السلام عليكم اني عهد راح احجيلكم اليوم قصتي اني مرتبة٢ بالاطفال ومرتبة ١ بالبنات عندي ٣ اخوان واخت وحدة. اخوية الجبير ايسر عمرة ٢٢ سنة متزوج فرح عمرها ٢٠ سنة .عهد عمري ١٩ سنة.محمود عمرة ١٦ سنة.عزة عمرها ١٢ سنة . عادل عمرة ٨ سنوات . اني مدللة بابا ممقصر بشي وياي بشكل عام بابا ممقصر ويانة لا اني ولا عزة لان بناتة الوحيدات. ماما عمرها ٤٢ سنةاسمها شذى وبابا عمرة ٤٤ سنة اسمة احمد .بابا متزوج نسوان ٢ امي ومرت ابوية اسمها سهاد عدها ولد اثنين من بابا سامر عمرة ٨ سنوات وحاتم عمرة ٦ سنوات . خلي اوصفلكم شكلي بيضة على صفار يعني مو حمرة عيوني واسعات لونهن بين الاسود والعسلي شعري جوة الكتف يعني وسط لاطويل ولاقصير لونة جوزي .طولي ١٦٠ ووزني ٥٤ اني شقوجية كلش احب الرسم كلش كلش هوايتي تكدرون تكولون خبلة معجبة بنفسي كلش كلش اميرة بابا شتتوقعوني اصير اعشق شي بلدنيا اسمة اطفال امووت ع الاطفال . ما أومن بشي اسمة حب نهائي وبرأيي خرافات وماكو احد يحب احد لان لو صدك اكو حب جان ماتو اليحبون ورا الي حبوهم بس ماكو راح تكولولي ليلى ومجنونها وعنتر وعبلة ومادري منو رغم هذا اني ما أومن بالحب نهائي والسبب ( ماما وبابا تزوجو عن حب دام سنتين حاولو بكل الطرق حتى يقنعون جدي الي جان رافض نهائي زواجهم لان كل واحد من محافضة رغم همه كرايب المهم بعد عدة محاولات وافق جدو على زواجهم وتزوجو بابا موضف حكومي وماما ربة بيت ورا ١٨ سنة من زواجهم بابا طلب يتزوج رغم حبة لامي وماما من حبها وافقت على زواجه دائمآ اسأل امي شلون وافقتي تكلي من تحبين تعرفين واني اكوللها مستحيل احب واصير مثلكم حبكم ربطكم واحد ب الخ ومتكرون تعوفون بعض بسبب الحب ) هذا السبب الي خلاني ما أومن بالحب رغم حتى ورا زواج امي وابوية ماتغير الحب بيناتهم من ذاك اليوم واني برأيي
ماكو ب الدنيا حب. اني سادس ادبي خاف نسيت اكوللكم
-----
السلام عليكم اني اسامة اشتغل موضف حكومي خريج هندسة صار ٦ سنين من تعينت اني الخامس برتبة العائلة .ضحى ٤٠ سنة متزوجة.سجى ٣٨ سنة متزوجة .ربى ٣٦ سنة .سرمد ٣٥ سنة متزوج.اسامة عمري ٣٠ سنة اعزب .شكلي حنطاوي طولي ١٨٠ وزني ٧٥ صاحب شوارب لحيتي خفيفة شعر خفيف ما احب اطولة لون عيوني سود .احب الهدوء والسبب عيشتي وحيد حالتي المادية الحمد لله راتب عندي وكاع وبيت ملك ورثتة من والدي بعد وفاتة سيارة عندي وملتهي بدوامي .امي توفت جان عمري ١٨ سنة جانو كل اخوتي متزوجين بعد سنتين قرر ابوية يتزوج محد عارض منه حقة رجال خوما يبقى وحيد منو يدومله غير مرتة زوجنا بنية عمرها ٥٠ سنة اسمها ماجدة دارت ابوية وقامت بواجبة بس ورا ٩ سنوات من صار عمري ٢٧سنة والدي توفى بسكتة قلبية وانتقل لرحمة ربة بقيت بس اني ومرت ابوية بلبيت كل واحد من اخوتي ببيته مرت ابوية رجعت لاهلها ماصارلها طفل وزعنة الورث عالكل مرت ابوية اخذت حصتها وخواتي هم واخوية واخذت حصتي اخذتلي بيت غرفتين واستقبال وصالة داخلية وحمام وwc وحديقة واسعة اثثته وكعدت بي وحدي هواي خواتي فتحن وياي موضوع زواج بس ماجان داخل ببالي هل موضوع احس ماعندي حس بالمسؤلية حتى اكون مسوؤل عن بيت ومرة واطفال ملتهي بدوامي لل٣ العصر يلة ارجع من الدوام اناملي ساعتين واطلع ويا اصدقائي بليل اطلع اتعلل يم وحدة من خواتي لو اخوية لو ابقى ببيتي اكلب بموبايلي وانام وينتهي يومي كضيت ٣ سنوات على هل حال كل اسبوع وحدة من خواتي تجي تطبخلي نوعين من الاكل واقسمهن على ايام الاسبوع ويا الاكل الجاهز مدبر عيشتي البيت هادئ اربعة وعشرين ساعة
--
ملاحضة : قمت بتبديل اسماء الاشخاص في القصة للحفاظ على الخصوصية
ملاحضة : الصورة الي فوك لتوضيح اشكال الابطال فقط حتى ابين صورتهم تقريبآ بيها شبه من الصورة لكن مونفسهم بالضبط فقط للتوضيح حتى تكدرون تتخيلوهم
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
