حب ❤ بعد عداوة 👊 | (مكتملة )

الجزء الثالث عشر

نخلي نجيم يهدر شويا نجيم: فقت هاد الصباح بكري درت سبور شويا ولا صورة جميلة بغات تحيد من بالي غير تنشوفها تنحس بقلبي فرحان ونفس الوقت تعاملي معاها تيكون قاسح معرفتش علاش من نهار شفتها فالمقابلة عجبنتني ثقتها فنفسها والجمال ديالها نسيت مقلت ليكوم فالمقابلة كنت مع اللجنة ولكن ملي وصل دورها نساحبت حيت خفت نفرش راسي صراحة بغيت نعرضها لعيد ميلادي ولكن مقدرتش خفتها تفهمني غالط واصلا هي تتبغيشي واحد سمعتها البارح تتهدر معاه غنكدب عليكوم الا قلتلكوم  مجاتنيش منو الغيرة سررررر نمرة غريبة فالرقم ديالي الخاص اكيد هاذو ماشي الخدمة نجيم: الوو...... 😮جميلة غتجي خاصني نعلمها تلبس لباس مناسب للحفلة باش متلقاش سبة وتمشي تفو وليت نحس براسي برهوش ناض نجيم دخل للدوش نرجعو عند جميلة: ساليت المكالمة مع سعد مشيت تنقلب شنو لبس هاذي هي الفرصة الوحيدة لي عندي باش نلقا ختي وأكيد هي مغتفلتش عيد ميلاد حبيبها داز الوقت دغيا لبست كسيوة بيج حيت هاذ اللون تيجي مع لون شعري وعيني صايبت شعري بوكلي ومكياج ركزت على العينين ولبست صندالة بلا باش اسهال عليا التقلاب فالدار المهم عوالة على خزيت هههه هزيت صاك صغير فلون الصندالة والملف بطبيعة الحال سمعت الدقان حليا لقيتو الشفور احمد: سلام مدموزيل قالك سي نجيم بلي اليوم عيد ميلادو وماشي من الصواب تجي وتمشي بلاما تحضري انا: هههه اصلا داكشي لي بغيت احمد: شنو قلتي انا: لا زعما راني درت حسابي غير الا جات على خاطرك دوزني لواحد المحل نشريلو كادو احمد: تحت أمرك خرجنا انا وياه وتوجهنا لمحل ديال السوايع بديت نقلب بانت ليا ساعة زوينة تيتحل الفوق ديالها وتقدر تخشي فيه اي صورة بغيتي شريتها وغلفوهالي بالحمر وتوجهنا لدارو دارو كانت  عبارة على فيلة صغيرة ولكن الدكور ديالها واعر وزوين دخلنا لقيت الجردة مقادة بالطبالي فهمت بلي تما غيكون الحفل دخلاتني الخدامة للصالون وبقيت جالسة تنساين.