#اجبروني_علي_الزواج_من_مدمن
#الحلقة_21
ريم بنوض نبدل حوايجي
حمزة به نوضي هيا وريني شن بتلبسي
ريم من غير براده
حمزة متحشمه مني
ريم غير هيا اطلع بره
حمزة به اهو طالع
ريم فتحت الدولاب طلعت بجامه ناعمه
وكيف بتبدل
دخل عليها حمزة وشالها بين ايديه الليله انتي ليا وبترقدي معايا وفي حضني وفي داري لي امتا بنصبر انتي ف دار واني ف دار
ريم ابتسامه خفيفه
حمزة رفعها لي داره
نخليهم براحتهم
تسريع الأحداث الساعه 12 الصباح يوم جديد
ريم فتحت عيونها شبحت ل الدار عرفت انها مش ف دارها وحمزه راقد ناضت من السرير ولمت شعرها بخجل وخمول ومشت بخطوات بطيئه لي دارها ودخلت طلعت حوايجها وهي طلع في حوايجها طاح البوم الصور لي لقاته في دار حمزة حطاته على السرير ودخلت الحمام تاخد دوش
عند حمزة فتح عيونه بكسل على صوت الهاتف يرن
رد من غير مايشوف الرقم
الو
ام حمزة ايوه ولدي صباح الخير
حمزة ناض وقعدة اهلاين يامه صباح الخير كيف حالك وحال البنات
ام حمزة الحمد لله ياولدي اسمع اليوم جيب مرتك وتعال نبيك في موضوع
حمزة تمام يامه ساعة ونكون عندك
وسكر وبدا ينادي ريم وين مشت
ناض وطلع من الدار ريم ريم دخل دارها سمع صوت المياه ابتسم وعرفها انها دوش
قرب وخبط على باب الحمام ريم
حمزة ريم ايوه دوشي
ريم اي
حمزة به ندخل دوش معاك
ريم بصوت عالي لالا
حمزة نبصر عليك بسرعة بنمشي حوش امي
ريم باهي دقايق ونطلع
حمزة بننزل المطبخ ندير قهوة لين تكملي
ريم لا توا نديرها اني انت ادخل دوش وهو قريب نطلع
حمزة ابتسم حاضر حبيتي ورجع لداره وفي نفسه والله هدا وين قلبي ارتاح الله يبارك ليا فيك ونوعدك من اللحظة هده ماتشوفي الا السعادة ودخل الحمام
