#صبر_الجبال. الفصل. ٢
محمد الجزار :- ماهو هو ده الطلب. اللي انا جاي علشانه
عيشه سمعت الكلام
جريت. علي الاوضه
جريو وراها فوزيه وفتحيه. وهم بيضحكو.،
دخلو الاوضه. واستخبو. ورا الباب
يسمعو ايه هيكون الرد
الغريبه. ان يامنه. ما اترددتش. في قولها لمحمد
واحنا. هنلاقي احسن منك
والحاج. حسن قال له. يابختك. والله هتاخد ست. الستات
دي عيشه. سندي في الدنيا.
وبت بمية. راجل
محمد قال نقرو الفاتحه
وفوزيه. وفكريه.
فضلو يبكو. وحاضنين. عيشه
لما عرفو انها هتفارقهم.
وهتتجوز.
بعد. مامشي. محمد.
ندهو عليها. خرجت. عيشه
قال لها الحاج حسن. محمد متقدم لك.
وطلب. ايدك مني
ايه رايك. ياعيشه
عيشه. نزلت. وشها في الارض
وابتسمت
يامنه. قالت. :- محمد. واد اصيل.
وامه تنحط علي الجرح يطيب
وكمان. هو جدع. وواد كسيب
احنا قرينا الفاتحه.
وكلها. شهرين. ونكتب. الكتاب
قامت. عيشه. والفرحه. مش سايعاها.
دخلت. جوا. ويا اخواتها
فوزيه. وفتحيه. فضلو طول اليل.
نايمين في حجرها.
وماسكين فيها بقوه
خايفين من يوم هتسيبهم فيه.
وتروح من دارهم. علي بيت جوزها
طاب من هيوديهم. تاني الكتاب
مين هيلاعبهم. ويسرح لهم. ويعمل لهم. في شعرهم. ضفاير
كانت عيشه. ليهم. ام.
وكانو متعلقين. بيها. جدا
بعد. مرور شهرين
جابو المآذون.
وكتبو الكتاب.
ويوم الحنه. كانت الفرحه. ماليه البيت
وقام الحاج حسن فضل يرقص
ويشد في يامنه مارضياشي
كانت مالهاش في الرقص
بعد مامشيت الناس
وفضلو. باليل. في البيت.
دخلت. يامنه تنام
وكانت. فوزيه. وفتحيه نامو من التعب
فضل الحاج حسن وعيشه
قال لها يا بتي.
عاوزك. تكوني. زوجه صالحه.
وام حنينه. اوعاكي. تعملي زي امك.
لازم. تربي عيالك. بحنان. يابنيتي
ولو قدرتي تعليمهم تبقي راح تجني من تعبك. راحه. قدام
واهم شي.
تستحملي جوزك. وظروفه. مهما جارت بيه الايام
لا تزعليه في يوم. ولا تشكي
ولا تطلعي سره. لاقرب حد
ولا تفضفضي مع حد عزيز
دا كل عزيز له عزيز
وتراعي امه. وابوه
اعتبريهم احنا يابتي
دول كبرو ولازم نرعاهم.
عيشه. ربي يخليك. ليا يابوي
ولا يحرمني منك ابدا.
ضمها. ليه. وفضل يدعيلها
وغطته. ونام
وراحت. نامت وسط فوزيه وفتحيه
في اليوم التاني.
كانت. الدخله.
جه محمد بعد العشا هو واهله
قعد شويه. جمب عروسته في بيت ابوها
وقام خدها وماشي
فوزيه. وفتحيه. فضلو يبكو. وبصوت عالي
يامنه. خدتهم.
وعنيها. هيا كمان. دمعت. علي عيشه.
دخلت. عيشه. بيت محمد
كملو فرحتهم.
واخر اليل. طلعو فوق شقتهم
ماهو بيت محمد. مبني دورين
في الدور الارضي كانو عايشين. امه وابوه
والدور التاني ليه
ماكانش عنده اخوات. ولاد
كان محمد معاه اخت. ومتجوزه
كانت. فاطمه. كل يوم الصبح.
تنزل. تكنس الدار.
وتملي الميه.
وكانت. ام محمد وابوه
بيحبوها. زي بنتهم بالظبط
ومحمد. كان بيحبها جدا.
لانها. اصيله. وعمرها ما زعلته.
كان محمد بيشتغل في الجزاره. وتجارة المواشي
وكان ابوه. عنده فدان ارض
وكانت الحاله. ميسوره جدا
بعد مرور تسع شهور
كانت عيشه. انجبت. اول طفل،،،،
