ظهرت نتيجة الفحص بعد أسبوع وتأكد خيري من حقيقة أن ورد تكون هي نفسها ابنته الضائعة وهذا الأمر ضايق قاسم كثيرا الذي كان يتأمل أن تكون تلك الفتاة محتالة.
-"مالك يا قاسم ، إيه اللي مزعلك ومخليك مهموم بالشكل ده؟"
نطقت فايزة تلك العبارة بتساؤل وهي تجلس بجوار ابنها وتربت على كتفه فغمغم قاسم بحزن:-"أنا مش مستحمل أشوفها قدامي وخاصة بعد ما اتأكدنا أنها تبقى توأم ياسمين الله يرحمها".
هتفت والدته بتفهم:-"أنا عارفة كويس أوي أنك كنت بتحب ياسمين وحزنت جدا على موتها بس ده مش معناه أنك تزعل أن طلع ليها أخت توأم وربنا بعتها عشان تعوض خيري عن فراق بنته التانية ، افتكر كده حالة خيري كانت عاملة إزاي بعد ما ياسمين ماتت وشوف دلوقتي هو بقى سعيد إزاي بعد ما ورد ظهرت في حياته".
اقتنع قاسم بوجهة نظر والدته فهو يجب أن يحتفظ بمشاعر الضيق لنفسه ولا يظهرها أمام خيري الذي استعاد بهجته وفرحته بعدما وجد ورد أمامه بعد غياب سنوات كثيرة.
![](https://img.wattpad.com/cover/161799197-288-k756269.jpg)
YOU ARE READING
وانهمرت دموع الورد
Actionواحدة بتتجوز واحد غصب عنها وبيفضل يهين ويبهدل فيها هو وأهله وهيحاول يقتلها. تتوقعوا إيه اللي هيحصل وهل هتقدر تاخد حقها منهم وتنتقم بعد كل اللي جرالها؟