#عشگ-سمره
الجزء 11
بقلم ازهار دابله.
استأذنت وطلعت من يم اهل نور.
بس ما ردت ارجع لـلبيت مااعرف احس
امي متقتنع بردت فعلي.
وهي تعرفني شكد عاقل اخر حل عندي هو المضارب.
هسه خلي اتمشه اشويه وخلي يصير الليل وارجع من ينامون.
نور - جنت افكر!
معقوله عصام يحبني مثل مااني احبه لو هو مجرد يعطف عليه لان ادرس ويه اخته اكيد يشوفني طفله.
مستحيل يكون يحبني بس.
بس اني ماادري احس روحي متعلقه بي
ومااكدر بعد مااشوفه.
بس لازم بعد مااوصل يمهم لازم ابتعد عن هاي العائله بكبرها.
ماكو فرق بينهم كلهم نفس الشي.
متكبرين و مغرورين.
لازم ابتعد عن عصام ومااخلي يحس بالحرب الي صايره بكلبي.
حرب ماترحم حتى النوم طار من عيني.
مااعرف ادور ع شنو ادور عن حق اختي الي ظلموها?
لو ادور عن الحب الي اشوفه كل يوم بعيون عصام?
لو اكمل دراستي بهيج وضع.?
تعبت ومليت من كل الهموم والمشاكل.
اخيراا ردت انام بس شفت شي غريب.
قبل لا اسد الشباك.
شفت اوس وياه اثنين نفسهم يمشون بتجاه البستان!
قطعت كل شكوكي وافكاري وسديت الشباك.
واستسلمت للنوم.
عصام - مااكدر ارجع للبيت وبقيت كاعد جوه شجره جبيره بالبستان الي مقابيل بيت نور.
اتذكر نظراتها وكل مااشوف اعيونها اتورط بحبها اكثر.
اووه مو حب لا عشق شي فوك كل المتوقع.
اتذكر شلون اول مره شفتها جانت ظامه نفسها.
خاتله وره غابة شعرها الناعم.
اتذكر من شفت عيونها اول مره.
جانت مثل الحلم الي مااريد اصحه منه.
مستحيل اخلي اوس يخرب حلمي.
كافي عليه هو واهله ماخلولي شي كل شي اريده ايصير الهم.
كل التعب والشغل الي اشتغله يضيعه اوس بسهره وحده.
واذا احجي ابوي يعصب وميقبل.
مليت منهم ومن حياتهم كلها قذاره.
ماعدهم شغل مثل البشر كله واسطات ومحسوبيات.
واني كاعد اشوف اوس وياه اثنين شباب ما عرفتهم دخلو البستان.
وبيدهم شي ما كدرت اركز.
ردت اشوفهم شيسون شجابه هذا اهنا شعنده.
وليش بالظلمه يتختل مثل الحرامي.
وزين يمشي ولا مهتم ولا جنه ماكل كتله قبل كم ساعه.
امشي وراهم بدون ما يحسون اخر شي وصلو بالغرفه همه مسوينها.
يعني مثل الكوخ.
صرت قريب حتى اسمع سوالفهم.
اشوفهم جايبين شرب.
وكعدوا وهذا اوس يشرب ويحجي معصب
وهذوله يهدون بي ويكلوله شغلنه اهم.
هلا شنو شغلهم?
هذا اوس مو خالي ومن شوكت متعرف ع هذول ?
حسيت واحد منهم طلع.
استعجلت ورجعت بسرعه وعفتهم.
رجعت لبيت الحمد لله اهلي نايمين.
وباجر من الصبح اروح لشغل يعني محد يحجي بلكي ينسون السالفه.
نور- الصبح كملت كل الشغل ويه ماما
وصعدت ادرس.
واسمع صوت مره اتصيح ع امي.
نزلت بسرعه اشوفها ام عصام.
لج انتي شحالج وخابصه الدنيا شنو كلتي لروحج من الاخوان اتذابحوا?
خاله والله مداخلني بيهم.
روى : ماما هاي جذابه هي اساس كل المشكله هي تضحك ع اوس ومن شافت عصام بدلت واتريد تاخذ عصام مثل مااخذت اوس.
نور: احترمي نفسج لان انتي يم ناس اكبار ماارد عليج.
ام عصام : ونعم التربيه هيه ولج تره اعرف اشكالج شلون اتفكر.
ام نور: يعني اهدئوا وخلي افهمكم كل القصه.
ام عصام : ماكو تفاهم ولا الكم بعد كعده بيتنا .
نور : واحنا هم مابيقن ابيتج قحط عليج وع بيتج واني اهوايه اتحملت تره مو شفتي ماما متحجي لان تحترمج وادوسين بيها .
ام عصام : عووع شلون اخلاق.
ام نور : لج نور كافي لا تدخلين.
نور : لا ماما ادخل وخلي اشوفهه مقامها هاي المتملقه .
روى: مااسمحلج تتكلمين عن مامي هيج.
نور : خاب دروحي انتي ومامي انتي محد معذبج غير حبج لـ اوس.
واني مو مثلجن انسه ابسرعه هم اكلت وشربت ابيتكم وانصحج لله لا تتقربين عليه صح ابن عمج بس واحد ناقص و دون .
روى : والله ضحكتيني يعني اتعرفين اوس اكثر مني لج هو افضل منج يله بعد مانريدكم تبقون بيتنا .
ام نور: عيني ام عصام بس انطيني فتره ارتب بيها وضعي وانتقل .
ام عصام : الكم بس شهر واحد وبعدين مااريد اشوفكم اتفقنه .
ام نور : ان شاء الله .
اخذت بتها القرده وطلعن يم الباب مال الصاله اكو ميز امي امخليه عليه نبات طبيعي بمزهريه زجاج.
فاتت من يمها روى ودفعتها ع الارض وكسرتها.
منظر الزجاج المطشر والنبته اتغطت بفتات الزجاج .
المي اطشر امي نزلت ع ركبها و عيونها تمطر دمع .
اني مااعرف الوم امي لان هي جبرتني ع الروحه يمهم .
لو الوم عصام الي ماتمهل وسوه مشكله كلها وكعت براسي.
بين الحيره والدوشه حظنت ماما اصبرها.
ماما لا تزعلين يجي بابا وانشوف حل منبقه هيج .
نونو حبي اسفه اني جبرتج تتحملين هيج ناس ماعدهم اخلاق .
لا ماما لا تعتذرين خلص هذا مكتوب لازم اشوفه .
يتبع.......
