هذا بارت في خاطر كشرودتي yaralIB غير هي لي راهي تفرح فيا في كومونتارو تدعمني و كامل ثاني لي راهم يدعموني مننساهمش يلا ضكا نبداو بارت تاعنا و متنساوش تشوفو فيديو لي للفوق فيه تصاور قمر لي اسمها الحقيقي بيري ادواردز:
طلع نضال قمر لفوق و عيط للطبيبة خلاها معاها و خرج قاعد يتفكر نهار كانو صغار
فلاش باك:
حسام: ههه اسمع يا خو مكانش علابالي بلي عندك ختك زلة
نضال : بيان سور حبيبنا واش تكحال سومبيتي ني حشمة ني والو
حسام: ههه واش نحشم من صحبي و حبيبي و ثاني راهي مرتي ولا نسيت
نضال: صحا صحا ههه هنا غلبتني
كان هذاك الوقت قمر عمرها 5سنين و نضال و حسام 15سنة و كانو والديهم صحاب روح بالروح كانو عايشين كيما يقولو في سعادة حتى جا نهار النحوس نهار لي نخطفت فيه قمر مع الوقت تعرفو شكون لي خطفها و وعلاش خطفوها و فقدت الذاكرة علابيها راهي دايرا في بالها بلي يتيمة و نهار لي خطفوها كانت مع حسام و نضال و مرام اخت حسام علابيها نضال يقول انا لي مقدرتش نحميك كي كنتي صغيرة
اند فلاش باك
.........................................................
حسام كان محطم بعد ما هبط عليه خبر كي صاعقة طلع لفوق لقا نضال قاعد في الارض قدام الباب وين راهي قمر مع طبيبة راح قعد قدامو و قالو
حسام: مين ويقتاش علابالك بلي ختك
نضال: انا عندي شحال و انا نحوس عليها و نهار لي تزوجت بيها عرفت حقيقة بلي هي ختي بعد ما جابولي لاخبار من ميتم لي كانت فيه
حسام: علاش مقتليش نضال؟؟
نضال: علاش نتا خليتني باش نقولك نهار لي كنت راح نقولك نتا عيطتلي و قتلي بلي روح ليها لكاف
ناض نضال و قالو: شوف حسام ختي خط احمر والله لوكان كاش ما يصرالها منتفاهموش انا من نهار لول لي جبتها حسيت بلي هاذي طفلة ماشي بعيدة عليا اسمع دير في بالك بلي خير تريح شوية طلقها سمعت
حسام سمع كلمة طلاق ناض ليه قالو: اطلب اي حاجة نضال الا كلمة طلاق علابالي بلي غلطت بصح علابالك جا كلش خالط معلاباليش واش صرالي صدقني راح ندير اي حاجة باش تسامحني نضال عاوني علابالي بلي مراحش تزيد تخزر فيا بصح انا منهار لول لي شقتها فيه عرفت بلي حبيتها هي يعني شخصية ماشي لوجه كي كنت نهدر معاها بصح جاست لي داروهولي قاسني
نضال: راني فاهمك حسام بصح معندكش الحق دير هكا و ثاني مخليتهاش تهدر بالاك هدوها راك شفت حالة لي كانت عايشة فيها
حسام: علابالي نضال علابالي اووووووووف يا ربي
خرجت طبيبة و قالتلهم: حالتها نفسية راهي بزاف ضعيفة لازم تبعد على ضغوطات قد ماقدرت سينو يصراولها تضاعفات لي راح تدي بيها ل خطر كبير حتى انو بالاك تموت و مام صحتها الجسمية اتهلاو فيها مليح
راحت خلاتهم كان راح يدخل نضال ليها بصح شاف بلي حسام راو حاب يدخل قالو: روح حسام ادخل نتا لول
حسام بانت الفرحة من عينيه
دخل عندها لقاها راقدة راح ليها باسها من راسها و قعد يحكي معاها بنبرة فيها الالم الحزن الغضب الشوق العشق كلش تخلط :اااااااااه يا قمر علاااااااااااش هكا صرالنا علابالك بلي ملي كنا صغار كنت نقول نتي هي مرتي و نهار خطفوك حسيت قلبي راح معاك امبعد زدتي نتي هي لي كنت نهدر معاها و لي حسيت حاجة تجاهك بعد قمر صغيرة و نهار زدت شفتك عرفت بلي حبيتك نتي ماشي روزا بصح الزعاف هو لي عماني و خلاني درت فيك هذاك شي بصح معلاباليش علاش كنت نحس بشعور غريب لي هو انك نتي ملكي اسمحيلي يا عمري صدقيني راح نعوضك على كلش راح نخليك تسامحيني بسيف عليك
كان يهدر و محستش الا بدمعة سخونة هبطت على خدو مسحها بلخف و ناض راح و خلا قمر لي كان قلبها يتقسم على زوج صوالح اول حبها ليه لي مهما واش دار فيها مزالها تحبو بصح مراهيش راح تسامحو وثاني لي هو مقدرتش تتذكر طفولتها .............
...................................
من جهة اخرى روزا لي نزلت من الطيارة و راحت قبالة لدارهم بصح غير وصلت قالولها بلي رحلو منا بمعنى انو نحاولهم دار ضربت على عقلها مصابتوش ولات راحت لوتال كانت تمشي وتقول : هذا كامل بسبتك يا قمر والله غير ندمك ضك تشوفي
....................................
في جهة اخرى ثاني كان قاعد مهديو يشوف في تصويرة قمر و يخمم يخمم كيفاش يخليها ليه وحدو و يكسب حبها ليه لانو علابالو بلي قمر متهملوش منهار لي كان مع روزا هه معلابالهاش بلي طايح فيها مال و علاجالها كبابل يقتل نورمال........
مهدي: اااااااااه يا قمري يا حياتي واش درتي فيا وقتاش تولي تاعي وحدي و نشبع منك صدقيني غير نحبك و راح ندير بوسيبل علاجالك برك مزال شوية وقت باش نعرف واش ندير
.................................
فوت + كومونت حبوباتي متنساوش و بارت فيه 1000كلمة متقولوش قصير ههه
و ثاني واش رايكم في بارت ؟؟؟ واش توقعاتكم للبارت جاي ؟؟
نلتقي غدوا نشالله في بارتين جديدين معمرين غير بالاحداث مشوقة يلا بااااااااااااااااي
وراح نحطلكم وحد فيديو تعيشو شوفوه صدقوني يقتل بالضحك و ردولي لخبر :
STAI LEGGENDO
ارواح متالمة (-spiritual spirits-dz).
Storie d'amoreما بك؟! قلبي يؤلمني! لماذا؟! خيبة وراء اخرى ..و الموت على قيد الحياة! من رانية الى احبائي و اصدقائي انتظروني في كرونيك اكثر من روعة ارواح متالمة فيها الخيانة و الانتقام حب غيرة ظلم عذاب عشق و اخيرا سعادة ام حزن .............
