لا تنسوا التصويت والتعليق ❤
تابعوا حسابي لتصلكم كل اعمالي
🌟🌟🌟🌟🌟🌟🌟🌟🌟🌟🌟🌟🌟🌟
بقلمي رفل حسن
عشه العزيمه جان كولش جبير هوايه ناس اجت تبارك ورد متمددة بغرفه زهراء وحاطين كاروك الولد بصفها الجيران الكرايب واهلها هم اجو يشوفوها ....ورة العشه لليل صعدت لغرفتها امها ساعدتها تصعد بدلت لعلي ورضعته من المميه لان بعدة الحليب منازل بصدرها ونومته تحس نفسها عبالك داعمتها شاحنه ....تمددت بفراشهه ....باوعت عالساعه بال11 ودنيا تمطر مطر خفيف .....توها تريد تغفه فات جهاد .....ابتسمت اله ابتسامه خفيفه .....ورد:-الله يساعدك ....
اقترب منها باسها من شعرها:-ويساعدج حبيبه باوع للولد نايم :-شلونه علوي....
ورد كامت كعدت :-زين شبع ونام .....
سبح وبدل واجه تمدد بصفها نامت علئ صدرة ومغمضه :- تدري اني احبك ....
حضنها لصدرة اقوة:-وانه ماعيش بدونج الله لا يحرمني منج هديتلي احلئ شي بالدنيا الله يحفظكم الي ....
رفعت راسهه تباوعله :-جهاد تدري اصفن علئ علوش من البارحه واليوم ممصدكه هذا ابني صرت ام ...
ضحك وباس خدها:-جا انه المصدك ما تخيلت روحي اصير اب بيوم .....نامي ابوي انتي وجهج ذبلان تعبانه .....
غمضت عيونها وهي بحضن امانها ....زوجها...ابو ابنها...
الصبح جهاد كعد قبل ورد عافهه نايمه وكام غسل وبدل يدري بيها طول الليل كل ساعتين تكعد ترضع الولد .....
كعدت من النوم مالكت جهاد عرفت طالع للمضيف .....شالت علي من كاروكه لحظنها تبوس بي:-اووف اوووف فدوة لريحتك حبيب ماما ..........غيرتله ولبسته اوفر سمائي متقبل تكمطه بس تلفه عالخفيف ......
غسلت وبدلت وشالته ورادت تطلع امها صارت بوجهها تريد تجي عليها
ام ورد:-ها ماما صباح الخير عود اجيت انزلج لفي ابنج زين حبيبي .....
ورد:-اي ماما كلت انزل واكولج علمود جنطه علوش حضرتها حتئ انزلها جوة خاف يجي احد ....
ام ورد:-دنطيني الولد هو انتي بلكوة تمشين استندي عليه ....
نزلت جوة اتريكت وي امها ونورة بعدهن ممتريكات للغدة اجن نسوان يباركن .......
مر تقريبا اسبوع وهم علئ هاي الحاله ناس تجي وخطار هوايه يباركون .....وراهه ورد رجعت لغرفتها كامت متنزل اهلها البارحه رجعوا للبغداد عدهم دوامات ......
طلعت من الحمام لكت جهاد مكابل الولد نايم ويريد يكعدة تخوصرت :-ليش متعوف ابني نايم كافي تتحرش بي
اندار عليها :-خايبه اشتاكيتله كلما اجي نايم كله نايم شني السالفه ..... اجت تقربت منه وكعدت بحضنه ومحاوطه رقبته :-حبيبي غير بعدة بيبي طفل هو بس يرضع وينام .....
YOU ARE READING
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
