مساؤؤؤ حبايب 😘
#عشگـ-سمره
الجزء 1
بقلم. ازهار ذابله.
النهر يلمع جان يعكس اشعة الشمس"والگصب متغير لونه .
النهر واكف ميجري.
اكو مو جسر لا اشبه بالجسر جان عباره عن عمودين واحد بصف الاخ"
نعبر من خلالهم لجهه الثانيه جانت القريه صغيره ويقسمها النهر ‘
بيتنه احنه بالجهه الثانيه لازم اعبر النهر كل يوم حتـ اروح لـ مدرسه.
المدرسه تبعد عن القريه تقريباً كيلو متر يعني بالمشي ساعه او اقل.
الصبح مثل كل يوم اكعد من الساعه سته الصبح اروح لمدرسه لو الكه سياره لو اطكها مشي.
كعدت متأخره يوم الخميس وجان يوم شتوي بارد جدا وماكو احد طالع امشي بالشارع بنص البساتين فارغه.
وفجأه اسمع صوت وراي واني متأكده
الشارع فارغ منين طلع هذا الصوت
اني جنت لابسه تنوره قصيره وقميص ابيض لان المدرسه ميحاسبون ع الزي ابكيفنه نلبس.
احس الشي الوري يقترب اكثر واكثر واني مااكدر التفت اخاف كلت خل ازيد
سرعه مشيت سريع بس احس الوراي مو بشر لان صوت خطواته وصوت نفسه يلهث ااااخ هذا الي اخاف منه.
هذا الجلب الي مربينه بيت ابو علي كل مره يخبلني متعمد يزعجني مدري مسلطينه عليه.
اتذكر ام علي مره كالت لا تركضين من يتبعج خلي ميعض.
هاي شلون سالفه شلون جلب وميعض
خررررب اني احس رجليه ساحن بعد مااحس بيهن كلت خل اعيط ...
صرخت صرررخه عجيبه كعدت بيت ابو علي كلهم هرعوا يركضون والجلب الحقير واكف يمي وميتحرك انوب يخنزر ويزئر.
واني اصرخ وارجف هم الجو بارد وهم خوف من هذا الحيوان الي صاير بينهم وبيني كلهم يصيحون عليه تعال ......
ماكو ابن الـــ*** امطنش ولا عبالك وساد عليه الطريق.
اجتني ام علي وعبرتني منه
خاله فدووه لا تروحين خاف يلحكني
ام علي لا تخافين خاله مو كتلج ميعض
اخ يمه بكلبي شلون ميعض يعني مشلعين اسنونه هذا يوميه مسويلي فلم رعب .
وصلت المدرسه سادين الباب والحارس واكف ومكشخل عبالك ميت ابوه.
صباح الخير ابو سعد ..
ابو سعد : هلا
نور : عمو افتحلي الباب
ابو سعد : خلص الدوام بعد وكت هذا الدرس الثاني وين جنتي! !?
نور: هاااا جنت امش.. ي يعني تعرف طريقنا وبيتنا بتلفات الدنيا واني امشي محد يوصلني كلهم طالعين قبلي.
ابو سعد : بويه اخذي نفس هذا كله عذر لو بعد اكو تكمله. !
نور هاي شلون بلوه لو الجلب لو ابو سعد بوجهمن صبحت اني هاي شلون عيشه
ابو سعد : هااا شو ادردمين خلي اسمع يله فوتي بس هاي اخر مره.
نور : يا صلاة محمد " اي وداعت جهالك هاي اخر مره.
هذا بس ابو سعد استجواب وتحقيق وس وجـ.
بعد وراي المديره كبل النكلفت ...
تعالي نور وراي ع الاداره بسرعه.
يابويه ادري اعيون ليزر اشلون لكفتني واني اتختل بسد الشجرات الي باب المدرسه.
المدرسه جانت عبار عن بيت واسع اول ما ندخل غرفة المديره وغرف الاساتذه.
ومقابيلهم حديقه واشجار قديمه جداا جبيره.
وممر من باب المدرسه لـ صفوفنا نعبر ع الاداره يله انفوت لصف جانن مدرسه ريفيه متوسطه وبتدائيه والدوام الثاني ورانه جان للولد وهكذا..
سلام ست ..
وعليكم السلام ليش متأخره ولا تكولين الطريق ابعد منج ويجون قبلج بس انتي هاي الفتره معاجبتني ومستواج متدني ليش ماما جنتي من الطالبات الي نفتخر بيهم.
دنكت راسي بخجل وحياء مااعرف شنو اجاوب كل كلامها صح اني الحظ معاكسني.
يله فوتي بس هاي اخر مره.
ان شاء الله ست اوعدج.
يتبع.......
