#اجبروني_علي_الزواج_من_مدمن
#الحلقة_14
#الدرية
حمزة شبح لها ببرود انتي بنت غير شرعيه
انتي جيتي من عشيقت بوك
فتحت عيونها بصدمه شبحت ل ابو حمزة
ابو حمزة نزل راسه ب اسف يا بنتي
طلعت من المربوعه تجري بدون استيعاب وتبكي بصوت عالي
دخلت ل دارها وسكرت الباب وسندت راسها وحطت يدها ع فمها وتبكي وتشهق بصوت مشت خطوتين وقعدة على السرير
طلع حمزة وراها الدار ودخل قعد جنبها بحنيه شبحت له وعيونها دموع دفنت راسها في حضنه وضماته
حمزة دقات قلبه تتسارع وحررت جسمه ارتفعت
ولف اديه حوليها
ريم وهي في حضنه ليش يصير فيا هكي
حمزة انسي
ريم وهي تبكي وتشهق اني شن درت
حمزة حضنها بقوه اكتر ومسح على شعرها قلت لك انسي اني بنكون ليك اخ واب
بس كل لي نبي متبعدي عليا
ريم ع اساس ليا حد غيرك
وناضت من حضنه عن اذنك
حمزة وين
ريم مشت وقفت عند الروشن وبضيق علاش خبو عليا شن السبب وانت وبوك كيف عرفتو
حمزة قولت لك انسي وابدي حياتك من جديد
ريم ابتسمت بهزوه انا حياتي انتهت
حمزة... ريم
ريم انتهت ياحمزه
حمزة متقوليش هكي الدنيا ماتوقف على حد
ريم قربت منه اني تعبت كرهت حياتي والمشكله نبكي قدامك واني نحول نكون قويه قدامك
حمزة شدها من يدها وقعدها على السرير وقعد جنبها بحنيه
نوعدك نعطيلك حريتك وراحتك لكن ماتبكي قدامي برغم قسوتي عليك منحبش دموعك
ودفن راسها ف صدره اوعديني ماتخليني ونوعدك ندير لك كل لي تبيه
حست بشعور يمتلكها ودقات قلبها تتسارع وبصوت مبحوح وناعم نوعدك
حمزة بابتسامه بالحق بالحق
ريم هزت راسها ب اي
حمزة بعد عنها وباسها من خدها تعرفي ان هده اسعد لحظات حياتي وطلع بلهفه من الدار
وهو نازل من الدروج وفي نفسه قالت وعد
ووصل ل بوه
وقف بوه قدامه يعني فوق ما انك حشاش وسكير مريض نفسي فضحتها مع الناس كلها مافي حد ماتكلم عليك ياسكير
حمزة قطع بوه بدون استيعاب وحضنه وبعد عنه وطلع من الحوش فرحان وحس انه ملك وركب السيارة
ريم واقفه في الروشن شبحت له وابتسمت ابتسامه بين الدموع حست بيه ودقات قلبها تتسارع نعرف اني ضايقتك هلباااا وزعلتك وجرحتك هلباااا نوعدك ما نسيبك ماعندي حد ف الدنيا هده ع خاطر نعيش له
لكن بنعيش على خاطرك انت ونفرح قلبك حتي لو ماحبيتك قد ماتحبني بنمثل الحب لك على خاطر نشوف فرحتك ونعتبرك صديقي وحبيبي وخويا وبويا
بس سؤال امي وين عايشة ولا ميته؟
ونزلت من الدار بسرعة تبي تلحق عليه تساله
وهي نازله الدروج وطلعت الجنان وهي تجري طاحت ونفتحت يدها واغمي عليها
والبنات والشباب كانو دخلين لفت انتباهم ان ريم مغمي عليها طلعو يجرو لها
يسرا ريم ريم
ابتسام حد يتصل ب حمزة وينه
سيف كان معهم لالالالا مافيش وقت جبوها سيارتي رفعوها السيارة وطلعو بها ل المستشفي
سيف في نفسه هده فرصتي
وبعد نص ساعة وصل المستشفي
سيف شالها بين ايديه هو وصلاح ولد عم حمزة
وابتسام وباقي البنات وراه
سيف بسرعة سرير
دخلوها غرفة الاسعافات
سيف مشا لدكتور دكتور نبيك تسحب من المريضه تحليل DNA
بدون علم حد ولي تبي اني في
الدكتور تمام وغدوه تجي تاخده...
متابعين يحكو تم تواقعاتكم شن بيصير
