لاني احبُك شاركتها اياكَ (غزل )

بارت ٢٦

اسعد الله مسائكم بكل خير اينما كنتم احبتي

**********

تخبلت كالت بنتي مابيهة شي
نوب سويت بنتي مخبلة هاي مجازاتنة وياك
جان سويت خاطر العمك وشيباته هيج تطعن بنتة
وصارت مشاكل اله اول مالهة تالي ..استسلمت الواقعي
وحياتي النفرضت علية
بهاي الفترة صار باقر وتحملت علمودة لان مااكدر افاركه ولا اريدة يعيش يم  اهل رغد ويشوف الشفته
ونوب خطأ صارت شهودة اني اي  طفل مااريد
احنة اسرة متفككة
بس قررت وفهمتهة مااريد مشاكل كدام الاطفال انريد نعيش طبيعي الخاطرهم
قبلت.. مرات تصير زينة مرات لا
بس مشاكلهة وياي على كل شي ولا يعجبهة شي ...بس  وية الاطفال زينة صح مرات تعصب عليهم  و مهملة بس شي على شي زينة وياهم
_ يعني ماتضربهم ؟
_ من زوجتج كامت تضربهم كدامي حتى تحرك كلبي
_ خطية
اكلك اهلي يعرفون ؟
_ والدج يعرف شي قليل اني ماحاجي الاحد مهما يكون رغد زوجتي وام اولادي
بس امج كلشي سولفتلهة قبل الخطوبة  هي عبالهة  اني موزين وية رغد هي رغد حاجية لامج وللكل ان  اني هاجرهة ومااريدهة وموزين وياهة
فاني شوفت الامج اوراق الطبيب وشرحتلهة كلشي وراحوا سألوا عن مرضهة يلة قبلوا ينطوج
_ كل هذا وماادري ليش ماسولفتلي
_ ليش اسولفلج هذا الشي يخصني اني ورغد واني مااريدج تقصين رغد من حياتي ردتج شوفين زواجي اني وياهة طبيعي ماكوشي حتة تتعلمين وتتعودين
وماتفكرين اني بس الج
_ انت تحبهة.
_ اجذب عليج اذا اكلج مااحبهة
احبهة حب عشرة حب ام اولادي  بنت عمي  بس حب زوجة لااااااا
ماعندي الهة هيج مشاعر لا من قبل الزواج ولا بعده..وبعد الزواج وضعهة زيد مشاعري نفور
_ اااهيثممم
_ هاا
_ لا هيج
_ كولي لايظل بنفسج ادري بيج اذا تردين تعرفين شي ماترتاحين الة تعرفيه
_ ذيج الليلة من شفتكم
ليش جانت تبجي
__اني ماادري شنو شفتي بس احنة جنة بوضع مو مال تغارين بس الظاهر شفتي شي قليل مافهمتي السالفة
_ شلون؟؟
_ اني ماجنت متقربلهة طول فترة زواجي بيج ...لان مثل ماعرفتي هو هيج علاقتنة كل اربع او ست شهور مرة بس حظي الفكر جابج بذيج الليلة من دون كل اليالي
و هي جانت  تبجي وتعارك انت ظالم انت متحبني تحب بس غزل وهي دوم طبعهة تبجي بلا سبب
كلت حرام علية الظاهر بدت اتريدني
اشوو اني تقربت منهة شوية وتخبلت وبدت تبجي حاولت اسكتهة اهدئهة ماكو
هذا كل الصار
_ وحبلت موو؟
_ اي
_ اي مبين عليك ماعاجبك الوضع
_ هههه هاي شبيج شو هم رجعتي تغارين
_ اي بهذا الوضع شلون حبلت؟
_ والله بسرعة صارت حتى بلا شعور
وبعدين انتي شعليج هي زوجتي وشأسوي وياهة عادي
_ ااي شعلي بيك...اكلك انت ليش ماقررت تزوج
_ بصراحة زواجي برغد كرهني بكل زواج
وهي عقدتني من كل النسوان
الحد ماشفتج وخلبطتي امووري وغيرتي نفسيتي
وهسة الحمد لله مفتوحة نفسي لزواج ومستعد  للثالث
_ لابلة تزوج ثالثة حتة اقتلك بايدي
_ شو تحجين بالقتل صايرة مجرمة
_ اي علمودك حتى اصير ارهابية
_ يعني هسة ماازوج؟
_ لااااا وماااا وممنووع
_ كولي من البداية ليش نشفتي ريكي بالحجي كولي اريد وفضيهة .............
......................................................