#صبر_الجبال الفصل ١٤
احمد اتصل علي محمد يتطمن عليه
وفضل يحكي له علي اللي امل عملته
محمد قال له وهي فين دلوقت
احمد قال له هي خرجت من شويه ماعرفش راحت فين
محمد قال له طيب لما ترجع عرفني
احمد قال له هي حالتها صعبه اوي
بقالها يومين مابتاكلش ولا بتنام
واعصابها متوتره
محمد:- بالله عليك ياعم احمد تستحملها
وماتزعلهاش اللي هي فيه ده مش شويه
معلش خلينا نوقف جمبها اليومين دول
احمد:- ما انت عارف يامحمد
انا طول عمري مستحمل علشان مالهاش غيري
ودايما بكون جمبها
بس المرادي
امل اتغيرت اوي يامحمد
صعبانه عليا اوي
دانا بخش عليها الاوضه
الاقيها بتكلم نفسها
محمد:- عنيه دمعت علي امل
محمد شاف من امل كتير قساوه
بس شاف كمان حنيه واهتمام
امل برغم شخصيتها الديكتاتوريه
الا انها كانت بالنسبه ل محمد الحضن الحنين
والامان وكانت سبب كبير في نجاحه وتفوقه
وتخرجه من كلية الطب
محمد عنيه دمعت علي امل
لانه عارف ومتاكد ان اللي بتعمله ده
من كتر حبها وتعودها عليه
وان امل طيبه برغم انفعالها الزايد وتهورها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
في الصعيد
قاعد فاروق باليل في داره
دخل عليه ابنه وقال له كلم يابوي فيه ناس عايزينك
قال له دخلهم غرفة الضيوف وانا جاي وراك
دخل عليهم فاروق كانو محامين لابسين بدل
وقالو ل فاروق
انهم محامين شركة انشائيه
راحو شافو الارض وفيه عشر فدادين
عجبو مدير الشركه
وعايز يشتريهم علشان هيعمل عليهم مشاريع
فاروق سالهم مشاريع ايه
فتحو الشنطه فاروق شاف الفلوس
وافق فاروق كان طماع وبيحب الفلوس
كتبو العقود
وتاني يوم راحو الشهر العقاري وثقو البيع
وتمت البيعه
وهم خارجين
فجأه المحامي اتصل علي محمد
قال له يا دكتور محمد
مبروك العشر فدادين وثقناهم باسم والدتك عيشه حسن احمد
بالتوكيل اللي معانا
وسجلنا في الشهر العقاري
فاروق سمع الكلام ده كانت هتجي له نقطه
ماكانش مصدق
لما زمان بعت ل عيشه واحد اشتري فدان الارض اللي حيلتهم علشان يعالجو بيه حبيبه
محمد بذكائه
رجّع الفدان بتاعهم ومعاه تسع افدنه من ارض فاروق
محمد قال اللي حصل ل عيشه واخواته
كانو فرحانين جدا
وخصوصاً عيشه
فرحت لان فدان الارض ده
كان الذكري الوحيده المتبقيه من جوزها محمد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
امل رجعت البيت
كان احمد قاعد
شافها قام من مكانه وقال لها كنتي فين شغلتيني عليكي
بصت له وسكتت وقعدت
احمد:- راح قعد جمبها وقال
مالك يا امل احكي لي
فضفضي معايا
امل:- هو انت غياب محمد مش مأثر فيك
مش حاسس ان البيت مالوش طعم
مش حاسس عيشتنا هتبقي اذاي من غيره
احمد:- يا امل محمد كان امانه
وانتي حافظتي عليها
واديتي دورك ناحيتها علي اكمل وجه
وده ربنا هيجازيكي بيه خير
امل:- يعني ايه يا احمد يعني بسهوله كده
فجأه الشئ الوحيد اللي كان مخليني حاسه اني انسانه زي باقي الستات وام زي كل ام
يروح مني فجأه كده
انت متخيل لما كان بيكبر قدام عيني
وعلي ايديا يوم بعد يوم
متخيل حته منك تفارقك بتحس بأيه
احمد:-يا حبيبتي موضوع الخلفه ده
حاجه من عند ربنا
وزي ما بتفكري في نفسك
فكري في امه المسكينه واخواته اللي مالهمش غيره واتحرمو منه بعد ما ماتو اخواته الولاد الاتنين
اللي حصل ده يا امل كان لازم هيحصل
لازم محمد كان هيرجع لاهله
وفراقه تاعبني ومعذبني انا كمان
لاني اتحرمت من كلمة بابا اللي كان يقولهالي
بس الفرق بيني وبينك
اني كنت حاسب حساب اليوم ده
اما انتي
كنتي رافضه مجرد التفكير ان محمد في يوم يرجع لاهله
قومي يا امل
ادخلي اوضتك ارتاحي شويه
شكلك تعبانه
ولما تصحي هنكمل كلامنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
احمد اتصل علي محمد وعرّفه ان امل رجعت
محمد خد عيشه ومني وحبيبه واتصل علي لوجين عدت عليها بسيارتها
وخدهم وراح عند امل
في الطريق محمد فضل يحكي لهم علي امل ووقوفها معاه
وانها كانت حنينه عليه ولها الفضل في اللي محمد وصل له،،
وصلو وكانو حاطين حبيبه علي كرسي متحرك
فتح لهم احمد
ودخلو قعدو
دخل محمد علي امل
خبط علي الباب
صحيت وقالت مين
محمد قال انا محمد ياماما افتحي
جريت امل علي الباب
فتحت خدت محمد بالحضن ودموعها نازله
محمد فضل يهدي فيها
وخدها تشوف اهله
سلمت عليهم وقعدت جمب احمد
وقعد محمد جمبها
امل الدموع نازله منها طول ماهي قاعده
عيشه قالت انا حاسه بيكي يابتي
وحاسه باللي جواكي
مانا عشت فيه من يوم مامحمد راح مني وهو صغير
وكنت كل ليله لما اقعد علي فرشتي وافتكره
قلبي يوجعني ودموعي تبل خدي لعند ما اتعب ويغلبني النوم
ويتكرر ده طول المده اللي غابها عني
لعند مانظري ضعف
وقلبي اتعصر من الوجع
بس كنت حاسه انه هيرجع
والامل جوايا عمره مامات
انا يابتي ماقدرش انكر حقك في محمد
لانك بنت اصول ربيتيه كويس
وعلمتيه كويس انتي والاستاذ احمد الراجل المحترم
بس احنا ولايا مالناش دلوك بعد ربنا غير محمد
ربنا بيعوضنا بيه عن الوجع والتعب اللي عشناه طول عمرنا ،،،
فضلت عيشه تحكي قصتها بالتفصيل
ل امل ،، امل صعبت عليها عيشه جداً
