ثاني يوم رحت لضحى وكلتلها تخابرهم يتفقون يرحون للسوك ياخذون تجهيزات المهر والذهب وهل سوالف المهم طلعت لدوامي رجعت ويا نهاية الدوام كلت لضحى خابرتيهم كالت اي باجر نروح ان شاء الله كلتلها نروح من الكاضم عليه السلام ناخذ الذهب كالت ماشي رجعت للبيت واني ابتسم على هدوئه راح ينترس فترة واتزوج وابطل من وحدتي سبحت ونمت كعدت على صوت موبايلي ضحى كالت كلتلهم وقبلو خلص يومي بين الاصدقاء واخوتي نتفق على عرسي رجعت بال ١١ نمت كعدت الصبح بل ٧ بدلت وطلعت ل ضحى كلتلها اخذ اجازة وارجع اخذج نروحلهم وعمتي ويانة طلعت لدوامي اخذت اجازة ورحت ل ضحى وعمتي اخذتهن ورحت لبيتهم ضليت بالسيارة نزلت ضحى وعمتي ورا دقايق طلعت امها وهي طلعت وراها لابسة فستان نيلي وبي ورد ابيض صغار وشال نيلي وجنطتها بيدها نزلت من السيارة سلمت عليهم صعدو ليورة وعمتي بصفي الطريق كلة ساكت بس عمتي تحجي ويا امها رفعت عيني بالمرايا لكيتها تباوع من الجامة ع الشارع بس عيني صارت بعين اختي ضحى غمزتلي وابتسمت اني هم نزلت عيني وابتسمت ضحى سحبت الواير مال مسجل وخلتة بموبايلي موبايلي بي انترنت ع الرصيد بحثت بالاغاني وطلعت ل زرعلك بستان ورود ورجعته الاغاني بكل السيارة رفعت عيني مرة ثانية صارت بعينها ابتسمت هي هم ابتسمت ودارت وجها والله حقها تخجل هو اني خجلت شحالها هي وصلنة ورة مدة نزلت السيارة بالكراج ودخلنة للصحن طبن زارن واني هم طبيت طلعنة الساعة بل ١٠:٣٠ ضحى كالت خلي ناخذ الذهب دخلنا للصايغ كامو يدورون والله الموضوع مو مال مستحى هسه لو جايين وحدننة جان اخذنة راحتنه كلتله للصايغ طلعلي اشوف هو طلع جم تخم هي ابد محجت شي وعمتي وامها ملتهيات بصفحة وضحى تحاول تاخذ رأيهها بس هي مستحية اشرت ل ضحى تروح لغير جهة عمتي صاحت الصايغ يطلعلها تشوف الصايغ راح لعمتي استغليتها فرصة رحت وكفت بصفها كلتلها : ليش مدتختارين
مجاوبت
كلتلها: مو كل يوم تتزوجين وحرامات بعد جم سنة نتندم تعاي وياي خليتها كدام الذهب كلتلها اختاري ضلت صافنة
كلتلها: مو كلتيلي نبدي بصراحة يلة بدون خجل عمتي لمحتنه حاولت امها تقترب منه بس عمي لهتها ضلينا نكلب بيهن ونختار اختارت واحد كلتلها متاكدة كالت اي حطيتة صفح رحنه للحلقات اجه الصايغ طلع موديلاتهن اختارتها سادة كلتلها متاكدة كالت اي عمتي عجبها الذوق وامها وضحى هم طلع التخم مال ذهب ب ٣ ونص والحلقات وياهن صارن اربعة الا ١٠٠ اشرت للصايغ على كلادة مال عين كال صارن ٤ و٥٠ كلتله طلعلي بتوت مقبلت هيه لحيت عليها كالت اضوج منهن ماحبهن كتلة اريد سوار طلعلي السوارات ضلت تكلب بيهن هي وامها اختاريتلها واحد ثكيل شوية كلتلها هذا عجبني هزت راسها موافقة كلتلها اذا معجبج لتلتزمين بية كالت لا عجبني اخذتة ب مليون و٢٠٠ المهم صارن كلهن خمسة وميتين اخذناهن وطلعنه صايرة الساعة بل ١٢ الا ربع كلتلهم نتغدة ضحى كالت اي والله طبينة لمطعم عمتي كالت اكعد يم العروس 😳 صح خجلت بس ماكلت باطل كعدت بصفها وامها كدامها وضحى كدامي وعمتي على راس الميز طلبنة الغدا وتغدينة والنسوان بس يحجن هي كلامها قليل اريد احجي وياها واستحي كدام امها وعمتي كمنه دفعت الحساب وطلعنه كلتلهم تعالو نروح للفندق امها مقبلت كالت لازم نرجع اليوم كلتلهم وين نروح للعصر شلون كل واحد اقترح مكان اشرت لضحى بمعنى تسألها ضحى
ضحى: وين نروح برأيج
عهد: بكيفكم
ضحى : ماكو هيج حجي انتي قرري
باوعت للكل وكالت
عهد: شارع المتنبي
اسامة: شارع المتنبي يلة
صعدنه وديتهم ل شارع المتنبي نزلو صفيت السيارة بالكراج ونزلت وراهم عمتي وامها يمشن اول شي ووراها ضحى وعهد واني وراهم رحت ويا ضحى وعهد ضحى حست بية وراحت كدام تمشي ضليت اني وياها كلتلها
اسامة: شتحبين تقرين
عهد: مو سوة
اسامة: كالولي رسامة
ابتسمت : اي
اسامة: تعرفين ترسمين بشر
ابتسمت : يعني بس يحتاجلي تدريب اكثر
اسامة: ان شاء الله كلية الفنون تدربج
عهد: ان شاء الله
انتبهت على محل اصباغ وكذا بكلبي كلت هو هذا الاريدة
اسامة: تعااي وياي
عهد: وين
اسامة: معليج تعاي
عهد: وماما
اسامة: عمة من رخصتج اخذ عهد شوية
ام ايسر: اي ابني بس وحدكم؟
عرفتها خايفة على بتها وحسيت على ارتباك عهد كلتلها لا ضحى ويانة كالت ماشي جتي ضحى ويانة طبيت للمحل وهية وضحى وراي نداريت عليها شفت ابتسامتها ضحى راحت تفتر وعافتنه وحدنه والله ضحى حياة اموت عليج كاعدة بكلبي كلتلها شتحتاجون بالرسم
عهد: عندي الادوات مال رسم
اسامة : حتى لو كوليلي
افترينة بالمحل ع الاصباغ اخذتلها من كل الانواع وهيه متقبل كلتلها فرش يانوع اختارت نوعيتين اخذتهن ولوحات ومواد مال رسم خليتهن كدام ابو المحل
اسامة: شوفلي ياهن
ابو المحل : تدلل
عهد: ماكو داعي والله عندي بالبيت
اسامة وهو يطلع محفضتة: بس ماعندج ببيتي
عهد: بسس
اسامة : بدون بس غير ببيتنا هم عندج لو ناوية تعوفين الرسم
عهد: لاا
اسامة: هذا هوة اسكتي شكد عمي
ابو المحل : ٧٨ بس لخاطركم مبينين عرسان ٧٥
ابتسمتلة طلعتلة الفلوس واخذت الغراض منه علاليك الوحات جبيرة شوية اخذتهن وهي هم شالت طلعنا شفت ستاند مال لوحات بالباب رجعت للمحل
ضحى: وييين
سالته علية كال ١٥ نطيتة فلوسة وطلعت شلتة وياي اخذت العلاليك منهن لكيت عمتي وامهن واكفات بعيد ويباوعلنه
اسامة: روحو انتو اودي الغراض واجيكم
راحت يم عمتي اخذت الغراض للسيارة ورجعتلهم ضلينة نفتر اخذتلي كم كتاب محتاجهن بشغلي واخذتلها كتاب روايات الها وطلعنة رجعنه للكاضم عليه السلام سيارتي جيب عالية شفتها كل شوية تندار تباوع على غراض الرسم وتبتسم عرفت نقطة ضعفها الرسم كملت طريقي نزلنة اشترو ملابس للمهر واني هم اخذتلي قاط رجعنه ب ٨ لبيت اهلها مقبلو يتعشون كالو تأخرنة اخذت غراض المهر ونزلت عافت الوحات والغراض رجعت ضحى وعمتي ورحت لبيتي اتبسم والله حلو شعوري طبيت للبيت بباب المطبخ ويا فتحت الباب تذكرت غراض الرسم رجعت فتحت صندوق السيارة طلعتهن شلتهن ودخلت ويا دخلت الباب ضحكت
اسامة: هههههه شوكت ادخل شايلج مسوك وتنتضريني ههههه
دخلتهن لغرفة ٤×٣ بلبيت مخليها فارغة بس بيها زولية ودوشكين عفتهن ودخلت الغرفة نزعت قميصي ونمت بدون مانزع البنطرون كعدت الصبح على دكة الباب
YOU ARE READING
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
