الكاتبه #noor_hasan
قراءة ممتعه للجميع 😘
علي
تفاجأت بكلام أبويه صح جنت متوقع يعارضني بس مو لهل درجه
صدك انقهرت وغصة صارت بكلبي بس ملازم ايأس لازم اصير قوي لحد مااخليهم يقتنعون
رجعت لزمت الفون واتصلت ب سارة طبعا ماحسستها بشي
سارة : هلو حبيبي شلونك
علي : زين حبيبتي الحمدلله وانتي شلونج
سارة : الحمدلله.....حبيبي شبيك صوتك مو عاجبني
علي : لا كليبي مابيه شي ...شوفي سارة سمعيني
سارة : اي حبيبي كول
علي : أريدج تبدين اتمهدين الاهلج للموضوع وشوفي شنو ردة فعلهم
سارة : هااا يعني شون😨
علي : شبيج سارة خفتي ..حبيبي فدوه اروحلج صيري قويه وتحملي الخاطري والله اعوضج عن كل هل ايام أن شاء الله
سارة : ماشي حبيبي أن شاء الله
علي : يلا حبيبي اروح اني عند طلعه
سارة : ماشي حبيبي الله وياك
سارة
بقيت كاعده وأفكر شلون افاتحهم بالموضوع اووف ياربي سهل عليه أمري
كمت نزلت جوا أساعد أمي واجا أبويه كعدنا تغدينه وكملنا وكمت افرفر بلبيت اريدلي طريقه افاتحهم بالموضوع زين شكللهم شون حبيته اكيد مراح اكللهم اتعرفت عليه بالنت لازم احجي ويا علي واشوف شيكول
اتصلت عليه. ....الو حبيبي.
علي : هلا كليبي ها بشري حجيتي وياهم
سارة : لاحبيبي بعد. ...زين عليي اذا سألوني شون تعرفتي عليه شكللهم
علي : اكيد ماتردين تكليلهم عالنت مو؟
سارة : اي والله 😟
علي : ماشي
اني هم كلت هيج خاف نوب يقفلون
سارة : لعد شون شكللهم
علي : باعي حبي تكليلهم جان جاي لبغداد بشغلة وشافني وشفته وبقى يتقصد يجي للمكانات الاتواجد بيها لحد ما حبينا بعض
سارة : ههههههههه
علي : ها ولج ليش تضحكين
سارة : لو يعرفون شون تعرفنا
علي : هههههه ولج أحلى تعارف من فدوه الج
سارة حبيبي أريدج تصيرين قويه الخاطري وتتحملين لاتضعفين من شي
سارة : أن شاء الله حبيبي الله يسهلنا أن شاء الله
علي : امين. ...يلا روحي وحاجيني اول بأول.
علي
طبعا بعد حجي أبويه معايا صار برود بيني وبينه. .امي همينا ماراضيه بس الأم كلبها رهيف ماتتحمل زعل ولدها بقت تهديني وتنصحني
الأم : يوم هاي البنيه ماتفيدك لا من ثوبنا ولا من اصلنا .
علي : يوم جاي اكلج احبها ليش ماتفهمون عليه احبها احبها والله احبهاا ويكون بعلمكم مااتزوج الاهيا
الأم : هدي يمه هدي الله يهدي بالك ويريحك
علي : تسلمين يوم ..و وصلي كلامي للحجي
الأم :وليدي هاذا أبوك مايصير هيج كوم راضي ترا ضايك خلكى
علي : الله كريم يوم هسا اني طالع من ارجع احجي وياه
سارة
بقيت افرفر بلبيت واني محتارة شون حفاتحهم بعدين اتذكرت كلام بابا من كلي اعتبريني صديقج واحجيلي شما يصير معاج
نزلت جوا شفتهم كاعدين يشربون جاي....هلو
الاب والام : هلا بنيتي شلونج
سارة : الحمدلله زينه
باباتي من تكمل عندي موضوع أريد احجي بي وياك
الأم : وشنو عيني ست سارة نحنا ماينحجي معانا.
الأب : اتركيها على راحتها ...صار باباتي هسا أكمل واجي لغرفتج
سارة : شكرا بابا 😙
أنت تقرأ
#حب_لايعرف_المستحيل
Romanceالقصة حقيقية 100% قصه منتشرة كثيرا في يومنا هاذا وهيا الحب عبر الإنترنت ومايعانيه ابطالنا من مشاكل بسبب البعد واختلاف الطوائف ....هل سيستمر هاذا حب كونوا معنا بقلم الكاتبة #Dr_noor_hasan ? قراءة ممتعه للجميع?
