ارواح متالمة (-spiritual spirits-dz).

❤البارت1❤

حبوباتي شوفو فيديو فوقاني واقراو باش يجيكم الالهام ههه

كان قاعد في بيروه و يخمم في كلام والديه واش قالولو هو مراهوش حاب بصح واش يدير نقطة ضعفو هوما والديه

فلاش باك:

ياسين: حسام وليدي ارواح اقعد قدامي نحتاجك

حسام: انعم بابا غير لخير

ياسين: شوف يا وليدي علابالي قرار لي خذيناه انا ويماك صعيب عليك خاصة كي مشورناكش بصح لازم تسمع كلمتي يا لوكان خطرة في حياتك هاذا شي علاجال مصلحتك

حسام بقلق: واش كاين بابا بديت نتوسوس

ياسين: تعرف روزا بنت صحبي علاء

حسام قلب عينيه و قالو: سامع بيها مي منعرفهاش بصح علاش ؟؟

ياسين خزر في كهينة باش تكمل

كهينة: خطبناهلك و ما بقا غير تروح تشوفها

حسام ناض بالقوة حتى طاح كرسي لي كان قاعد عليه : كيفاااااااااااااااااش؟؟؟؟ شكون قالكم ديرو هاذ شي اااا فهموني يخي قتلكم 60الف خطرة بلي مراحش نتزوج ااافي علاش يما علااااش 

ياسين: حسام انا هدرتي خرجت من فمي وخلاص و ديجا مانيش نحلل فيك راني نامر فيك قتلك يا لوكان خطرة وحدة اسمع كلامي سينو نغضب عليك انا و يماك ليوم دين 

حسام دار كان رايح و سمع باباه قالو : متنساش نهار جمعة مور جموعة نروحو باش تشوف طفلة سمعت 

اند فلاش باك.

فطن حسام من تفكيرو على دخول صحبو و خوه نضال

نضال: واش يا خو مزالك تخمم في هدرة باباك

حسام: نضال خلاص عييت يا صحبي من جهة عندهم الحق و من جهة هاذ رايي و مانيش مستعد للزواج ضرك

نضال: هههه واش بيك تقول عمرك20سنة ماشي 30سنة واش صغرك يا خو صراحة انا راني مع راي والديك اوموا شوفها امبعد احكم هههه

حسام: لي يسمع تقول صح نتا نسيت روحك علابيها يوقو لجمل مايشوفش حدبتو يشوف حدبت خوه ههههه

نضال: هههه معليش الاهم واش رايك نديرو افار 

حسام و هو يقلب في عيينه عليه: و لي هي ؟؟؟

نضال: واش رايك نجيبلك فايسبوك ولا نيميرو تاعها و تفاهم معاها يعني اهدر شوية معاها سيي تشوف بالاك دايرا تصاورها ولا الا عجباتك نتكلو على ربي و الا معجباتكش اتفهمو ما في بيناتكم هكا نتا تكسب والديك و تتهنى من المشكل ااا 

حسام بعد تفكير: اييه والله فكرة مليحة و اخيرا هذاك المخ عرف يخمم هاذ المرة

نضال: وشنو غيور والله ما حق عليك اصلا والله ما تخاف عمري الا برت انا نتزوج بيك ههه

و عطا ريح رجليه لاخطرش ضك ينوض ليه حسام يرحيه هههه هذا باين من وجهو ....

....................................................

من جهة اخرى :

نوضي يا بايرة نوضي تعيشي نوضي سلكيني راني حاصلة فوحد بروبلام

اوووووووووووووف روزا نتي جامي تخلي لواحد يرقد الاز واش كاين ثاني 

روزا: تعيشي يا قمر سلكيني لوكان نقولك واش سمعت بابا و ماما يهدرو ليوم

قمر بصوت ناعس: واش سمعتي يا لالة؟؟

روزا: راهم حابين يزوجوني بسيف و بدات تبكي يخي علابالك بلي منقدرش نعيش بلا مهدي يا خااااه ايماجيني يسمع يااااحي

قمر بعد ما سمعت كلمت زواج ناضت تجري: وشنو كيفاش هاذي اوااااه يا بنتي لوكان يسمع مهدي لي انا دوريجين منهملوش يقلب دنيا فوق راسك و راسي ههه

روزا: قوليلي واش نديرو ضكا؟؟

قمر بعد تفكير قاتلها: اسمعي لازم تهدري معاه قبل ما يجو سمعتي دبري راسك كيفاش تفهميه ولا سمعتي

روزا: بصح كيفاش؟؟؟

قمر;: اووووووووووووف يا راس شحم هاذ راس كامل و هو فارغ داخل يخي عندك معارف نتي سقسي بابا علاء اسمو ولا اسم باباه و حوسي على فايسبوك تاعو لا نيميرو و اهدري معاه اوكي 

روزا: يااااااااااا صح بصح تعيشي قمر علابالك بلي انا منقدر ندير والو تعيشي نتي افريلي لافار 

قمر: وشنووووووووو دبرت عليك ونزيد نفريهالك اوااااه لالا 

روزا بدات في تحلال تاعها لي ولا خلا قمر تقبل تهدر هي مع حسام على اساس هي روزا بعد ما جيبالها فايسبوك تاعو ............................

سلام حبوباتي نشالله يكون عجبكم بارت واش رايكم فيه؟؟؟ قولولي بصراحة  فب كومونت و متنساوش فوت هيهيهيهي 

حبوباتي هاذي البداية و مزال مزال ههههه بارت 2 راح يكون بزاااف شباب نلقى 10فوت و 10كومونت نحطو في ليل يلا سلام مواااح

ملاحظة صغيرة ولي  هي راح نبدل صورة روزا نديرها وحدوخرا اوكي رجعو للشخصيات وشوفوها و قولولي رايكم و مام قمر نبدلها...