سم بجرعات لذيذة

Part six

#سم_بجرعات_لذيذة
#للكاتبة_ايناس

البارت 6
راحت زهراء للكلية هي ونهى ومصدومات من السائق الجديد والي هو جان سائق ابو زهراء وما يعرفون أحمد وين وشكو وشنو صار
في الكلية :
نهى : لج زهراء احمد وين ؟؟؟
زهراء : واني شمدريني علمي علمج مو سألته لعلاء (السائق الجديد) أحمد وين؟؟
نهى : اي صح وجوابه جان أنه ما يعرف أي شي غير أنه ابوج كلة منا وجاي شغلتك حتكون تودي البنات وتجيبهم
زهراء : حتصل بأحمد وأفتهم منه...
اتصلت زهراء ورفع أحمد التليفون
اهلا آنسة زهراء تفضلي
زهراء : انت ليش ما أجيت اليوم؟؟
أحمد : بس اني بطلت من الشغل.
زهراء : شنوووو؟؟
أحمد : بطلت يعني شلون اكولج استقاليت  تعرفيها؟؟
زهراء : لا أطلب الفهم منك
أحمد : آنسة زهراء اني بطلت واعتذرت منج رغم اني ما اعتذر لكائن من يكون بس اعتذرت لخاطر خالج لأنه استحيت من التصرف إلي تصرفته وياج مهما يكون اني لازم ألزم نفسي اعتذرت لأنه مو أخلاقي أمد ايدي ع بنية تعرفين كل أنسان يتعامل بالأخلاق إلي يتخلق بيها(قصف بالجبهة بسمار معدل)
اني تصرفت وياج خطأ وانتي مقصرتي واخذتي ثارج بسبج لأبوية إلي نايم بكبرة. وخلصت اللعبة
زهراء : دتريد تعتذر لأحمد بس كبريائها منعها من هذا الشي
خلص الدوام ورجعت زهراء للبيت
وصلت للبيت ودخلت زهراء لمكتب أبوها
زهراء: بابا انت ليش خليت علاء هو السائق وأحمد ووين؟؟  شفت شي عليه ليش بطلته ؟؟؟
ابو زهراء : اني بطلته ليش بالعكس هو الي أجة الصبح وطلب مقابلتي و راد أستقالة من شغلة
زهراء : وانت ما كتلة شنو السبب؟؟
ابو زهراء : طبعا كتلة وجان جوابه انه فتح محل هو وأبو علي بالمنطقة وما يريد يترك خالج لوحده
بالرغم من أنه دخل المحل بالشهر ما يعادل نص الراتب مالته بس عجبني هالأحمد هذا يذكرني بذاك الرجال
زهراء : تقصد خالو؟؟
ابو زهراء : كلاوجيه صايرة تعرفين شأقصد
زهراء: اني مو صغيرة
ابو زهراء : حاشا لا يابا احنة الصغار ههههه
زهراء ههههههه
اتصلت زهراء بنهى وحجتلها الصار ونهى كلتلها احسن شي خلي يبتعد ما نريد مشاكل وحاولت زهراء انه تعرف ليش نهى تُدافع ع أحمد من جانب وما تريدة موجود ومن جانب آخر دكول أحبة واريدة شلون وهي بعد ماتشوفه
بس زهراء كل شي محصلت من نهى لا حق ولا باطل غير كلمتين صارحي نفسج وانتي تعرفين
وعوفي أحمد لخاطر خالج  ما أله أحد بالدنيا غير أحمد وزهراء انقهرت من تصرفاتها والأكثر انه خالها إلي تحبه هواية زعلان وما يقبل يحاجيها ومن جانب ثاني اكو شي بداخلها موجوع انه مراح تشوف أحمد بالرغم من أنه كل الي كان بينهم عركات وبس

بعد مرور شهر....... 
يوم جمعة
زهراء مع والدها والدتها مناقشات حادة حول موضوع زواج زهراء
زهراء: 100 الف مرة كلتها وحعيدها ما ازوج فهد لو ع كص ركبتي
فهد(هو ابن عم زهراء وكاتل روحه عليها من جانت بالمتوسطة وكل مرة تتأجل علمود دراستها وطبعا شغله هو نقيب ومثل ابوها تماما ولذلك زهراء كانت تكره لأنه مثل طريق ابوها بالشغل) للعلم زهراء تحب ابوها جدااااااا لكن تكره شغله اكثررررر
وابوها كان يعرف بهالشي
ابو زهراء : كافي عاد اني مليت كل مرة أأجل الموضوع ودائما عذري دراستج و60 مرة كايلج تتزوجين فهد
زهراء : مستحيل بابا ما احبه ولا أطيقه
ابو زهراء : الحب يجي بعد الزواج يا بابا واني هذا الخير كوليته اريدة الج وفهد ايدي اليمنه وما أمن عليج غير بس عنده هذا غير أنه هو يحبج ويموت عليج
زهراء : واني؟؟؟
ابو زهراء : انتي شنو؛؟؟؟
زهراء : ما احبه شأسوي؟؟
ابو زهراء : بصياح وغضب يا حب هذا بابا احنة ما عدنا شي اسمه حب الحب يجي بعد الزواج حجيتها 1000 مرة وحضري نفسج الجمعة الجايه انتي لابسة الحلقة فهمتي لو لا وحجايتي تعرفيها وحدة وما تصير 2
زهراء كامت تبجي وطلعت من البيت وأبوها دز وراها حماية لأنه يعرفها تريد تروح لخالها أكيد
((وهنا راح تبدي المأساة ))
راحت زهراء لخالها وطرقت الباب وهي منهارة وتبجي وتتخيل انه راح تصير زوجة فهد إلي ما يوم هضمته ولا راح تهضمه بيوم
أحمد فتح الباب وانهارت وتخربطت ع ايديه واجة ابو علي وأم علي المدعبلة تركض