حب ❤ بعد عداوة 👊 | (مكتملة )

الجزء الثامن

كتاشفت بلي سيهوم نجيم خالي علاقتو بختي سامية سرية وتا واحد معارف شي حاجة هذا تيأكد أنها مسكناش معاه فالدار...  التلفون صونا سناء: وي مسيو نجيم نجيم: قول المساعدة تدخل سناء: اوك، سيري دخلي احبيبتي انا : الله اكون فعواني حليت الباب كان حاني على شي وراق انا دخلت وهو هز راسو تيشوف فيا حسيت بالسخانا طالعة معايا ويلي مالي وليت هكا غير تيشوف فيا تنبدا نتفتف نجيم: تفضلي انسة قوليلي المواعيد لي عندنا ليوما انا: 12 غذا مع الشركاء ديالنا فأمريكا نجيم طبعا غتكوني المترجمة انا: بطبيعة الحال نجيم بابتسامة:مزيان انا:15 عندنا اجتماع مع شي خليجيين معرفتش محتوى الاجتماع نجيم: سولي سناء وخوذي عندها المعلومات اللازمة وحددي مكان الاجتماع وعلميهوم انا: اوك مسيو نجيم: تفضلي مشيت درت داكشي لي قاليا كامل وصلات 11.30 مشيت للطواليط قاديت مكياجي راحنا غنمشيو لاجتماع مع الاجانب زعما على الله نصيد شي واحد هيهيهي😄 رجعت لحدا سناء ملقيتهاش ولكن لقيتو هو واقف وعاقد غوباشتو نجيم:ياكما غنبقا مقابلك بحال شي درية صغيرة انا:راه غير مشيت.. نجيم : طلقينا هزي الملفات وتبعيني للطموبيل ركبنا انا وياه اللور الطريق كاملة وحنا ساكتين ومرة مرة تيدير فيا شي تخنزيرات تيخلعو، وصلنا للمطعم كان راقي وزوين جلسنا فالبلاصة لي حاجزين شويا جاو 3 دالرجال اجانب عرفت بلي هما لي عندنا معاهوم اجتماع، جيت نوقف نرحب بيهوم وهو يهدر تحت سنانو: شدي بلاصتك 😟 مال هذا بغينا نديرو غير الصواب بقيت ساكتة وقف هو سلم عليهوم وبدل بلاصتو وجا جلس حدايا انا بقيت غي حالة فمي بدينا الاجتماع وانا خدامة غير تنترجم ونعاود فالاخير سنيينا الصفقة وكان نجيم باين فرحان حيت حسب مفهمت الشركة ديالو غتزيد توسع بأمريكا سالينا الغذاء وبدينا نتوادعو معاهوم ونطق مارك الحوار بالإنجليزية طبعا: بهرني الجمال ديالك انا: ابتسامة خجولة شكرا مستر مارك مارك: واش مرتبطة؟ انا:ا.. نجيم: حنا واقيلا دبا فالخدمة بقيت مصدومة ماشي حيت جاوب فبلاصتي ولكن حيت هدر بالانجليزية هو عارف اللغة وخاليني تنطبخ ونترجملو ولكن صراحة عجبني الحال كون متدخلش كون راني حاصلة فداك الشارف معهم ندمت لي قاديت كمارتي، مشاو فحالهوم وبقينا انا وياه الراس فالراس حيت الاجتماع الآخر غيكون فنفس البلاصة