ظلم الظالم يدوم

7

#ضلم الضالم يدوم
البارت السابع
ل وردالعامري
صادق: لكن شنو كملي
-بين ليله ويوم انقلت لقضيه من المحقق لي حقق ويانه لواحد غيره ونقلبت القضيه رئسن ع عقب
-شلون يعني
-يعني الشهود غيرو اقوالهم بيهم الي كال مشفت وبيهم الكال مجنت موجود وبيهم الي اصلا عاف بيته وهج
-شتحجين انتي واذا الشهودنكرو ايسون تحليل الها
-سوو التحليل وطلع انها ماعدها اي شي ولااكو شي صاير عذرا هذا عملك اكيد فهمتني ماكدر احجي بوضوح
-فهمت فهمت بس هم ممكن ايكونون يعني بعدهم مصاير شي بينهم
-لا الوضع الي شفناه كان واضح جدا وفوك هذا هشام اعترف
-هشام زوج سمر
- نعم
-شعترف يعني بعد مااخذت حسره طويله رجعت تكمل
-اعترف انه عله علاقه بيهه وهاي لمره الثانيه بينهم
-يعني ثاني بعلاقتهم الج……. ه
-نعم اول مره كانت ابيتنه ابيت والدي
-ابيتكم شلون
-بيوم والدي تعب وهوه عنده ضغط وسكر وقلب ورماتيز والف شغله بحكم عمره تعب ونقلناه للمستشفى الصبح جانت سمر تبقه يمه واحنا كل وحده تطلع لدوامها وبالليل تبقه يمه سهاد او هشام كل يوم واحد الصبح هشام موصل سمر للمستشفى وماخذ سهاد ايرجعهه للبيت بحسب قوله انها هيه متحارشه بيه وعله اساس هاي مواول مره تتحارش بيه بس هل مره زايده وياه تقريبا عارضها نفسها عليه وهوه بله اصل سوه الي سواه ورضخ لوحده بعمر امه
وع اتندم بس هيه مهددته اذا مينفذ تكول لسمر فخايف ومتفق وياها ع ان يكول لسمر راح اطلع
-زين اكو سؤال معقوله هوه غبي حته ابيته الي قريب ع بيت اهل زوجته اوهيه قريب عله بيتهه
-هشام متأكد ان سمر متطلع خطوه للباب من دون متكوله هاي اولا اما ثانيا فثنينهم متاكدين ان ساعه 8ابويه يقفل لباب وممنوع احد يطلع بعد لان ايخاف من الاوضاع وهوه بطبيعته ب9نايم بيومها كأن كان للقدر حكم خله سمر ترفع التلفون حته تتصل بيه بس تخاف ليرزلها فكالت اني اطفيه واستر عله كرامتي لاانهان
وابويه يقتنع ان اروح وحيدنه ويأكد علينه ان بسرعه روحو لان جان تعبان وماخذ دواه ومتحمل ملحه سمر وخوفها لايحترك بيتها
-القضيه كلها محلوله ليش لعد هل تعقيد الشهود ليش غيرو كلامهم وزوجها كلامه ميحتاجله شهود بعد هوه يجي يشهد
-هشام فص ملح وذاب
-شلون يعني
-يعني بين ليله ويوم اهله كالوسافر بعد ما قدم افاده انه اكال الي كاله تحت التهديد
-تهديد
-نعم تهديد يكول انه تهدد من قبلنه فخاف
-زين لشهود ليش عوفي الشهود انتي ليش
-الكل ومن ضمنهم اني تهددنه اني كتلك سابقن تهدد بحياتي وحيات خواتي
-منو هددكم
-اخو سهاد
-لهدرجه يخوف اخوسهاد حته يكلب الدنيه هيج
-اخوت سهاد كتلك جانو 24ساعه عراك فراريه وسكاره
بعد السقوط صعدو لموجه الي هواي ناس صعدوها وصار من حافي الى الباشا الي كلمته تمشي
-منو بله اخوها
-ياريت لوتعفيني عن ذكر الاسماء
-لااحنه فتحنه لموضوع وصدكيني مجرد فضول اريد اعرف
-اممممم ماشي بس مثل مكتلك اذكر ان احنه نسوان بله والي لاتسلم ركابنه
اخوها…………
-مستحيييل……… نفسه ال……..
-اي نعم نفسه
-انتي متأكده
'متأكده اكثر ما متأكده من اسمي الي نولدت بيه
-مده اصدك
-للاسف هذي الحقيقه هددونه اذا حجينه ايبيدونه كلنه ميخلون من عدنه  احد لحد موصل لحجي لسمر الي كالت ابتعدو خلي واحد يحترك موكلنه
-وهذا كان سبب سكوتها ووالدج رئيه شنو