اسفه الفصل بيه احداث مؤلمة لكن مع الاسف هذا واقعنا مهما حاولنا نجمل فيه
حقوق النشر محفوظة
صينية البخت
الفصل العاشر
لقاء. و وداع
لقاء و وداع صورتين من صور الحياة .... بكل مكان تلاكي. ناس. تودع. وناس تلتقي ومرات. يصيرن بنفس الوقت مثلا وانت جالس على. كراسي الانتظار باي مطار او محطه
تشوف ناس تودع أحبابه بدموع. والم. وبنفس اللحظه
ناس تتلاكة بلهفة وفرح ....أحاسيس متضادة لكن. الها نفس القوة
الحياة نفسها. ساعه. تودع ناس الى مصيرهم المحتوم الموت
وساعه تستقبل اخرين بالولادة ابتدا مشوارهم بيها.....
وشتان ما بين الاثنين....
ولاية اريزونا الامريكية ٢٠٠٩ بعد يومين من لقاء. ابو جواد. وداود...
مطار فينكس سكاي هاربر / مدينة فينكس
بعد رحلة طويلة ومتعبة استمرت يومين بدات من الاْردن. مرورا. ترانزيت. برلين في ألمانيا
وكانت محطة دخولنا للأراضي الامريكيه عبر نيويورك وبعدها. طرنا على خطوط دلتا الداخليه
الى اريزونا. كل دقيقة أتخيل. بيني وبين نفسي كيف راح يكون اللقاء ويه امي. وأختي. وخوالي. صحيح. كانت مكالمتنا متواصله. لكن. خلال. فترة وجودهم بسوريا. وشغلي. ما كدرت. اسافر. أشوفهم. ومن. صفيت شغلي. وحصلت الفيزا هم كانو مسافرين. قبل شهور شكد مشتاق لامي. وحضنها. ولاختي. رناوي ودلعها عليه. حرامات. ما اكدرت احضر خطوبتها. على يقظان. ابن خالي يعرب.
بس احمد ربي واشكره. اطمئنيت على اختي. وصارت بايد امينه ...
وبعد ساعتين وخمسين. دقيقه
أعلنت المضيفة وصولنا الى مطار مدينه فينكس. عاصمة ولاية اريزونا
وبعد إجراءات روتينيه بس حسيتها من كد لهفتي. لشوفة أمي. كلش طويله كأن ذيج السنين. والايام. بكفة. وهاي. الكم دقيقه بكفة .... واخيرا اني انزل. الدرج المتحرك لقاعه انتظار الوافدين ماسك بجنطتي بايد. والايد الثانيه. معلك على الكتف. جنطة اللابتوب وعلى رقبتي. معلك كامرتي اللي مالي غنى عنها....
عن بعد. شفتهم واكفين. وره الحاجز اتمنيت روحي. طير. وتسبقني.
وبس.صرت قريب مجرد. البوابه الزجاجية. تفصلنا. عبرتها ركض. مثل ما امي. الهادئة الوقورة. غلبها شوقها. ونست نفسها وركضت الى ان ارتمت باحضاني
موقف مستحيل ينوصف او. يتصور.
حسّيت. نفسي رجعت طفل صغير. وامي. تتلمس وجهي. وتبجي وتخلي بوسه على كل جزء تلمسه
واني اللي كنت أمسك بأيديها اللي تطوف على. وجهي. واشمها. وأبوسها
اه يا ريحه امي من ريحه الجنه ....
اجتي وراها. اختي رنا. وحضنتهم اثنينهم واختلطت دموعنا بضحكاتنا ...
واني اترك العراق. قررت بيني ويبن نفسي. اترك كل شي وراي. حتى حقدي على زوج خالتي
من اليوم. اني انسان جديد. توه. نولد ...
YOU ARE READING
صينية البخت
Randomقصة اجتماعيه. رومانسيه تتكلم عن. حال اثنان من المغتربين. العراقين. بدول المهجر. كيف. عاشوا بوطنهم الام. وكيف وصلوا لدول الاغتراب. ... تتحدث عن الحياة. المجهولة لاغلبكم عن حال. المغتربين. كيف. يصارعون. مع مئات الملايين من البشر المتنوعين. بالأع...
