لاني احبُك شاركتها اياكَ (غزل )

بارت ١٤

باليل خابرني بوقت متأخر وبقينة نسولف
_ انت شكد حافظ اشعار
_ حفظتهن على مودج اني احب الشعر بس ماجنت احفظ بس من عشكتج كمت احفظ
_ ههههه جان عندك وقت طويل حتى تحفظ
_ اي طويل جداً..شوكت اجي اشوفج شتاقيتلج هواي
_ اليوم جنت يمي شوكت لحكت تشتاق
_ والله عبالك ايام كلش اشتاقيتلج صورتج بفستانج القصير وشعرج المنثور عذبتني
غزل ديبالج ادكصين شعرج امووت عليه هيج
_ اني جنت اكصه بس هاي صار سنة بديت اطوله
_ اي طوليه ابد لا دكصيه
_ شوكت مقرر نزوج
_ ههههه مستعجل الحلو اكيد مشتاقتلي
_ لا والله بس ردت اعرف قبل دوام الكلية لو بدوام
_ لا يعني مامشتاقتلي لو لا يعني مامستعجلة
_ لاهاي ولا هاي
_ يعني مشتاقتلي ومستعجلة
_ اوووو منك الة تخجلني ..اكلك صدوك انت وين تخابر
اشو ماخذ راحتك
_بالبيت
_ وين بالبيت متخاف لا احد يسمعك
_ اولاً اني مااخاف ثانياً محد يسمعني
_ يلة روح نام باجر عندك دوام
_ هاي طردة معناهة
_ لا والله اذا علية اسولف وياك الثاني يوم بس عندك دوام
_ باجر مااداوم اخذت اجازة امشي بمعاملة العقد وصيرين زوجتي شرعاً وقانوناً اريد اشوف محمود شيسووي
_ يااا شعندك وية بابا فوك ماقبل نزوج
_ اي ابوج عملة نادرة انسان متفهم
_ يلة بدة يقرأ قرآن خل نتحضر لصلاة
_ يلة حبيبتي من ارجع الظهر اخابرج
_ ان شاء الله حبيبي مع السلامة
صليت وقريت قرآن ونمت مرتاحة والفرحة مالية قلبي
مشت الايام واحنة حبنه يكبر والشوق يكثر عقدنة محكمة وصرت زوجته قانونا
نتخابر يومية
ويجي يشوفيني بالاسبوع مرتين نص ساعة ميقبل بابا اكثر
احلى وقت من يجي محمل شوق ولهفة وحب
بس مايتعده حدوده كلش يحترم كلام بابا
يحجيلي عن كلشي يخص مشاعره بس ميحجيلي شي
عن رغد ولا طبيعة العلاقة بينهم
من اسأل ميجاوب او يغير الموضوع
خابرني مثل كل مرة سوالف وشقة
_ هيثم مكتلي وين ناوي نسكن
_ اني فهمت ابوج قبل الخطوبة
_ مكلي شي اي شي يخصك ميحجي بيه
_ هو مطلع على اي شي يخصني
_ اي احسن مني كلشي مااعرف
_ شتردين تعرفين انتي حصتج كلبي كله ملكج
_ اضحك علية بكلامك
_ تشككين بحبي
_ مو اشكك بس كلشي غامض
_ تتوهمين ماكو شي غامض وبالنسبة للمكان النسكن بيه
لكيت بيت مو بعيد عنكم قريب راح ابيع هذا البيت واشتريه لان واسع واقسمه نصين نص الج ونص الرغد
_ توقعت تأجر
_ لا ماأجر مااريد ابعد عنكم اريدكم قريبين علية حتى اطمئن
_ هاا
_ لا تخافين غزل مكانج معزول بيتج وحدج وشتحتاجين اوفرة الاثاث كله على ذوقج شيجي بالج اجيبه
_ مااريد شي بس قربك مني
_ اااخ واني شريد بس قربج جاي استعجل حتى تصيرين بحظني..اكيد صارن خدودج وردية كون يمج واعضهن
_ هههههه همزين مو يمي
اكلك صدوك مشتاقة البقوري ليش ميجي من خطبتني الهسة مجاي
_ شلج بيه ابوه كافي
_ لا الله عليك مشتاقتلة
_ مامسموح تشتاقين الاي احد بس الي
_ حتى ابنك
_ خاصة ابني سافل يكلي غزل الي ماانطيهة الك
_ ياااي فديتة يريدني
_ نووب علية ياااااي هاي شنو مو حركتيني حرك
_ هههههه الله عليك تغار من ابنك
_ اي والله اغار يحرك بكلبي يكلي احب غزل وهي تحبني
_ اي احبه حبيبي احبه اكثر منك
_ صدك تحجين لعد شوفي اذا خليتج اشوفيه
_ لا الله عليك هيثم اشاقة وياك احبك بس الك اموووت عليك
_ اذا هيج اخليج اشوفيه
_ اي من تجي جيبه وياك
_ اجيبة وياي شنو اريد اجيج بس الي مو تكعدين تبوسين بيه كدامي باجر ادزة الج الصبح
_ ههههههه والله من كل عقلك تغار
_ اي شبيج اغار حتى من ابوج
يلة حبوبي مع السلامة صار عندي شغل
_ مع السلامة حبيبي
مدة واشترة هيثم البيت هو حديث و واسع قسمه قسمين
ورتبه صبغ حديث سراميك كلة رتبه
اني مشايفتة بس بابا يسولفلي
من كمل ترتيب بدة يجهز اثاث بالاول جهز الرغد كله جديدوبعدين اني
اخذني ورحنة نفتر على الاثاث
شعور حلو نبدي اني وياه انثث بيتنة سوى
لازم ايدي حيل عبالك ح اشرد واي شي يشتريه ياخذ رأيي
اني ماطلبت شي فخم دائماً اختار الارخص والارتب
لان ادري تصير تكلفة عليه
وحتى الذهب رحنة اني وياه الحلقة صاغهة صياغة
منقوش عليهة انتِ كل مااتمنى
نفس عبارتي النقشتهة بقلمه
كال هاي الكلمة منقوشة بقلبي
فرحت بالحلقة اكثر من اي شي
مطلبت ذهب لان اني عندي كم قطعة من اهلي
كتلة مدالية ملاكي والحلقة وجيب محبس وكافي
مقبل بس اني اصريت عليه الفلوس تفيدنة بتجهيزات
العرس قبل وكال ورة الزواج اعوضج
كملنة تجهيزات
وقرب الدوام وقرب الزواج
اقترح اخذ اجازة للزواج وبعدين اكمل
وافقت على اقتراحه
ماما وبابا اقترحوا انه نزوج بايران او بالشمال او بتركيا
ونص مبلغ السفره على اهلي هدية زواجنة
هيثم قبل بس كلي اذا نزوج خارج العراق لازم بعد الزواج اخذ عائلتي النفس المكان
اني فكرت كلت خاف بعد الزواج مااكدر افاركه هواي
واظل افكر وانقهر
خل ازوج بيتنة احسن من دوخة الراس
فتفقنة نزوج بالبيت حتى فندق ماردنة
بالبيت ناخذ راحتنة احسن
قبل الحنة ماما عزمت كل اقربائنة واكدت على الكل لازم يجي
كالت اول فرحتي واريد الكل يشاركني
قبل يوم الحنة اغلب الاقارب اجة نسوان عمامي وبناتهم وعمتي وخالاتي بس مااجن بناتهم مزوجات مكدرن
صح هوسة بس كلش اجواء حلوة
حسيت بفرحة بوجودهم
بس عمتي ام امير ابد مافرحانة
وكلما شوفني ادنك
يجوز تذكر امير وتنقهر
شبيدي عليه
بليلة الحنة منمت لصبح نسولف اني والبنات
ورادن يشوفن صورة هيثم كتلهن خلنهة مفاجئة من يجي بالعرس شوفوه
بيوم الحنة اجوي اقربائنة البقية وماما كوة كعدتني لان منايمة يمكن بس ساعتين
اخذتني المركز التجميل
ماما حاجزتلي بمركز تجميل متكامل
اخذتني ورحنة اني وماما وعمتي وسمر وسحر
دخلوني مساج وتنظيف بشرة الوجهي والجسمي
حسيت صرت الهث من النظافة
لبست فستان ماردت بدلة
طويل كصيف حورية ستن حريري لونه ماروني على ارجواني مسود تقريباً مثل زهرة الكركديه
ذيله طويل وتعلاكة من جهة وحدة بلا ردان
وبطرف الصدر ممتد على طارف التعلاكة تطريز
ترتر ذهبي
مع كعب ذهبي وتسريحة مرفوعة ومكايج سموكي
الكل كال تحفة فنية
بدت الحفلة وحضر الكل وزمن وساره موجودات
زمن مخطوبة تعرفت على شاب بالكلية مرحلة ثالثة
وخطبهة وبعد مايتخرج يتزوجون
فرحتلهة تستاهل زمن صديقة عزيزة علية
بعد هوسة البنات
وناس رايحةو ناس جاية
خلصت الحفلة واني كلشي مامفتهمة
بليل خابرني هيثم يريد يجي
_ وين تجي البيت مملي بنات
_ اريد اشوفج هاي شبيج اطرديني
_ مااطردك حبيبي فديتك بس الوضع خبصة
_ اريد اشوفج بثوب الحنة وتحنين اصبعي واخذلي بوسة شمة
_ ههههه هو اني احنيك لو ربعك وانت اول زواج واحنيك
_ ماخليتهم يحنوني اريد باصابيعج الناعمة تحنيني
وبعدين اني وياج كلشي اسوي اول مرة
_ هاا
_ شنو هاا فرغولي الاستقبال اني بطريق
_ هههه هلة بيك
دخلته ماما للاستقبال
وهو يشاقة ويضحك وياهة وكلش منفتح
من شافني ضحك واقترب علية وحضني كدام ماما اني ادفع بيه وهو يحضن ويضحك
_ عيب كدام ماما
_ ام احمد بس كدامج تدفعني من اجي اشوفهة وابوسهة اظل مايعة متوخر
ام احمد_ هههههه ادري بيهة متكعد راحة
غزل_ هيثم زاعلتك فلا احنيك
هيثم_ لاتحنيني ام احمد تحنيني
غزل_ هاا هيج صارت
هيثم_ اي الة ام احمد تحنيني مااريدج
ام احمد_اي اني احنيك اني بعد صرت مثل امك
غزل_ هههههه ياامه فرق بينكم قليل بس كم سنة
هيثم_ انت ليش تغارين مني
غزل_ مااغار بس انت ازغر بروحك
هيثم_ اي شنو بعدني زغير والبنات ميتات علية
غزل_ خوش لعد خل يفيدنك البنات
حنت اصبعه ماما
واجة يمي
_ انتي حنيتي اصبعج؟
_ اي وانت شعليك
_ شو خل اشوف محنينج زين لااا
_ هياتة
لزمه وباسه
ماما ضحكت وراحت
_ وخر مني روح للبنات
_ يفدنج البنات شعندي غيرج
_ مااااا معلية
_ شلون مااااا تموع الروح تعالي قربي عليه خل اشوف هذا الجمال
_ عجبتك؟
_ لا
بهرتيني ذهلتييني طيرتي لبُ عقلي

أحبيني .. بلا عقد
وضيعي في خطوط يدي
أحبيني .. لأسبوع .. لأيام .. لساعات..
فلست أنا الذي يهتم بالأبد..
أنا تشرين .. شهر الريح،
والأمطار .. والبرد..
أنا تشرين فانسحقي
كصاعقة على جسدي..
أحبيني ..
بكل توحش التتر..
بكل حرارة الأدغال
كل شراسة المطر
ولا تبقي ولا تذري..
ولا تتحضري أبدا..
فقد سقطت على شفتيك
كل حضارة الحضر
أحبيني..
كزلزال .. كموت غير منتظر..
وخلي شفتاكِ المعجون..
بالكبريت والشرر..
يهاجمني .. كذئب جائع خطر
وينهشني .. ويضربني ..
كما الأمطار تضرب ساحل الجزر..
أنا رجل بلا قدر
فكوني .. أنت لي قدري
وأبقيني .. على قلبك..
مثل النقش في الحجر..
نزار قبانى
_شلون باشعارك تنسيني الزعل
_اشبعج اشعار ورومانسية وبوس و..
_ هااا حيلك حيلك شو مستخف
_ ههههه غير عريس كلشي هسة مباح
_ لااا بعدك
يلة روح كافي عيب من الخطار
_ هسة اني اشفت شاخذت لابوسة ولا حضنة شبسرعة اروح
_ امممموواح يلة روح
_ كلفتي نفسج
جرني وباسني بخدي وخلى راسي على صدرهه
شوكت يجي باجر وصيرين ملكي بلا قيود
ولا حدود ولا سعاد ولا محمود
_ ههههههه بلا قيود عرفناهة سعاد ومحمود شعليهم
_ عليهم لعد هسة ابوسج بالختلات غير بسببهم
_ خطية مستحي
_ يلة شوفيلي الطريق عيب من الناس
......تعال ماكو احد
_وين طالعة هيج
_ اطلع وياك
_ وين وياي مصلخة امشي طبي وشلون هيج تلبسين مو كتلج جسمج محد يشوفة بس الي
_عجبني وبعدين هي مرة بالعمر وبس بنات خليني براحتي
_ محمود شافج هيج
_ اي اول واحد وباسني كال لعابة
_ مكيفة موو
_ اي هههههه
_ اعلمج باجر
_ اوكف خل البس شال
....اطلع وديبالك تباوع وراك خاصة باب وشباك المطبخ
_ ليش شكو
_ كلهة واكفة تباوعلك
_ ههه صدك
_ اي شبيك فرحت
_ اريد اروح اشوف المكان الوكفنة وحاجيتج بيه ب باب المطبخ
_ اي خطية ميت على المكان
_ هاي شبيج خانكتني من هسة
فتحت الباب راد يطلع باسني بخدي
باجر لاترفعين شعرج خلي مفتوح وبلا جل مااعرف مثبت
اريد العب واتغطة بيه
ولاتخلين مكياج طوخ مااحبه
_ ههههه تدلل باي حبيبي
_ باي ياروحي
رجعت واكلني البنات اكل على هيثم
ماتن عليه
حتى كمت اخاف عليه لايحسدنة وحتى غرت
سهرت منمت لصبح وية البنات سوالف وضحك
محسنة الة صايرة الصلاة
صليت ونمت ساعتين وكعدتني ماما
بالعرس اختاريت
بدلة من الصدر دلعة عل شكل تفاحة وسيور البدلة نازلات على الزنود
كلوشة كلش وعليهة ترتر فضي
شعري عفتة مفتوح مثل ما راد هيثم بس برمت اطرافة برم ناعم ومكياج خفيف مع رسم العين
وخلتلي ام الصالون وشم وقتي على الصدر حرف H
كملت وكاعدة انتظر الزفة
بس كلش متوترة
ومن سمعت صوت السيارات

ولحكايتي تتمة
تصويت + تعليق
البارت القادم ممنوع للاشخاص العدهم جفاف عاطفي😊😚