ف بيت ام سلطان كانوا كلهم مجتمعين هناك ... حتى نوف وسلطان الي كانوا واصلين من نص ساعه << على كيفي الوقت ههههههه .... ابوحمدان كلمهم عن حمدان و مهره وانه حمدان يبا يخطبها بس هو طلب انه يأجل شوي لان يبا يتاكد من شيء
ام سلطان: والله هذي الساعه المباركه وبنتي مهره ما بتحصل واحد احسن من حمدان
ابوحمدان: والله حمدان الي ما بيحصل وحده نفس مهره... بس انا اقول لو نخطب مهره من يدها رسمي يعني ونحدد الملجه بتكون مفاجأة حلوه حقهم يوم بيردون
سلطان: انزين خالي ما تحس انه حمدان بيزعل او مهره يعني لانه ما خذينا موافقتها
ابوحمدان: مهره سهيل خذ موافقتها بس بشكل غير مباشر .. اما حمدان ما اعتقد انه بيزعل لانه الشيء هو يباه
نوف: انزين يبا انته قلت انه حمدان قال لا تخطبها الحين وانه يبا يتأكد من شيء وبعدها بيكلمك
ابوحمدان: وانا اعرف حمدان شو الي بيا يتأكد منه .. وانا تأكدت بنفسي
نوف: ما ادري يبا احسك مستعيل و وايد بعد
ابوحمدان: لانهم بعد كم يوم بيرجعون .. وانا ابا افاجئهم
نوف: سو الي يريحك دامهم موافقين
.......................
عند طلال وساره ... وصلوا ابوظبي وطلال وقف عند بيت يده
لفت عليه ساره مستغربه : ليش يايبني هني .. روح بيتنا ابا ارتاح
طلال: اختج سلوى مريضة .. وخليفه يقول انها تباج .. انزلي شوفيها وانا بروح عندي شغل وبعدها بمر عليكم
نزلت ساره بخوف حتى نست تلفونها وراحت عند اختها .. اما طلال تحرك رايح بيت ابوه .. بعد ربع ساعه وصل بيتهم ودخل داخل شاف بس مريم الي قاعده ف الصاله راح سلم عليها وقعد عشان يعرف السالفه
طلال: شو مستوي ؟؟
مريم وهي تلعب بتلفونها : ما شيء .. بس امي اتضاربت مع ابوي .. والسالفه واصله للطلاق
طلال بصدمه : طلااااق ... ليش شو السالفه
مريم : امي كلمت الصالون على اساس انهم ايون عندنا البيت لانها بتروح عرس بنت ربيعتها مع حرمة عمي محمد وابوي رفض اونه لانها هامله البيت وما تدري عنه وغيره ولانه بعد ما يباها تطلع مع حرمة عمي .. واتضاربوا وابوي عصب عليها وقال اذا طلعتي من البيت انتي طالق ولا تفكرين تردين
طلال: شت شت شت .... وليش انزين كل ها .. وامي وابوي وينهم الحين .. وامي شو رايها
مريم: اففف .. ما ادري ليش .. وامي داخل ومعانده .. وابوي طلع من البيت ما دري وين سار
طلال وهو يتصل فأبوه بس ما رد عليه .. وقف: بروح اشوف امي
مريم: في حرمه عندها داخل مالت الصالون
YOU ARE READING
بكلمة عمري والعمر فاني .. انت غير الناس عندي ولَك غلا ثاني
Romanceالروايه من وحي الخيال لكن بعض احداث الرواية مقتبسه من الواقع
