Flash Fiction(မြန်မာပြန်)

မိုးရွာထဲက လူသုံးယောက်

       မိုးရွာထဲကလူသုံးယောက် မိုးစက်တွေထဲမှာ တရွေ့ရွေ့လျှောက်သွားနေကြတယ်။ သူတို့မှာ ဆောင်းစရာထီးလည်းမပါ။ မိုးကာအင်္ကျီလည်း မပါရှိကြ။ ဒါပေမယ့် သူတို့ဟာ မိုးရေစက်တွေထဲမှာပဲ တရွေ့ရွေ့လျှောက်သွားနေကြတယ်။ မိုးရွာထဲက လူသုံးယောက်၊ မိုးရေစက်တွေက တဝေါဝေါကျဆင်းနေတယ်။ မိုးရွာထဲက လူသုံးယောက်ဟာ မိုးရေစက်တွေနောက်မှာ မှုန်ဝါးဝါးဖြစ်သွားတယ်။ မိုးကပိုသည်းလာတယ်။ လျှပ်စီးတွေကလည်း စူးစူးရဲရဲ ဝင်းပြက်လို့၊ ကောင်းကင်ဟာ ထစ်ချုန်းမြည်ဟည်းကာ မိုးသည်းထန်စွာရွာခဲ့တယ်။ သူတို့သုံးယောက်ဟာ လူချင်းတွဲကာ လျှောက်နေကြတယ်။ လမ်းတွေအတိုင်း။ သူတို့သုံးယောက် လူချင်းပူးကပ်သွားကြတယ်။ သည်းထန်တဲ့မိုးထဲမှာ။ လမ်းပေါ်မှာ မိုးရေတွေ တဝေါဝေါစီဆင်းလို့နေတယ်။ သူတို့သုံးယောက်ဟာ မိုးရေတွေထဲ တရွေ့ရွေ့ လျှောက်နေလျက်ပါကွယ်။ သစ်ပင်ကြီးတွေတောင် မိုးရေထဲမှာ ချမ်းလွန်းလို့ တုန်နေတယ်။ ဒါပေမဲ့ သူတို့ သုံးယောက်ဟာ မိုးရေထဲမှာ လျှောက်နေကြတုန်းပါပဲ။ လမ်းမီးတိုင်ကြီးတွေဟာ မိုးရေထဲမှာ အေးစက်တောင့်တင်းနေတယ်။ ရီဝေနေတဲ့ လမ်းမီးတိုင်ရဲ့အလင်းထဲမှာ မိုးရွာထဲက လူသုံးယောက်ကို တွေ့ရတယ်။ သူတို့ဟာ ရွေ့လျားနေကြဆဲဖြစ်တယ်။ သူတို့ လက်ချောင်းတွေဟာ စွတ်စိုပွရောင်း၊ သူတို့မျက်နှာတွေဟာ ပြာနှမ်းနေမယ်ထင်တယ်။ မိုးစက်တွေကတော့ တဝေါဝေါရွာသွန်းနေမြဲ။ အထီးကျန်အိမ်ဖော်မလေးတစ်ယောက်ဟာ ရေငွေ့ရိုက်တဲ့မှန်ပြတင်းကို အဝတ်နဲ့သုတ်ရင်း မိုးရွာထဲက လူသုံးယောက်ဟာ လမ်းအတိုင်း ဟိုတစ်ဖက်ကို တရွေ့ရွေ့ဝေးသွားတယ်။ သည်းထန်လှတဲ့မိုးဟာ သူတို့သုံးယောက်ရဲ့ပုံရိပ်တွေကို မှုန်ဝါးစေပြန်တယ်။ အိမ်ဖော်မလေးဟာ အိမ်ကလူတွေမသိအောင် မှန်ပြတင်းကို တွန်းဖွင့်ပြီး၊ မိုးရွာထဲက လူသုံးယောက်ကို လှမ်းကြည့်တယ်။ မိုးစက်တွေက ဝေါကနဲ သူ့မျက်နှာကို ခပ်ကြမ်းကြမ်းရိုက်ခတ်လာကြတယ်။ သူ့ကို မိုးရေတွေ ရွှဲသွားပေါ့။ လမ်းမဆီကို အတန်ကြာငေးကြည့်ပြီး၊ အိမ်ဖော်မလေးဟာ မှန်ပြတင်းကို ပြန်ပိတ်လိုက်တယ်။ မိုးရွာထဲက လူသုံးယောက်ကို မမြင်ရတော့ဘူး။ ဒါပေမဲ့ မှန်ပြတင်းနောက်က သူ့ကိုယ်ပေါ်မှာ မိုးရေတွေစွတ်စိုလို့နေပေါ့။ မိုးရေတွေဟာ သူ့ကိုယ်ပေါ်ကနေ ကြမ်းပြင်ပေါ်ကို တစ်စက်စက်ကျနေရဲ့။ 

#နေမျိုး
#နေမျိုးဝတ္ထုတိုပေါင်းချုပ်စာအုပ်မှကူးယူသည်။