ظلم الظالم يدوم

من 8 الى 15

#ضلم الضالم يدوم

البارت التاسع

ل وردالعامري
اكو بعض الناس تخاف لكن متستحي بمعنى انك تكولهم روحو احجو يم حاكم اوقاضي برو شخص يكولولك نخاف بس من يكعدون بجمعاتهم ميستحون يحجون كلشي هاي الشغله صارت بقضيه سمر
قررت اتحقق من القضيه واسئل اكثر من واحد بمنطقتهم لقديمه كلها كالت منعرفهم بيوم فتت لااسواق كاعد بيها رجال جبير طبيت بحجت اشتري مي ع حسب وصف سحر بركن بيت سمر هاي الاسواق يعني بيت سمر بهل فرع وكالتلي مشتمل صغير كان هوه لوحيد صغير طالع من بيت جبير وقاسمين هذا المشتمل مطلعيه الباقيات لا موكلش صغار
السلام عليكم
وعليكم السلام
حجي بلكن بطل مي اطاني وكفت بحجه اشتري نساتل وكذا
حجي كالو مشتمل صغير هنا للايجار
-ماكو بس مشتمل بيت ابو غسان
-اي هوه يمكن اتأجر لو بعده
-لامنو ايأجره
-ليش حجي شبي
-هااا لابويه مابي شي
-حجي رحمه لهلك اني مومنا وماعرف احد ومبين انت رجال خير اني عندي جهال ثنين شبي هذا لمشتمل
-هااا والله ابني ميفيدك خيولي
-ليش حجي يعني تعبان بس بناءه مبين جديد
-لالاموتعبان بس يمكن مسكون
-لااله الاالله صدك كذب اعوذ بالله ع اساس جان متأجر لعد شلون مسكون
-حيييل صار سنه وفوك السنه جانت كاعده بي بنيه دكتوره ورده مال الله الف رحمه ع روح ابوها
-هااا وشالت منه لان مسكون يعني
-لاابني صارت جريمه بي ونسكن
-جريمه جريمت شنو حجي
-هاا لابويه انه ماعرف الناس كالت تشتري شي بعد وليدي
-حجي رحمه لاامك ولاابوك كتلك اني مومنا ويمكن نتلاكه بعد ويمكن لا فهمني هيه سوالف تدري لواحدايريد يعرف كلشي وانه ماخذهن منك كفيلك الله كدامك اصعد تكسي وبعد مااعتب هل منطقه اني جاي عله هل مشتمل
-ابني ميفيدك ماتت وحده بيه ومن يومها العالم كامت تخاف تكعد بيه
-شنو السالفه واذا ماتت كلنه نموت
'-لاوليدي جانت بي بنيه صيدلانيه هيه وزوجها بيه ابوها رجال ادمي الله يرحمه مصلح غسالات هنا بعد كم فرع اتزوجله وحده بنص الضهريات هيه تفتر بالسواكه بناته خوش بنات جانت بنته كل يوم تجي تسوك مني مرات يرتفع ضغطي اتقيسه تضربني ابر بنيه بت اوادم بيوم طبن لمغربيه هيه واختها اشترن مني وراحت لبيتهه وره شويه  شفت دكتور هشام طلع يركض هنا كفيلك الله من كدام لمحل صعد تكسي كل مره هوه ايسلم عليه هل مره يركض ويتلفت شعليه اني بمحلي كاعد فات وقت تقريبا نص ساعه هيج التمت العالم يم بيتها يابه شكو كالو دكتوره سمر قتلت مرت ابوها
بويه ليش كتلته كالو هيه ودكتور هشام زوجها لدكتوره سمر الله يستر ع اعراضنه

-لااله الاالله ووين هسه لبنيه
-والله بويه منعرف شي ابوهن مات وبليله سوده اختفن الباقيات هنه 4بنات وولد كعدنه الصبح مالكينه احد بالبيت حته منعرف دفنن ابوهن لا مانعرف
-وين وصلت العالم لااله الاالله رحم الله والديك حجي تسلم ثيمالا طلعت من محله تكسيات واكفه بركن صعدت تكسي ورجعت لبيتي يعني الكلام الكالته سحر كله صحيح
ثاني يوم دزيت عليها جابوها تعبانه صايره عضم بس كانونه بيدها صفره شكلهه مثل ميت بس بعده يمشي 🚶 ويتنفس
اطيتها حبايه ساعه ااشر يله اخذتها كتلها شربيها شربتها واطيتهه مي
يعني لي يطيج سم انتي بكل سهوله تاخذيه
صحت ع سجانه اخذتها زين اني شلون اضل كل شويه داز عليها والوقت الثاني قبل لنوم لازم الكه حل اسبوع اني اكدر اطيها بس حبايه الصبح والي اعرفه انها بس نايمه ومن يطلعوها تكون نحلانه بالكوه ايسحلوها انتبهت وحده من السجينات تتودد الها تطيهه اكل وتكعد يمها نفسها الي كالتلي طيبه وحنونه دزيت عليها
براءشنو علاقتج بسمر
-والله سيدي ماعندي علاقه بيها بس هيه مسكينه ذاك اليوم ام سامي ضربتها وهيه ولاتحركت ولادافعت عله نفسها
-منيه ام سامي
-سيدي السجينه نهله الي ويانه
-ها وليش ضربتها
'-هيه سيدي مستقويه علينه كلنه بس بعدين انقهرت عليها وعافتها كامت متأذيه ومتقبل اي احد ايأذيها والله سيدي
-ليش انتي اداريها اشوفج تطيها مي ومره شفتج توكليهه بيدج
-اي والله سيدي تكسر باب الكلب مالها اذيه ع احد ينكسر خاطري عليها
-اذا جان بيدج مساعده الها تساعديها
'اي والله سيدي ليش لا سيدي لتباوعلي هيج اعرف قضيتي وصخه بس سيدي الزمن جبرني عله هل طريق
-ماكو انسان ينجبر عله الغلط
-لاسيدي اكو من تربه بيد زوج ام  وام تمشي بهل درب حته ترضيه وتالي يندار الوقت ويزوج بتها لواحد اضرب منه واسوءسيدي تنجبر بيوم الي زوجها يطبب عليها واحد ويقفل الباب بيده تستنجد وتصرخ ويصير كلشي بالغصب وزوجها يكتفي باخذ ماده حك الصار لمرته وتكرر هل حاله وينكال للمره ياتمشين عدل ياتنغصبين بالحالتين يصير هذا استسهلت الشغله من غير ضرب احسن من ماانضرب وانجبر بالحالتين مديوس عليه
-فركت وجهي ماعرف مرات احس قضايه لازم نحاكم القدر او الزمن منحاسب لمجرم
هسه تكدرين تساعديها
-اي سيدي اكدر كولي شسوي
-هذا دوه لازم تاخذ حبه الصبح وحبه قبل النوم اني خلصت سبع ايام بعد 8ايام لازم تستمر عليهن وباليوم التاسع تجيني انتبهي مواكثر من 8ايام
-حاضر سيدي ان شاءالله
اخذته وطلعت براء بعدها شابه يطلع عمرها بالثلاثينات محكومه 3سنين بقضيه دعاره
لايبرر الغلط لكن اكو حالات تجبرك ع ان توقف عقلك عن التفكير 💭
جانت كل يوم تجي تكولي الاعراض الي عدها واني ابلغ دكتور فؤاد صديقي باليوم التاسع اجتني اطيتها غير العلاج بس كانت اكثر اعراضها هيه النوم تنام وحركتها بطيئه بس تاكل ع حسب كلام براءاكلها تحسن هواي اختها تجي وتنمنع تخابرني لمده ثواني تسئل عليها مرات الحك اجاوب ومرات لا  ينسد  استمرينه 4شهوربالعلاج صارت اكو رده فعل طبعا اني محذر براءممنوع تحجي لااحد ولاتخلي احد يشوفها من تطيها لعلاج جتني براءكالت سيدي اليوم حجت
شكالت
-كالت جوعانه كل يوم اوكلها اني بس هيه متطلب
-جيد تابعي وياها ولاتنسين العلاج
اتصلت بفؤاد كال بدايه جيده وراها بكم يوم كالت براءالليل كله منمناه تلطم وتدعي وتبجي كلنه بالعنبر كاعدين كبالها
استمرت هل حاله يومين بثالث طلبتها جابوها
اسمج
سمر
عمرج
27
تهمتج
قتل
الدافع
ناس حثاله خلصت لمجتمع منهم
-قصدج
-قصدي قتلت وبس
-احترمي نفسج واحجي عدل ده احقق وياج مو