس أريد خبر منها
صار الصبح وكمت بدلت ورحت لكلية سارة كعدت اباب الكلية انتظرها بس ماكو خررب هاذا الحقير منعها من الدوام ياربي شون هسا شسوي. ....
اجا عليه صديقي
ها خير شبيك؟
ولك ياخي من وين راح يجي الخير
ليش شكو؟
حجيتلا كلشي. ....احجيلي هسا شسوي.
والله اني اكول أتركه شويه يهده لايكوم يأذيها ترا مو سهله عل اب يسمع بنته تريد تشرد.
اووف لك غير كله من وراه ماتركنا غير هالحل.
ميخالف خويه هدي وربك يحلها.
ونعم بالله.
سارة
ورا ماحجه هيج وياي فقدت الأمل من كلشي هاهيا اكيد راح يزوجني الهاذا وحتى علي بعد مااكدر احجي وياه منو راح ينقذني من هالعذاب وينك علي وينك حبيبي مو كلتلي ماتصيرين الغيري شون راح أتحمل اصير مرت واحد غيرك
ياربي ساعدني والله اموت اذا جبرني اتزوج غير علي
كعدت ثاني يوم....انفتح الباب عليه ورا شوي فاتت أمي اني شفتها نزلوا ادموعي بدون ارادتي وهيا هم بجت واجت حظنتني
اووف يابنيتي شجنتي راح اتسوين بيه ولج شون تشردين غير انجلط شنو تريديني اموت.
يوم والله اسفه شسوي أبويه ماترك بيدي غير هالطريق مستحيل حتى مجرد تفكير انو ارتبط بشخص غير علي يوم يكون بعلمكم بلحظة الي راح تكتبون اكتابي على هاذا المدري شسما فمعناها نصبتم مشنقتي.
الأم : ولج يوم لاتحركين كلبي أكثر.... ابوج بعد هاهيا قفل مستحيل يرجع برأيه
سارة : زين يوم علي أريد احجيله فدوه هو راح يلكالي حل .
الأم : يوم لاتورطين الولد وياج ترا البارحه اجا البيتنا وابوج هدده وتدرين بي ال ابوج فإذا اتحبي تركيه يروح بحال سبيله .
سارة : اوووف شسوي اني ليش هيج سوا بيه أبويه لهل درجه يكرهني.
الأم : بس بنيتي هدي ويلا كومي كلي لكمه حتى تكدرين توكفين على حيلج مانريد نتخزى كدام العالم
سارة : يعني هسا هاذا هو همج هو انتم هيج بس بالكم المظاهر والناس والعالم ولاعاملين اي إعتبار البنتكم بس الله هو الي راح ياخذلي حقي
الأم : يلا سارة كومي ترا كلبي خلص من المشاكل واذا ابوج اجا وشافج مامتحضره يكلب الدنيا على راسي وراسج
سارة : ماكول غير حسبي الله ونعم الوكيل
YOU ARE READING
#حب_لايعرف_المستحيل
Romanceالقصة حقيقية 100% قصه منتشرة كثيرا في يومنا هاذا وهيا الحب عبر الإنترنت ومايعانيه ابطالنا من مشاكل بسبب البعد واختلاف الطوائف ....هل سيستمر هاذا حب كونوا معنا بقلم الكاتبة #Dr_noor_hasan ? قراءة ممتعه للجميع?
