القروية والوحش

🌸فرحة

#القروية_والوحش18
🌸 فرحة
نور بي صدمة : ميكال... انت جادي ف البتقول فيه دا ؟
رجع لي اللابتوب حقو تاني... كان مركز معاه ورافع حاجبو باستهتار : عندك شك ؟
_ معقول ؟ معقول م مصدق انو دا طفلك
_ والله انتي العملتي معاي ممكن تعمليه مع غيري فما حقدر اقول انو الفي بطنك دا حقي انا
الدموع بدت تنزل منها وصوتها اتغير : انا م قادرة اصدق انو الكلام دا طالع منك انت والله.... معقولة يا ميكال ؟ وانا عملت اي شي عشانك انت بس.... معقول هسه بتقول لي كلام زي دا ؟ وانت عارف انو انا م عندي اصلا علاقه بزول غيرك...
_ انتي هسه عايزة شنو ؟
_ عايزة نصلح الغلطه ونتزوج.
ضحك : 😂😂😂😂😂 انتي بالقوة عايزة تتزوجيني صح ؟
_ ميكال انا ححتفظ بالبيبي دا وبعدين ف تحليل DNA حثبت بيه انو دا ولدك انت.
_ كويس مستنيكم.
ختت راسها ف المكتب بي انهيار : حسبي الله ونعم الوكيل فيك 💔... لعبت بي وهسه م عايز تصلح الغلطه... لكن الله في يا ميكال وحقي بجيني لحدي عندي ... خاف الله ف بنات الناس زي م بتخاف على اخواتك.
رمقها بنظرات حادة وقال ليها بصوت مزمجر : أخواتي م تجيبي سيرتهم ف لسانك فاهمة ؟ واتفضلي اطلعي عندي شغل.
شالت شنطتها وطلعت ودموعها نازلة.... فتحت باب المكتب لاقاها وائل... ظهرت الدهشة ف وشو لمن شاف شكلها.... سألها بي استغراب : نور ؟ مالك ف شنو
مسحت دموعها : ماف شي
_ طيب بتبكي مالك ؟؟؟
قفلت الباب وراها وبقت بتبكي زياده
وائل : يا نور مالك ياخ ف شنو ؟؟؟ لو عايزة تتكلمي معاي بره ارح
_ طيب ارح
_ اول شي امسحي دموعك دي عشان ماف زول يحس في شي
مسحت دموعها وطلعت معاهو.
ركب العربية ومشو اقرب كافيه وقعدو.
وائل : اها اتكلمي ؟
شبكت صوابعها وبقت بتعاين ليه بنظرات محرجه.
_ يا بت النااااس ف شنو
_ وائل انا ف كارثة
_ كارثة ؟ كارثة شنو ؟؟؟
_.................
_ عليك الله م تتبلمي وتسكتي احكي لي ف شنو انا براي متوتر
_ انا حامل من ميكال
وائل فتح خشمو بصدمة ونطر عيونو قبل م يخت يدو ف راسو: لا حول ولا قوة الا بالله العلي العظيم.
نور رجعت تبكي تاني.
وائل : وميكال قال ليك شنو ؟
_ قال لي م ضامن الفي بطنك دا يكون ولدي..... انا في مصيبة والله.
_ انتي الاديتيه فرصة ف نفسك... مع احترامي ليك لكن انتي كان ممكن تبعدي نفسك من الحاجات دي كلها
_ هسه انا اعمل شنو ؟ امي وابوي لو عرفو حيروحو فيها والله.
رجعت تبكي بي هستيرية.
وائل : م تبكي م تبكي.... حنلقى لينا حل ان شاء الله.
تلفونو ضرب استأذن منها وقام.
ابتسمت من بين دموعها بي مكر.... وجففت دموع التماسيح وهي بتهمس : حتتزوجني يعني حتتزوجني يا ميكال.
وائل خلص مكاملتو وجاها راجع... قعد وبقا بعاين ليها : اسمعيني خلينا نرجع الشغل عشان م يهيج لو لقانا مافيشين...  وسيبي لي الموضوع دا بتصرف فيه.
_ طيب
رجعو شغلهم.... وائل مشا لي ميكال لقاه قاعد ف الكنبه وخالف رجلو وبيتكلم ف التلفون.
استناه لحدي م خلص.... ميكال ختا التلفون : اها خير
_ عايزك ف موضوع
_ اتفضل
_ اسمعني يا ميكال البتعمل فيه دا م صح
_ حكت ليك ال****** صح ؟
_ اي حكت لي
_ واها انت حتعرسني ليها بالقوة ولا كيف
_ ميكال.... انت عارف نور م عندها غيرك..... وبغض النظر عن اي شي احتماال كبير انت تكون ابو الولد دا
_ ف فرق بين الاحتمال والمؤكد... بعدين نور دي انت بتصدقها ؟
_ ياخ خلي عندك دم شوية البت ممكن رقبتها تطير فيها بسبب غلطك معاها.... اتزوجها واستر عليها... م تكون سبب ف دمار بيت كامل.... بعدين ياخ انت عندك اخوات
ميكال بي عصبية : انتو شنو اي شي تقولو لي عندك اخوات.... اخواتي دخلهم شنو هسه
_ اخواتك عرضك والعرض فيه دم وريسان بتطير.... وافهم الباقي براك.... تدمر عروض ناس وبتخاف على عرضك... دي انانية منك والله.... انت لو م بتتحمل مسؤولية البيحصل من البداية بتخش ف محلات ضيقة لي
_ انت يا وائل مغفل ولا شنو ؟ لو الولد ولدي انا م حتخلى عنو.... ولا حخليها زاتو تربيه.... وبعدين انا م بعرف نفسي ولا شنو ؟ البت دي انا م لمستها اصلا.... ووقفت اي شي كنت بعملو.
_ اتذكر اخر مره كنتو فيها سوا.... وانا كنت بحذرك عشان البلاوي دي.
_ اخر مره هي الاصرت تمشي معاي.... ولا جيت جمبها اصلا.... دي واحدة كذابة بس وعايزة تخت مصيبتها فيني
_ انت كنت سكران يا معلم... نسيت ولا شنو ؟
مشا يدو ف طرف راسو كأنو عايز يتذكر.... كل المتذكرو انو صحا لقاها جمبو.
بلع ريقو وظهر الضيق ف وشو.
وائل : هي قالت حتحتفظ بيه.... اتزوجها ولم المصيبه دي... بعدين انت متردد لي ؟ توتيل اصلا وبي عضلة لسانك قلت م عندك ليها شي.... وسنه وحطلقها... يعني الليلة لو م كدا كان قلنا خايف مرتك تزعل .
_ م حكاية خوف او تردد لكن انا م ممكن اغطي لي غلط غيري.
_ انت برضو غلطان يعني سيك سيك معلق فيك.
ميكال سكت لثواني قبل م يطلع بره لي نور.
كانت شايلة ليها اوراق.... مسكها من يدها وقلع الاوراق ختاها ف المكتب وجراها وراهو وطلع.
ركبها العربية حقتو.
نور : احنا ماشين وين ؟
_ حوديك اكشف عليك
_ كيف يعني ؟
_ كدا... اتأكد انتي بالجد حامل ولا كذابه...
_ يعني انت م بتثق فيني ؟
_ انتي اساسا م قدر اي ثقة.
_ على اساس انك انت كمان قدر الثقة ؟
_ م تتفلسفي واسكتي احسن لي وليك.
وقف بيها قدام عيادة نسائية ونزل معاها.
بعد شوية دخلوها عشان تكشف وهو كان معاها.
تلفونو ضرب ودي كانت لجين اختو... شال تلفونو وطلع.
نور بقت بتعاين للدكتورة ودموعها نزلت ووشها ظهرت فيه ملامح الكرب والخوف... قالت للدكتورة بصوت هامس : اسمعيني
_ نعم
_ عليك الله قولي ليه اني حامل.... هو عايز يعرس واحدة فيني لو طلعت م حامل... عليك الله احفظي لي بيتي... عليك الله ساعديني.
كانت بتبكي وتترجى ف الدكتورة الاتخلعت وقالت ليها : لكن انا م بقدر دا كدا بنافي اخلاق مهنتي
_ حيطلقني 💔💔💔.... حتجي واحدة تانيه تدخل بيتي عليك الله... الله يرضى عليك ساعديني الله لا دخلك ف موقفي دا.
ميكال جا داخل تاني.
مسحت دموعها بسرعه وبقت بتعاين للارض.
الدكتورة طلبت منو ينتظرو شوية عشان تشوف النتيجه.
بي هناااااك :
لجين شغالة تجهز ف حفلة العيد ميلاد الحتعملها.
طلبت الاكل والتورتات وظبطت كل شي.
توتيل كانت معاها....بعد م خلصوا من كل شي.... لجين ودتها معاها اوضتها وعملو ماسكات ف وشوشهم.... ولجين كوت لي توتيل شعرها 🔥 وبقو قاعدين بيضحكو وبيتونسو سوا.
____________________________________________
بعد مسافة النتيجه حقت كشف الحمل ظهرت.
والدكتورة جات وظهر فيها التوتر وكانت بتتجول بي نظراتها وش ميكال ونور.... قبل م تشيل انفاسها وتقعد ف كرسيها وهي بتقول ليهم : مبروك المدام حامل.
التقت حواجب ميكال بي ازعاج واضح ونور ابتسمت ابتسامة امتنان للدكتورة.
بعدها طلعو وكانو ساكتين الاتنين.
نور بي تردد : اها مصدق ولا لسا ؟
قاطعها بي انفعال : اسكتي م عايز اسمع صوتك.
_ ميكال انت عايز تشيلني اللوم براي ؟
_ نور... قلت ليك اسكتي بس.... صوتك م عايز اسمعو.
نور وهي بتبكي : طيب يا ميكال اقول ليك شي.... انا البيبي حنزلو واريحك وارتاح طيب ؟
_ اقسم بدين الله العظيم تعملي كدا الا اقتلك.
عاينت ليه بي خلعه وسكتت.
وداها على جهة بيتهم ونزلت وهو اتحرك على شقتو.
دخل وطلع هدومو واخد ليه دش وجا قعد ف الكنبه وهو بفكر ف العملو... وهل الطفل دا بالجد حقو ولا لا.... واتذكر اخر مرة لمن صحا ولقاها جمبو.... المشكله انو م متذكر الحصل قبل م يصحا.... بالرغم من الشك الدخل فيه... الا انو كل اصابع الاتهام بتشير ليه هو....ولو عرسها حيستر عليها خصوصا انو م عايز اهلها يتصدمو فيها لانو الشعور حق الزعل لمن شاف جوري مع الولد م كان نفسو زول تاني يحس بيه.... ودا يساوي 1٪ من الحيحسو بيه اهلها لو عرفو.
غمض عيونو بي تعب ونام
_____________________________
الساعه كانت 7 لمن توتيل وقفت بي فستانها ولجين واقفة وراها وبتعاين ليها.... بعد م مكيجتها وسرحت ليها.
لجين : ماشاء الله 😍
توتيل بخجل : م بقدر يا لجين البسو ياخ
_ لي ياخ حلو شديد فيك والله 😂🔥🔥🔥
_ لكن البس فستان زي دا كدا م حلوة🙁
_ انتي هبلة 😂... م ياهو انا لابسة زيك.
_ لكن انتي دا اخوك
_ الله الله الله 😳.... اخوي راجلك انتي 😂😂😂😂😂😂 لابساها لزول غريب ولا كيف 😂😂😂😂.
اتنحنحت وهي بتلف حوالين نفسها : وف رجال حيجو ؟
_ يوسف وسيف بس
_ مستحييييييل
_ عادي
_ لا لا لا لا لا لا مستحيل البس فستان زي دا قدامهم وكمان شعري مفكوك.
_ طيب اها الحل شنو 😂... انا عايزة أشوف ردة فعل ميكال لمن يشوفك كدا
_ خلاص حلبس توب... اصلا الفستان م ركب راسي
_ لا لا خليه بتصرف.
الباب دقا.... لجين مشت فتحت.. كانت ماما عشه.
ماما عشه : هي يا بت الولد دا حيجي متين ؟
_ خلاص كلكم جهزتو ؟
_اي
_ اوكي حنمشي اوزون حيجينا هناك
_ طيب
زي نص ساعه كدا كلهم طلعوا ومشو وشايلين هداياهم ومجهزين المكان هناك.
وكمان نور وجدان عزمتها.... جات مظبببببطه وقاشره وفاكه شعرها.
الساعة كانت 8... لمن ميكاال وقف بالعربية حقتو ونزل.
المكان كان هادئ لمن جا داخل وكلهم بصوت عالي قالو ليه happy birth day
ظهر علامات الدهشة والاستغراب ف وشوشهم وبالذااات نور لمن لقو دا وائل وجاي مع مرتو وميكال ولدو.
ماما عشة : اججججي.... ميكال دا وينو ؟😳
جواهر : ثواني اضرب ليه.
ضربت ليه....ف اللحظات دي هو فتح الباب حق شقتو وقال ليها الو.
طلع جكت البدلة وبدا يفتح ف زراير قميصو
جواهر : انت ويييين
_ انا ف ال
وقطع كلامو لمن شاف القدامو.....
علا صوت جواهر : الووووو... ميكال.... الوووو
قفل التلفون وختاه ف الكومودينه وعاين لي توتيل الواقفة جمب السفره الزجاجيه المختوته فيها كمية من الحاجات.... والارضية كلها بالونات
فستانها كان قرمزي جريئ على جسمها .... بيدين طويلة وضهر كاشف.... وخطوه طويلة ظهرت ساقها.... ولابسة حجل وجزمة دهبية زاحفه.... شعرها الطويل الفاحم نازل على كتافينها من قدام وجزء نازل على ضهرها🔥
لجين كانت ظابطه ليها ميكب خرااااافي ابرز ليها ملامحها.... وكانت عامله هايلايت ظريييف كدا وروج احمر غامق على اطراف شفايفها وجوة اللون فاتح.
وريحة العطر حقها مدية الجو احساس رهيب 🔥🔥🔥
عاين للسفره وشاف التورته المختوته فيها  شموع بالرقم34
مشا يدو ف شعرو وابتسم ابتسامه خفيفة : بالله هو الليلة ؟
بادلتو الابتسامه وهي واقفة بي قامتها الممشوقة( قنبلة سماحة الناس ف الطول والعلا 😍🔥) : اي كل سنه وانت طيب
_ وانتي طيبه.
دخل يدينو ف جيبو وهو بعاين حواليه : دا كلو عملتيه انتي ؟
هزت راسها وهي بترجع شعرها لورا : انا ولجين
_ اهاااا
اتجول بي نظراتو المتفحصة فيها قبل م يقول ليها بي اعجاب واضح : طالعه جميلة
ظهر الخجل ف وشها : شكرا
جا وقف جمبها... وهي ولعت الشموع.... وقف لثواني وهي بتغني ليه.... وبعدها طفاها.
قطع منها قطعتين وشالوهم ف صحانتهم.
وطلعو البلكونه الفاتحه على النيل.... القمر كان بدر.... كان متكل على الحيطه بضهرو ومدخل يدينو ف جيبو وبعاين ليها وهي بتتكلم بي حياء : م عرفت اجيب ليك هدية شنو... ففكرت افضل هدية لزول عندو كل شي شنو.... المهم ف النهاية اتوصلت لي دي
مدت ليه الكيس وهي بتضيف : ان شاء الله تعجبك
شال الكيس الكان جواه ف بوكس فتحو.... اخد وقت قبل م يبتسم بي صدق واضح ويعاين ليها...الصندوق كان فيه مصحف وسبحه ومصلاية.... طقم فخم باللون الاسود والذهبي.
قفل البوكس : شكرا
_ العفو.
_بالمناسبة انا برضو جبت ليك هديه
_ بالله ؟ والمناسبة شنو ؟
_ انا بجيب بي كيفي بس.... م الا بي مناسبة.
طلع من جيبو علبة مخملية.... فتحها وطلع السلسة الدهبية الرقيقة المكتوب فيها توتيل.
طلب منها تقبل على ضهرها.... زحا شعرها بهدوء على جهة كتفها اليمين.. ريحتو الجميلة فاحت اول م حركو ليها🌸.. وبدا يلبسها ف السلسة.
يدو الباردة لمست جلدها الناعم.. ختت يدها ف السلسلة وعاينت ليها.. م عرفت تفرح ولا تزعل وقالت ليه بنبره باردة متصنعه : م كان ف داعي ليها... اصلا كدا كدا لمن تطلقني الدهب والحاجات دي كلها حرجعها ليك.
رد ليها بنفس الطريقة : م تستبقي الاحداث... احتمال برضو ارجع ليك الطقم حقك دا.
هزت راسها وحست بي استياء رهيب  : طيب.
فكرت لثواني لليوم الحيجي والحيتخلا فيه عنها... حبتو وم كانت عايزة كدا.... امنت يادوب بي جملة وما من حب الا بعد كراهيه... م عرفت كيف المشاعر السيئة الكانت خاتاها ليه اختفت بالسهولة دي... اتمنت لو لاقتو ف ظروف افضل من دي.... وزواجهم م كان قايم على اي شروط... م اتوقعت حيجي يوم تعشق ليها واحد اكبر منها بقرابة الحداشر سنه... بس اي شي فيه كان بيجذبها ليه.... احساس انها مع شخصية ناضجه ومسؤولة.... صوتو الرجولي الخشن.... وبنيتو القوية.... طولو الفارع.... لونو الاسمر....نظراتو الحادة.... شعرو الكثيف....ودقنو الجذابة.... كانت بتحس بي قوة شخصيتو من مشيتو وطريقة كلامو وقعدتو.... بيديها احساس انو مسيطر من نظراتو وايماءات وشو.... واهم شي ابتسامتو البيبخل بيها على الكل حتى هي.... وبيظهرها احيان بسيطه وخصوصا لمن يكون بيسخر عليها او على اي زول.
دنقرت راسها شوية ومشت يدها ف عينها الفضحتها وظهرت فيها الدموع.
كانت ملامح وشو باردة وهو بيسألها : مالك ؟
_ وقعت لي رمشة ف عيني.
جا عليها : اشوف
مسك وشها بين يدينو وشاف عينها.... وبعد شوية نفخ عليها : ماف فيها شي.
قالت ليه وهي بتشيل انفاسها : يدك باردة شديد... كانو برود مشاعرك اثر على جسمك
_ انا مشاعري باردة ؟
_ اي
_ حكمتي عليها بالبرود كيف ؟
_ دا شي واضح م محتاج اتنين تلاته.
ضحك وهو بقول ليها : مشاعري الباردة م ليها دخل ببرود يدي... خلينا نخش.
قعدو ف الكنبه وبدو ياكلو ف التورته 😍.
وقف اكل وبقا بعاين ليها.
بادلتو النظرات باستغراب : في شنو 😳
ابتسم ليها : الكريمة في وشك.
حست بي احراج وهي بتشيل منديل عشان تنضفو.... مسك يدها : دقيقة.
مسحها ليها بيدو... وبعدها شال المنديل نضف بيه يدو
_ شكرا.
رجع لي ورا وهو لسا بعاين ليها بتأمل.
كانت حاسا بنظراتو... ختت الصحن ف التربيزة وهي بتقول ليه كانها طفلة : طول م انت بتعاين لي كدا م حقدر اكل والله🙂
_ اوكي اسف.
ابتسمت : لا عادي.
قام فتح جهاز موسيقى.... وشغل غنيه هادئة..... عاين ليها : ممكن رقصة ؟
هزت راسها : م بعرف 😅
_ تعالي بعلمك
قامت بي تردد.
مسك يدها... وخلاها ترفع اقدامها فوق اقدامو عشان يحركها بحركتو.... وتاني ختا يدينو ف خصرها.
بدا يتمايل بيها مع غنية perfect.
كان بيردد ف الكلمات مع المغني بصوت م مسموع وبعاين ليها.
بقا بعاين ليها ف عيونها كانو عايز يقول شي بس م قادر.
قرب منها بتردد.... وشال يدينو من خصرها لي ومسك وشها.... وكانت اول قبلة ليها في حياتها... بعدها قبلاتو انتقلت من وشها لي عنقها.
___________________________________
ماما عشه : هيااا ربي الولد دا وينو... م معقولة من قبيل مستنينو.
يوسف : انا ضربت ليه 3 مرات
جواهر : وانا 4 مرات😑
وائل : وانا ياهو 7 مرات وم ردا علي
ماما عشه : سجمي م يكون حصل ليه شي.
لجين وهي مبتسمه : يا جماعه خلوه احتمال هو ومرتو حابين يقضو جو خاص( طبعا لجين هي العملت الخطه دي كلها بس عشان يشوف توتيل بالفستان الخطير الجابتو ليها)
نور : توتيل ف البيت ؟
ماما عشه : وانا استغربت لي م مشت معانا
نور  بي غيره: ايوااااا القصة وضحت خلاص.
يوسف : والله انا لو محلو ولا بجيكم زاتو 😍🔥
لجين وهي بتضحك: م الا نحتفل بيه خلونا ناكل ونشرب ونتونس بكره بنديه الهداية حقتو وخلاص.
فعلا كلهم اتجاوزو الموضوع وهاك يا اكل وشراب وونسه.... م عدا نور وماما عشه المغصه قاتلاهم قتل.... وماما عشة حابه ليك نور حب.... بالرغم من كل شي كانت بتتونس معاها.
كملو ونستهم وضحكم وختو الهداية ف عربية لجين واي ناس رجعوا على بيتهم...
نور كانت شغالة تتصل على ميكال.... ومتغايظه وزعلانه زعل.... وهو طبعا م برد 😂.
م قدرت تنوم ورسلت ليه مسج( على الاقل كان تحترم ضيوفك الجو لعيد ميلادك... مش تسيب الناس قاعدة ومنتظراك )
رمت التلفون بغيظ ورقدت ودموعها نازلة بقهر.... هي م عارفة اذنبت شنو عشان م يحبها.... جات قبل 5 سنوات... كان وقتها عمرها 22 سنه.... من اول مره شافتو اعجبت بيه.... كانت عارفة انو ف علاقه مع واحدة وكانت بتغير منها عليه مع انها م بتعرفها... وبعد فتره سابها وهي انبسطت بس لقتو دخل ف علاقة مع واحدة تانيه برضو.... كانت مراقباه شديد.... وعرفت انو اصلا م بحب واحدة من الفي علاقه معاهم ديل.... بس كل الحاصل بيقضي ف وقتو معاهم.... بعد كم شهر حصل الحادث الفظيع الراحو ضحيتو ياسر وآسر اولاد عبد العظيم الشرقي.... واي ولد مسك مكانة ابوه.... وميكال بدا يثبت مكانو ف الشغل... وكان مفضل عند جدو شديد لانو افكارو جديدة وغريبة بعكس سيف التقليدي جدا.... لمن حسا بي تركيزها معاهو.... برضو بدا يركز معاها..... ف البداية كانو اصحاب وياريتها لو حافظت على مكانة الصداقة الاداها ليها... لكن طمعت ف مشاعر اعمق.... وهو فهما من البداية انو م بيأمن بعلاقات الحب والكلام دا وانو هو اصلا م فاضي للكلام دا.... لحدي م بعد شوية بقت داخله ليه ف دور عجيب.... بين عشيقتو وصديقتو.... وكانت بتديه فرصة فيها.... وبترخص نفسها بشكل مبالغ فيه... وهو بعد فتره اتجاوزها ورجع لي كوتة البنات البعرفهم.... وهي بقا ليها بمبي ولسا جارية وراهو.... ونرجع ونقول يا اخوانا الحب دا م بالقوة... اهم شي كرااامتك وانتهى الكلام.... م تجري ورا زول هو اصلا م عندو ليك شي بالله.... ماف شي يستاهل تخسر عزة نفسك عشانو.
🌸🌸🌸🌸🌸🌸🌸🌸🌸🌸🌸🌸🌸
الله اكبر الله اكبر
علا صوت أذان الصبح.
ميكال فتح عيونو ببطئ وعاين جمبو لقاها مافيشة.... كان نايم على بطنو.... اخد وقت عشان يتقلب على ضهرو... اول م رفع راسو لقاها واقفة بتصلي ف الصبح.
قام من السرير وبي طرف رجلو شات القميص حقو المرمي في الارض.... دخل الحمام اخد ليه دش طويل واتوضى نشف جسمو وبي يدو اتحسس الخدوش الفي ضهرو.... ابتسم بسخريه وبعدها طلع.... لبس ليه تيشيرت وبنطلون.... فرش المصلاية الجابتها ليه وبدا يصلي... بعد م خلص سبح واستغفر( استغفر الله العظيم 🌸)
ورجع سريرو تاني.... لقاها راقدة ختا راسو وغمض عيونو..... شوية تاني ابتسم ابتسامه هادئة وهو لسا مغمض وقال ليها : انا حلو للدرجة دي بتعايني لي كدا ؟
فتح عين واحدة وبقا بعاين ليها.... بي طرف صباعها قفلت ليه عينو... وشالت المخده ختتها ليه ف وشو وقبلت على الجهة التانيه.
بعد 3 ساعاات كدا هو صحا تاني وقام عشان يجهز نفسو للشغل.... اتأنق بلبس رسمي.... بنطلون اسود وقميص ازرق هادئ والشكااا 😍🔥.... لبس ساعتو وجزمتو الجلدية...وسرح شعرو واتريح ونزل تحت..
لقا ماما عشه كالعادة وفي مكانها المعتاد... فاتحه التلفزيون وخاتا كباية شاي قدامها..... اول م شافتو لوت بوزها : صباح الخير
قعد جمبها وهو مبتسم ابتسامه مشششرقه 🔥😍 : صباح النور
_ انت وين حضرتك امس ؟ انحنا مشينا ومستنينك وم جيت
_ مشيتو وين 😳
_ مشينا المحل الحجزتو اختك لجين عشان عيد ميلادك وكلللنا جينا ومستنينك وحضرتك م جيت
_ اهااا
حكا طرف راسو وهو بيرجع لورا : والله م كنت عارف بي شي زي دا
_ اها والسنيورة عملت ليك شنو ف البيت ؟
هز كتافينو : ولا شي... لي السؤال يعني ؟
_ انا قلت بتكون عملت ليك مفاجأة هنا ف البيت ولا شي زي دا.
غير الموضوع وهو بيسألها : اها امبارح الجا منو ؟
_ هو منو الماجا.... اخواتك ويوسف وسيف ومرتو و وائل ورضا وميكال ولدهم...ووووو نور.... حلااااتا ماشاء الله طلتها دي براها تفتح اانفس.
_ طيب كويس... يلا انا حطلع بعد دا
_ اشرب ليك شي طيب 
_ بشرب ف المكتب
_ كويس... ربنا يغطي عليك يا ولدي ويحفظك من كل شر.
توتيل جات نازلة وماما عشه لاحظت لي نظراتو الاتحولت عليها... فقالت بصوت عالي وهي بتعاين ليها : ويبعد منك بنااااات الحرام يارب.
توتيل عرفت انها المقصودة بالدعوة دي 💔.... جات وقعدت في الكنبه: صباح الخير
ردو ليها الاتنين : صباح النور.
ماما عشه : انتي كنتي وين امس ياختي ؟ 😒
_ كنت هنا
_ ومالك قال م مشيتي معانا ؟
_ م قدرت امشي.
_ ممممممممممم
عاينت لي ميكال : انت هسه مش كنت ماشي شغلك ؟ المقعدك شنو 🙂.
انتبه لي نفسو وقام وهو بيستأذن منهم...
كان مزاجو فل ومبسوط.... لقا جوري اختو قاعدة في الكرسي الحديدي البره.... م عرف مالا لكن كان لونها شاحب والهالات السوداء احتلت عيونها وظهرت نحيفة كانو ليها سنه م اكلت... نده عليها : جوري
_ نعم
_ انتي كويسة ؟
_ اي
_ شنو الاي ؟ مالك بقيتي عامله كدا ؟
_ بس مرهقة شوية.
_ وبقيتي م بتمشي الجامعه ولا شنو ؟
_ انت مش قلت لي م امشي
_ قعد ف الكرسي المقاصد ليها : دا كان كلام ف لحظة غضب وانتهى... وانا وانتي بدينا صفحة جديدة صح ؟
هزت راسها.
_ يلا قومي جهزي نفسك للجامعه.
_ لا ... م حقدر امشي الليلة... بكره ان شاء الله
_ بكره الجمعه... انتي نسيتي ايام الاسبوع يعني ولا كيف ؟
_ م مجمعه بس.
بي جواه م اطمن... حسا انو في شي.
قال ليها بنبره حنونه : اجيب ليك معاي شي ؟
_ لا شكرا
_ يا جوري... مالك ف شنو ؟؟؟ انا لمن كنت اقول ليك كدا كنتي بتطلبي حاجات عجيبه وبي لست.
ابتسمت ابتسامه باهته : قلت ليك هسه انا مرهقة شوية
_ طيب... م عايز ارجع القاك كدا.
ربت بي يدو ف راسها وطلع.
ركب عربيتو واول شي فتح تلفونو.... لقا ليك المكالمات من جماعتو امبارح.... ونور ضاربة ليه قرابة الخمس وعشرين مره.
قرا الرسالة حقتها.... م اشتغل بيها كتير واتحرك.
وصل شغلو وجا نازل.... الناس استغربو فيه.... مبستم وبسلم على الموظفين المعاه.... ركب بالاسانسير وطلع فوق.
لاقا وائل في وشو.
وائل باستغراب : بسم الله... الليلة انت مالك حاسي بشنو مبتسم كدا م من عاداتك يعني
_ وانت مالك يعني ؟ الا اكون مكشر ؟
_ ياخ ان شاء الله دايما مبتسم.
_ جمعا كدا
_ وامبارح يا ماسوووورة الناس منتظراك وم جيت.
_ والله انا اصلا ماف زول كلمني انو مفروض اكون هناك.. رجعت على البيت طوالي.
_ رجعت كم ؟
_ زي 8 كدا...
_ كنت ف شقتك ولا شنو ؟
_ اي
_  م وريتني حصل ليك شنو مع نور ؟
_ انت بتفتح لي ف السيره الحتخليني اكشر براي
_ يا مان انجز سريع البت لو بطنها كبرت حتحصل كارثة حرفيا كدا.
_ م عارف يعني اتزوجها متين زاتو
_ اسبوع مناسب تجهز نفسها وكدا
_ م عارف ياخ
_ ميكال اسرع عليك الله.
_ طيب طيب.
دخل مكتبو.... كانت قاعدة ورا مكتبها.
قال ليها وهو داخل : نور تعالي.
صلحت شعرها وقميصها ودخلت.
اتكل على طرف مكتبو : اسمعيني كويس....انا حتقدم ليك وحتزوجك بعد اسبوع.... واعرفي كويس انو دا م عشان انا بحبك بس عشان ولدي
كانت بتعاين ليه باستغراب.... هزت راسها بانكسار وطلعت.... اول م قفلت الباب قربت تزغرد.
شالت تلفونها وجررررت جررررري بره وضربت لي وجدان.
وجدان : الو
_ ووووووجججججججددددددااااااااانننننننن
_ يا بت مالك صميتي اضاني
_ وجدان انا وميكال حنتزوووووووج...والله العظيم حنتزوووووووج
_ احححححلفي
_ والله هسه كلمني... قال بعد اسبوع.
_ اسبوع واحد بكفيك ؟
_ ياخ كان يوم بكفيني انا م مصدقة انو وافق يا وجدان انا مبسوووووطه شديد والله العظيم
_ الحمدلله يارب....  اححححححي يا توتيل جاك الحيمغصك ويوريك الادب.
_ لكن يا وجدان قال لي م عشان بحبك عشان ولدي بس
وجدان وهي بتضحك : ولدو المزيف 😂😂😂😂.... ياختتتي الحب بيجي بعد العرس اصبري بس.
_ لكن هسه بموضوع الحمل حنعمل شنو
_ حتبقي حامل بالجد بس... دا شنو الهبل دا
_ اه صح 😅.... مبسوطه شديد ياخ 😭😭😭😭.... وبعدين يا وجدان لازم اعمل رقيص عروس 😌.... لازم اترتر  كدا وارقص لي توتيل دي في وشها
_ العايزة تعمليه كللللللو يتعمل يا بتي.... دا يومك المنتظرنو من سنين.
_ الحمممممدلله ياخ.... خلاص انا حرجع شغلي عشان م يجي ينفصم فيني
_ طيب امشي امشي.
رجعت جوه.... وقعدت في مكتبها... وبقت بتفكر في حبستها وعرسها.
اما ميكال كانت قاعد ف كرسيه وبيتذكر في ليلتو امس مع توتيل.... م اتوقع ابدا تسمح ليه بي اي شي..... بقا بيفكر حيوريها كيف بي انو حيتزوج.... كان خايف شديد تزعل.... وم عرف هو اصلا خايف لي طالما انو بقول م عندو اي شي ليها.
________________________________
توتيل من ميكال طلع قامت مرقت طوالي عشان ماما عشه م ترمي ليها كلامها الجارح داك.
لقت جوري ماشا وبتترتح كانها دايخه.
مشت ليها بسرعه وسندتها وهي بتسألها : جويرية مالك في شنو ؟
_ تعبانه شوية ممكن تساعديني اطلع فوق.
سندتها وطلعتها وعملت حساب انو ماف زول يشوفها.
لحدي م دخلتها اوضتها.... رقدتها ف السرير.
وقعدت جمبها : اجيب ليك شي تاكليه ؟
_ لا لا م نفسي
_ مالك انتي في شنو
شافت الدموع ف عيونها.
مشت يدها ف شعرها وهي مبتسمه ابتسامه مطمنه : م تخافي.... احكي لي في شنو ؟ وانا حساعدك
_ م حتقدري تساعديني
_ لي في شنو ؟
بدت تبكي وهي بتقول : انا حاسه بوحده.... ماف زول معاي... بابا ميت وماما م حتجي الا بعد كم شهر...
وهنا اخواتي م شغالين بي كتير.... وحتى الزول الوحيد الملا علي حياتي وبقيت بحبو شديد اتحرمت منو.... ومشتاقة ليه شديد والله.... وميكال خلاني اوعدو اني حقطع علاقتي معاه.... من اليوم داك لحدي الليلة بيضرب لي وانا م قادرة ارد عليه.... حاسا بي اكتئاب 💔.
_ جويرية... الدنيا دي عبارة عن اختبارات.... يوم فرج ويوم كرب.... ف انتي م تستسلمي بالسهولة دي... وم تفكري كتير... التفكير الكتير دا بيهلكك... اشغلي وقتك.... وبقيتي م بتمشي الجامعه صح
_ اي
_ لي لكن ؟
_ لو مشيت حشوفو... ولو شفتو حبكي والله
_ لا لا امشي جامعتك عادي ياخ... بعدين دا مستقبلك انتي.... وهو لو بيحبك بالجد خليه يجي البيت
_ يجي كيف بعد البنيه الاداها ليهو ميكال ف وشو
_ عادي يجي ولو جا كدا حيثبت انو بالجد بحبك... بعدين يا جويرية في راجلين بيحبوك حب مبالغ فيه وممكن يتجننو لو نسمة هوا بس ضايقتك هم ابوك واخوك.... انا ربنا م رزقني بي اخو اكبر مني او اصغر مني.... ولو كان عندي اخو زي ميكال بيخاف علي شديد حكون فرحانه جدا.... والله اخوك بيحبك شديد.... بيتكلم لي عنك بطريقة لو سمعتيها حتنبسطي
_ بالجد ؟
_ اي.... والحصل دا كلو عشان هو بيحبك... والزمن دا بقا كعب.... والاولاد بيستغلو البنات بطريقه بشعه وماف زول بقدر يضمن زول.... عشان كدا هو الحصل دا عصبو وخلاه يضرب حبيبك... هو اسمو منو ؟
_ ماجد 
_ كبير ولا صغير
_ اكبر مني بسنتين
_ اهااا قدري انا يعني.
_ انتي عمرك 22
_ اي
_ انتي صغيره شديد والله... كيف قبلتي تتزوجي واحد اكبر منك بي 11 سنه
توتيل وهي بتضحك : عادي
جوري بي ابتسامه : ميكال زاتو العمر م بيظهر فيه.
_ م مهم العمر.... المهم الناس تكون متوافقه 😊
_ صح كلامك.
صوت نغمة تلفونها علت.... رفعت التلفون لي توتيل : عاينيه لسا بيتصل بي.
_ عايني اديني رقمو
_ عايزة بيه شنو ؟
_ ححل المشكله دي
_ لا خليه... اصلا ميكال حيكون خلاص كرهو
_ انتي اسمعي كلامي بس
_ طيب هاك ليهو.
ملتها الرقم وتوتيل حفظتو.
_ اعمل ليك شي تاكليه ؟
_ لا لا م عايزة
_ حعمل ليك حاجه كدا خاصة حتاكليها انا متأكدة😌
_ طيب ممكن.
طلعت من الاوضه.... جوري فضلت تعاين للباب الطلعت منو... واستغربت من تلقائيتها والطيبة الظهرت ف صوتها وتعابير وشها.
توتيل مشت المطبخ... ووقفت قدام الدواليب م عارفة تبدا من وين.... سمعت صوت صفارة بوراها : يا حلوووو
قبلت وراها بي ابتسامه.
كانت لجين 😍.
ركبت فوق المصطبه الرخامية بشقاوة : اها امبارح السبرااااايز كانت كيف 😂.... كاااان نفسي اشوف ردة فعل ميكال لمن شافك... انا متأكدة حيكون بقا م فاهم اييييي شي... واكبر دليل على كدا كمية التلفوناات الضربوها ليه وم رد على اي زول 😂.
توتيل : كان يوم حلو شديييد
_ كييييف بس م يكون حلو 😏.... المهم هسه مالك بتعملي شنو ف المطبخ وواقفة متحيره كدا ؟
_ كنت عايزة اعمل لي جويرية اكل
_ يا حليلها جوري بقت اصلا م بتاكل... وم اعتقد تاكل ليك اصلا.
_ لا لا حعمل ليها اكل براي.
_ شنو دا ياختي 🤔
_ عصيدة بملاح لبن
_ لبن عديل ؟؟؟ غايتو شكلها حتكون فظيعه احسبيني معاك
وانا برضو احسبوني معاكم
قبلو وراهم
لقوه يوسف
لجين : يووووسفي 😍
_ يوسفي ولا برتقال هههههههههههههههههههههههههههههههههههه
_ يوسف 😒... وكدي عايز يحسبوك ف شنو 🤔
_ والله م عارف بس عايز معاكم 😌.... الموضوع فيه تواتل اكيد حيكون حلو
_ بالله من توتيل بقيتها تواتل 😂
توتيل : كلو من يوسف حلو توتيل ولا تواتل 😂🔥
يوسف وهو بيعمل حركة الداب : مين احلى يوسف ناو 😌
لجين : وووب منك كرهتنا بي كلماتك دي 😐
طلع جمب لجين في المصطبه... وبقو بيتونسو وتوتيل شغاله تعمل ف الاكل.
ونسوها زيييين وهي تضحك قدرتها..... في النهاية ظبطت ليهم ملاح لبن من المووووووووت.
يوسف : دا اسمو شنو
_ ويكاب
_ wake up 🤔
لجين : م تردي عليه دا ممكن يجننك 😐
ضحكت وهي بتقول ليهم : ماشا انادي جوري
طلعت ليها ونزلتها.
قعدو ف الصفره الفي المطبخ.
يوسف وهو بيحركو بالملعقه : واو الشي دا بيتمطى ولا شنو م عارف.
توتيل : هو اصلا كدا... يلا ضوقو وادوني رايكم فيه
لجين : جوري تتذكري حبوبة في بورتسودان كانت بتعملو لينا.
_ اي
بدو ياكلو فيه... كان طعمو خرااااااافي 😭😭😭😭🔥.... كانو بياكلو وبيتونسو وبيضحكو.
وكمان يوسف جنا عديل لمن شرب الباقي شراب 😂.... وطلبو الدور التاني 😂
ماما عشه جات ماره وشافتهم... النار قامت فيها... حست انو توتيل دا بعد شوية حتسرق الناس كلها منها.
يوسف كان مربع فوق الصفره... والبنات قاعدين ف الكراسي.
طلعت على اوضتها وهي متغاااايظه.
سمعو صوتو وهو بيقول ليهم : بتاكلو ف شنو.
كلهم رفعو ريسانهم وعاينو ليه.... ويوسف صنقع عشان يشوف وراهو... اظن الاكل ضرب فيه فيوز وبقا م عايز يتلفت..... وهااااك يا الشرقه والكحكيح....  خلا الناس تتجارى 😂جوري قامت تجيب ليه موية... ولجين نزلت فيه لبيع وهو يقحقح لسا... ونزل من الصفره.
ميكال بقا بيضحك بصوت عالي على المنظر.... كلهم خلو اي شي وبقو مركزين مع البيضحك.... م متذكرين مره شافوه بيضحك كدا.... لي درجة كلهم بقو مبتسمين لي ضحكتو.
عرق جبهتو ظهر من الضحك.... جا عليهم.... يوسف رجع يكحكح تاااني.
ميكال شال كباية الموية من جوري وخلاه يشرب.
عاين للصحن : دا شنو
لجين : ضوقو 😍
جوري : يوسف جيب ليه معلقه
ميكال : لا لا ماف داعي
شال معلقة توتيل.... واكل بيها.
يوسف : لذيذ مش ؟
هز ليه راسو وهو بيقعد عديييل 😍.
لجين : يوسف قوم جيب لي توتيل ملعقة 😂
توتيل : لا لا خليك بجيبها انا 😂
مشت جابت واحدة ورجعو ياكلو كلهم.
ميكال لاحظ لي حالة الفرحة الفي عيون اخواتو ويوسف وهم بيتكلمو معاها.
رجع بي كرسيه لي ورا وهو بعاين ليهم بنظرات متأمله.... وفي النهاية عيونو استقرت على سبب الفرحه.
اتحكم ف نظراتو عشان م تفضحو قدام الجماعه الجنهم تشغيلات بالذات يوسف 😂.
ف النهاية ختا الملعقه وقام وهو بعاين لي توتيل : شكرا على الاكله
يوسف: عفوا
لجين : عفوا 2 😅
جوري : عففوا 3 😁
لاحظ لي مزاج اختو الصغيره الاتغير شديد من قبيل.
مشا يدو ف راسها وطلع 💜
نهاية الحلقه الثامنة عشر