سم بجرعات لذيذة

The last part ( ten)

#سم_بجرعات_لذيذة
#للكاتبة_ايناس
البارت 10

الاخييييير............

كعد أحمد وية زهراء وحجالها هو ليش عافها تطلع وفهمها أنه إذا انهزموا عوائل ما الها علاقة تروح بالرجلين
وابو علي سوة إلي سواه لأنه كان خايف من تهديد فهد

زهراء : وهسة انت شنو تريد
أحمد : ويباوع ع زهراء وما مصدك إلي جاي يعيشه
اريدج زهراء
زهراء : ليش
أحمد : شنو ليش... احبج واريدج ع سنة الله ورسوله
زهراء : بس اني ما موافقه
أحمد : والسبب
زهراء : (كامت) من دون سبب احمد
أحمد تفاجأ بزهراء بس عرف انه بعدها تحبه من عيونها وخوفها عليه من الحرس مال الجامعة وقرر لو يسوي المستحيل يرجعها اله
زهراء فرحانه كوووولش وتحجي وية نهى وتبجي
لج نهى دا تتخييلين إلي ديصير بعد كل هالعناء اني راح اخذ احمد والأهم طلع يحبني لج ما مصدكة أحمد يحبني نهى أحمد يحبني

نهى : ههههههههه اي يحبج 100 الف مرة عدتيها
زهراء : اي يحبني
نهى : اييييي يحبج يبوووووو تخبلت البنية
وانتي ليش ما وافقتي عليه
زهراء : دلع بنات هههه حرام ادلع بعد هالعذاب

نهى : لا عيني بس ديري بالج لا يطير منج البنات هواية
زهراء : شحدها إلي تفكر توصل يمه
نهى : ههههههههه

أحمد وبعد محاولات هواااااية وية زهراء ودلعها وافقت بالزواج
وكانت هذه الأيام احلى ايام عاشها أحمد ما ينام إلا ع صوت زوزايتة (كان يدلعها زوزة)
صار العرس وكانت احلى حفلة بالدنيا والاحلى فرحة (اليتيم والاميرة)
أحمد كاعد بالقاعة وما مصدك عيونة وأدهم يكولة ها حمودي مو كتلك ربك جبير
أحمد الفرحة ما مخليته حتى يفكر

زهراء : احمد دتصدك إلي ديصير
أحمد : لا وخايف لا يطلع حلم
زهراء : اني هماتين

أحمد : لج انتي إليه محد ياخذج مني بعد اروحلج فدوة اني وعشيرتي
زهراء : عشيرتك اي بس انت لا اني اروحلك فدوة
وصارت الزفة و ديصعدون للسيارة ...............

.
.
.

بعد مرور سنوات ...................
أحمد في الوقت الحاضر
أحمد : بابا علاوي تعال اريدك
علاوي : اي بابا اجيت
سعد : بابا ليش تحب علاوي أكثر مني
أحمد : كلكم احبكم تعالو اليوم دنروح للزوراء
الجهال كلهم صوت واحد
اييييييي بابا أحمد
أحمد : ما أريد ولا واحد يصيح بابا أحمد اريد كلمة بابا وبس
صارت الساعة 9 واجت الباصات وطلع احمد والجهال من دار مكتوب عليه
     
        ............................(دار الايتام) ............................

أحمد لعب وية الجهال ويحبوه كوووولش واجة ابراهيم يركض لاحمد
بابا بابا بابا
احمد : باباتي انت شبيك
ابراهيم : بابا زهراء ماكو
أحمد تخبل وصار يدور مثل المجنون
وهناك لكة زهراء تبجي وكاعدة يم رجال شايب
احمد ركض عليها وحضنها : ليش هيج تسوين كم مرة كتلج تمشين وياية

الرجال : انت ابوها
احمد : اني ابوهم كلهم وكانو الأطفال حول احمد
الرجال : الله يبارك بيك ابني قليل إلي مثلك بهالزمن ذولة أيتام مو؟؟
احمد : صح فقدوا أهلهم بس حكون الهم ظهر وان شاء الله ما اقصر بشي
الرجال: لازم قصتك طويلة ابني
أحمد كام يبجي : لو ما هذول الأطفال اني هسة عايش بالكبور
.........
..........
..........
بعد ما طلعو من القاعة احمد وزهراء ومتوجهين للسيارة فتح احمد الباب لزهراء يباوع عليها وهو يضحك وما مصدك
وفجأة وكعت زهراء ع ايديه بسرعة البرق وفستان العرس انكلب احمر
فهد وصلتة أخبار عن زواج زهراء
فهد : حذرتج زهراء انه اطلكج بس محد ياخذج
ونوب احمد تريدين تزوجيه إلي حتى وانتي نايمة بصفي وبنومج ماكو غير اسم احمد ع لسانج
والي كنت اضربج وحبستج وعذبتج وجرعتج المر في سبيل تنسيه بس عايش بأنفاسج إلي اني ححرمج منها وبيوم عرسج
ووكل فهد قاتل (والقتلةخير من الله بالعراق يكتلك 50 بشر مقابل 25 الف مع الأسف عليك يا بلدي)

والقاتل (قناص محترف) أخذ حقة ونفذ المهمه من بناية مقابلة للقاعة مال العرس وتقصد يقتل زهراء وتوكع بحضن احمد بعد توصية من فهد علمود احمد ما ينسى هالمنظر حتى بمنامه
ووكعت زهراء بأيد احمد وأحمد ما مصدك وزهراء تلفظ أنفاسها الاخيرة
زهراء : احمد
احمد : لا تحجين هسة يجي الإسعاف بس لا تعوفيني اروحلج فدوة لا تعوفيني
زهراء : المهم اني راح اموت بحضنك واخيرا حسيت بحضنك يا حبي الوحيد
أحمد : ولج لا تشلعين كلبي
زهراء : احمد تحبني
أحمد : زهراء لا تسوين هيج فدوة ترة اني ما بقى بيه بعد حيل
زهراء : احمد احبك اني وماتت زهراء بين ايديه وع حضنه

أحمد بعالي صوته يصرخ: ولج زهراء كتلج لا تعوفيني ااااااااخ يا كلبي
واندفنت زهراء بين أمه وابوه لأحمد وبقى احمد عايش بين كبورهم وادهم وام علي يتوسلون بيه يطلع وكانت الكلمة الوحدة إلي ينطقها احمد هي : اخذوني يمكم(يقصد أمه وابوه وزهراء)

وام علي لكت الحل إلي يطلع بيه احمد من الكبور وكالت لأدهم يجيب جهال ميتم ع احمد بالكبور ويشوفهم وكل واحد قصته تشبع قهر من تسمعها
وجابهم أدهم لأحمد وأحمد صافن عليهم وادهم يقص ع احمد قصصهم
منهم إلي انفقدوا أهله بانفجارات العراق ومحد يقبل ياخذه من اقربائه وذبوا بالميتم

والمنهم ما يعرفون منين جاي بس لاكيه بالزبالة
والمنهم إلي ابوه قتل أمه لأنه شافها ويه عشيقها وبالتالي هو شمر هالطفل لأنه اكتشف أنه مو ابنه وهج من العراق
ومنهم إلي ذبتها امها لأنه جابتها من حرام وهالطفلة تعيق شغلها
وكل قصة أبشع من الثانية
احمد صحى ع زمانه وعرف أنه هو عايش بنعيم
وإذا رب العالمين كتبله الحرمان يمكن سبب يكون لهذول الأطفال إلى ما الهم اي ذنب بهالدنيا الوسخة
يصير الهم جسر يعبرون لحياة نظيفة ويعلمهم الحلال من الحرام وما يصيرون مجرمين هالعصر وما يعيشون حياة الذل والحرمان الي عاشهم احمد والله نطاه هالثروة إلي حيزكيها بتربية الصحيحة لهالجهال
هذه
وبالفعل احمد طلع وراح إشترة ميتم للجهال وحاليا ديربي جيل ويحبهم أكثر من نفسه وما يكدر لحضه يعيش بلياهم

الرجال: وليدي تذكرت شي
أحمد: لا حجي هيج ذكريات مرت
أما الجهال فخبصوا احمد يريدون يشترون
وأحمد نذر عمره لهذا الميتم وشغله بالخارج يديره أدهم وبين فترة وفترة يروح

النهايه...............