شوفوني اعلئ نسبه تصويت نكدر نوصلها حبايب متراهنه وي صديقتي اجيب تصويت عالي لا تفشلوني فديتكم ولا تنسون التعليقات انشالله يعجبكم البارت 😘😘😘😘
♦♦لا تنسون تابعو حسابي شوفوني همتكم ♦♦
🌟🌟🌟🌟🌟🌟🌟🌟🌟🌟🌟🌟🌟🌟
*بقلمي رفل حسن*
كعدت ورد الصبح من النوم فركت عيونها راسهه يريد ينفجر ...اتذكرت الصار البارحه جهاد وانتظارها اله ومحاوله قتله وصوت الطلقات ...كلبها فز .. وجهاد ماكو بالغرفه كامت ركض حتئ نست نفسها بدشداشه قصيرة وبلا حجاب فتحت الباب ونزلت عالدرج تصيح جهاد:-جهاد ...جهاد وينك .....تلكتها عمتها :-بسم الله شبيج يمه
ورد بتوتر;-عمه جهاد ماكو راح عليهم مو راح علئ ذوله العصابه عمه خاف يأذو
حضنتها عمتها:-قل اعوذ برب الفلق بسم الله يمه موجود بالبيت كاعد بديوانيه وي جدج واخوته طلعت زهراء من غرفتها مبين توها كاعدة من النوم علئ صوت ورد:-صباح الخير ...خير يمه شبيها ورد
ام جهاد:-صباح العافيه والله ييمه جن صايرة بيها خوفه نزلت تتراكض حسبالها جهاد رايح علئ الما يتسمه امشي عمه امشي صعدي لغرفتج وغسلي وجهج وبدلي لا يشوفج رجلج نازله هيج لو يطب واحد من ولد عمج ...
ورد:-ي عمه والله نسيت خفت رايح يعني متأكدة هو هنا ؟
ام جهاد:-ي يعمه هنا هسه اروحن اصيحه ويصعدلج
ورد:-ماشي لعد راح اصعد ابدل ...وصعدت عالسريع
ام جهاد باوعت لورد وهي تصعد رفعت ايدها:-الله لا يوفقك يا مصعب عساها بحظك وبختك جان ابني راح مني والبنيه صارت بيها نزة(جفله)
زهراء:-اي وعلي يمه احنه جوة ومتنه من الخرعه انوب هي صارت كدامهه كون الله لا ينطي الخايس
غسلت وبدلت وكاعدة تمشط كدام المرايه وشريط الحادثه ينعاد ويتكرر بخيالهه وكل شويه تتخيل جهاد لو صاير بي شي شتسوي ...فعلا لمن تكون علئ وشك تخسر انسان تحس بقيمته بحياتك ...قررت تكون زوجته صدوك اليوم خلص انتهت ذيج الصفحه طوتها وحتئ ندئ فكرت بسالفتهه وحستها تجذب لان تحب جهاد وعرفت تغيير جهاد وانشغاله وتليفوناته كلهه من ورة هاي المشكله الصارت
طب جهاد عليها شافهه صافنه ولازمه المشط اقترب منها اخذ المشط من ايدها هي انتبهت ابتسمت اله بالمرايه
جهاد وهو يمشط شعرها:-صباح العافيه يوجه العافيه
اندارت علي خدودها حمر ضربته بخفه علئ صدره:-جهااااد عفيه لتحجي هيج اخجل ترة
جهاد :-جا شكول
ورد مدنكه راسهه;-ماعرف احجي طبيعي كلامك هذا يدوخني
جهاد:- تدرين خوفج علي الي شفته بعيونج ودموعج ما ظنيت اشوفه بيوم
حطت ايدها علئ صدره وباوعت بعيونه:-هيج اني قاسيه بعينك ...اي اخاف عليك جهاد اخاف كوومه هم
YOU ARE READING
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
