الا ليت القدر

جزء 6

الجـــــزء الســـــادس..

بين ثنــايا الايـــــــامـ....

:مدى..؟؟

مدى: هــلا..!!

علياء:تعرفين صاحب الشركه..؟

مدى رفعت راسها تطالع علياء لثواني..بعدها انفجرت ضحك...

علياء انقهرت: ليش تضحكين..؟؟

مدى تحاول تسكت: لان سؤالك غريب..

علياء: مو غريب انتي وهو لكم نفس العائله..

مدى بغير اهتمام: عادي..يمكن عائلتنا كثار..بس اتوقع ان ما نعرفهم..الا اكيد ما نعرفهم..هم وين؟ ..واحنا وين..؟

علياء: يعني بالمره ما تعرفينه..؟

مدى بإبتسامه: لا تحاولين اتوسط لك هههههههه..

دخلت هوازن المكتب: ايش عندكم يا صبايا..

مدى: ان مدير الشركه يقرب لي ههههههههههه...

************************************************** ****************

فـــي طريق الرجعـــه..

ابتهال: وااااو اليوم الاربعاء ياوناستي..

مشاعل وهي ترمي شنطتها بالمقعد اللي جنب ابتهال في الباص: صادقه والله واخيرا....بصراحه الاسبوع هذا مرررررره طويل..

جات مرام: ايش عندكم اليوم...؟؟

ابتهال: انا ما عندي شي...

مشاعل: وانا بعد ما اذكر ان عندي شي مهم غير زيارة ابوي..

مرام: طيب ايش رايكم تجون عندي..بلييييييز لا تردوني لان انا بعد ما عندي شي..

ابتهال ابتسمت لما تذكرت عزام اخو مرام: انا عادي اجي..

مشاعل اللي فهمت عليها: هههههههه وانا بعد..

مرام فرحت: والله...الله يحيكم ومرحبا مليووووون..

ابتهال: انتي يا الشينه وابوك...؟؟

مشاعل تكابر حزنها وألمها: عادي الاربعاء الجاي اشوفه اذا ذكرني..

ابتهال سكتت ما تحب تكلم مشاعل في الموضوع هذا لانها تنزعج منه..

"مشاعل بعد ما فقدت اغلى كنز في هذا الوجود..اللي هو امهـا..وما بعد الام من الغلا احد..ابوها رماها على جدتها ام امها..كان بالبدايه يزورها كل يوم وبعدها كل يومين الى ان صارت كل اربعاء..ومرات ينساها بالاسابيع الى ان تتصل عليه وتكلمه وتقوله يزورها عشان المصروف..