بكلمة عمري والعمر فاني .. انت غير الناس عندي ولَك غلا ثاني

7

سلطان وقف وراح عند مهره ومسكها من أيدها بقوه : بتقومين الحين وبتبوسين ريلها مب رأسها بعد
مهره وهي تتشبث بخالها اكثر : ما ابا .. ما ابا اسلم مب على كيفك تغصبني

نوف وهي تمسك ايد سلطان : سلطان استهدا بالله .. لا تنسى عيالك هني والبنت امس طالعه من حالتها .. خلاص خلها

سلطان لف على عياله: انتو روحوا غرفكم بسرعه ... وانتي بسرعه اعتذري والحينن بعدد بسررررررعه

سهيل وهو يحاول يفج أيد سلطان عن مهره : خلاص سلطان هد البنت شو فيك جي ماسكنها
سلطان بعصبيه وصراخ : مب فاجنها ... هذي وايد معطينها ويه .. بتقومين الحين و بتسلمين .. عيل انتي يالخايسه اتصيحين امي
فهد : سلطان الله يهداك مب جذي يتفاهمون .. خلها بروحها بتروح
سلطان : لا مب مخلنها والحين بتقوم
مهره وهي اتصارخ واتصيح : ماااا ارييييد مب على كيفك انت ... لا تسويييي نفسسسسسك ريااااال علللللليّ الحييييين .. وبطل ايدي ما لككك دخل فيييينيي
سلطان بكل قوته صفعها كف وبصراخ : عيييييييدي اللللللي قلتتيييييييييه عشااااااااان أذبببببححححححج هنييييييي!!
سهيل وهو يدز سلطان عن مهره الي تخبت ف حظنه على طول عشان سلطان ما يزيد ف ضربها : سلطااااااااااااااااااااان .. بس عاد تراك تعديت حدودك هاا لا تنسى

نوف وهي تسحب سلطان: سلطان خلاص عاد مب زين جذي .. انتو جذي تعذبونها

سكتوا كلمهم وما ينسمع فالصاله الا صوت صياح مهره .. وشوي شوي وبدا ريلها يهتز وزاد اهتزازه وصار يهتز بأقوى شيء
منصور وهي يفز من مكانه ويروح عند مهره : مهره .. مهووور
سهيل بخوف وهو يحاول يمسح على راسها : مهره اهدي .. اهدي ما صار شيء .. منصور روح يبلها ماي بسرعه
ام سلطان وهي توقف: يما بنتي .. شو فيج يا مهره .. مهره مهره اهدي اهدي ما صار شيء
حمدان قام وراح عند سهيل : مهره .. مهره .. تسمعيني
مهره هزت رأسها بهيه وهي بعدها اتصيح وخاشه ويهها بحظن خالها
حمدان وهو يكلم سهيل : أمسك ريلها و حاول توقفها
سهيل بخوف : لا ما اقدر يمكن تتعور ما تسمعها صارخت يوم حاولت اسوي نفس الشيء
حمدان : انزين عادي امسكها انا
ام سلطان : عادي يما اهم شيء ترجع لطبيعتها
حمدان مسك ريل مهره وحاول يوقفها لكن ماقدر ريلها أقوى و صراخ مهره يعلى كل ما ضغط
حمدان : بتتعب اكثر اذا ريلها ما وقفت
سهيل : شو تبانا انسوي يعني
حمدان بتفكير :أمممم ....أسدحها على الكنبه الطويلة
سهيل :اذا ريلها وقفت أيدها بتهتز
حمدان : ما عليه انت اسدحها اول
راح سهيل وسدح مهره ... وأول ما سدحها وقفت ريلها عن الهز و بدا على طول أيدها يهتز بأقوى شيء .. ومهره ف خبر كان ما تدري عن شيء بس اتمتم بكلمات مش مفهومه ومسكره عيونها
سهيل وهو حاط أيده تحت ايد مهره الي تهتز عشان ما تضربه بشيء و تتعور
حمدان : سهيل بعد شوي بكلمها
قام سهيل عنه وحمدان قعد عند راس مهره
حمدان : مهره .. تبين شيء .. تبين حد معين
مهره : سسس..ه..ييي.لل
حمدان : سهيل محد .. تبين حد ثاني
زاد صياح مهره وتمت تهز رأسها بالقو بلا : ما سسس..ويييييييي... ت شش يء .. بس بس اااا.. ببااا .. خخخخ .. ااا .. لييي