فى كافتيريا كلية الهندسة يجلس اسلام ذلك الشاب طويل القامة خمرى البشرة حسن المظهر مع صديقه المقرب محمد ذو الشعر الناعم والطول المتوسط والوجه الباسم دائما والقلب الحنون....
قال إسلام بهدوء:
-عرفتها من ع النت.
زفر محمد بضيق وقال:
-نعم!!هو احنا من الناس دى برضو يا إسلام؟!!.
تنحنح بأحراج وقال:
-يابنى أصبر هفهمك، انا بتكلم معاها عادى خالص والله ومش بنقول حاجه حرام ، كله كلام عام گ تعارف يعنى.
طأطأ رأسه بحزن وقال لأئماً:
-مش أحنا اللى نلعب ببنات الناس يا إسلام !!
رفع حاجبه قائلا بتعجب:
-هو حد قللك إنى بلعب بيها ، عييب يا محمد اخوك راجل برضو، كل الحكاية بس إنى لازم اتعرف عليها كويس قبل ما أتقدملها.
محمد بتعجب:
-تتقدملها!!
أجابه على الفور:
-ايووه يابنى اومال انا بقول ايه من الصبح، البنت اللى هتتجوزها لازم تكون عارف دماغها وتفكيرها كويس ، علشان كده قلت اتعرف عليها الاول على النت وافهم دماغها بعدين يعنى أروح اتقدملها إن شاء الله..
-طيب وانت عرفت ازاى بقى إن دى ممكن تكون مناسبه ليك؟!
ابتسم إسلام قائلاً:
-بصراحة كده هي كانت معانا فـ جروب (نقاشات حره)وباين عليها دماغها حلوة وكمان باين عليها محترمة..
نظر إليه قائلاً بتعجب:
-باين عليها امممم طب وهى لو كانت محترمة كانت هترضى تتكلم معاك كده؟!!
إنتفض إسلام من مكانه وضرب الطاولة بقوة وقال غاضباً:
-مـــحمد انا مسمحلكش ، يا تتكلم عدل يأما تسكت ، فاهم.
محمد بضيق:
-خلاص يا عم انت حر ، يلا علشان المحاضرة قربت تبدأ
--------------------------------------------
وفى المبنى المقابل امام قاعة٢٣بكلية التربية تجلس سلمى ذات القامه القصيرة والوجه البرئ مع صديقاتها هند وفاطمة.
نظرت سلمى الى صديقاتها بضيق وقالت:
-يا جدعان انا مش فاهمه حاجة من البوترى ده هو انا بفهم شعر عربى لما هفهم شعر إنجليزى، انا كان مالى ومال قسم إنجليزى بس ياربى، ماكان قدامى اقسام تانيه كنت دخلتها وخلاص.
ضحكت هند ضحكة عاليه وقالت:
-يا بنتى هو انتى كل ما تطلعى من المحاضرة دى بالذات تعملى كده، انا بصراحة مكنتش بحبها فـ الاول بس الدكتور حببنى فيها .
