الفصل الرابع والعشرون والاخيررر
القاسى يعشق
ممنوع نقل الرواية دون اذني
امسك يدها واقترب منها قائلاً : ماتهدي بقي تعبتيني
حور بصوت منخفض : ابعد عني
نظر الي شفتيها الورديه واقترب منها قائلاً : ولو مبعدتش
نظرت حور إلي عيناه فااقترب ليث وطبع قبله مليئه بالشغف والاشتياق والحب قبله تحمل كل مابداخله من مشاعر
ابتعد عنها ونظر إليها فوجدها تغمض عيناها بقوه فاابتسم هو وجاء ليقترب منها مره اخري فقاطعهم دخول حياة
حياة : انا اسفه شكلي جيت في الوقت الغلط
انتفضت حور من علي الفراش واردفت قائله : اطلع بره ياليث
ليث : ينفع كدا ياحياة اديكي ضيعتي فرصتي فالسيطره عليها
حور بصراخ : ياماااااااما
اتت امل علي صوت صراخها وتبعها محمد
نظر محمد إلي حور فوجدها تقف فوق الفراش وتنظر إلي ليث بغضب
محمد : انتي اتهبلتي علي كبر ياحور انتي واقفه علي السرير ليه انزلي
حور بعصبيه : مين اللي سمح للحلوف ده يدخل هنا
ليث بصوت واطي : حلوف !! ماشي هحاسبك عليها بس بعدين
محمد بغضب : احترمي نفسك وانتي بتتكلمي عن جوزك وتوطي صوتك وانتي بتتكلمي معايا
حور : طليقي مش جوزي
ليث : محدش قالك اني رديتك صح
حور : ده اللي هو حد قالك اني لعبه في ايدك يابن الشناوي عشان تطلقني بمزاجك وترجعني بمزاجك وتردني ازاي اصلاً مينفعش
حياة : لا ينفع ياحور هو طلقك طلاق رجعي يعني بالقول فقط ويقدر يرجعك في خلال التالت شهور العده وتتحسب طلقه واحده
حور : نقطيني بسكاتك محدش عينك محاميه له
ليث : وهي عشان بتقول الحقيقه هتسكتيها
حور : اطلع بره ياليث وانا مش معتبراك جوزي
ليث : وابني !؟انا مش هخليه يتربي بعيد عني
حور بسخريه : ابنك بجد والله مهو كان مش ابنك وانا كنت خاينه ومعنديش دم ورخيصه فاكر ولانسيت
ليث : ممكن تسيبونا لوحدنا شويه ياعمي
محمد : ماشي يابني خد راحتك
حور بعصبيه : ايه هو اللي خد راحتك خدوه معاكوا انا مش طيقاه
ليث بسخريه : ايوا عشان كدا من شويه قاطعته حور بغضب : لييييييييث
ابتسم ليث وانتظر حتي خرج محمد وامل وحياة فنظر إليها قائلاً : انزلي من علي السرير ياحور وبطلي الحركات دي بقي عشان ميحصلكيش حاجه
حور : ملكش دعوه
ليث وهو يتجه نحوها ويحملها بخفه : الذوق مش بيجيب معاكي نتيجه يبقي نستخدم القوه
حور : نزلنننني
تركها ليث فجأه لتسقط علي الفراش ممسكه بظهرها بآلم : متخلف
ليث بضيق : لمي لسانك ياحوور
حور : انت اللي لم نفسك وامشي من هنا انا بكرهك وانت بتكرهني وانا خلاص انا وخالد هنتجوز وهو هيراعي ابني ويخاف عليه اكتر من اي حد
ليث : حور متعصبنيش واسكتي
وقفت حور وجاءت لتتجه للخارج ولكن امسكها من ذراعها وجذبها بقوه لتصتدم بصدره العريض نظرت إلي عيناه بترقب وجاءت لتبتعد ولكن احكم يده علي خصرها بقوه قائلاً : اسمعيني وبعدين اعملي اللي انتي عايزاه
انا عارف اني غلطت في حقك كتير وعارف اني كنت بصدق الناس وبكدبك انتي عارف اني قسيت عليكي كتير وعارف كمان اني مستاهلش حتي تبصي في وشي بس انا بحبك ياحور مش بس بحبك لاانا بعشقك وبموت في كل حاجه فيكي انا عارف لو فضلت اعتذر لحد مليون سنه قدام مش هيكفر عن اخطائي انا مستعد لااي عقاب انتي عيزاه بس بلاش تبعدي عني انا بحبك انا اموت ولاتبعدي عني كفايه بقي طول الوقت اللي فات واحنا بعاد عن بعض وضيعت كتير اووي بسبب غبائي سامحيني ارجوكي
كانت تنظر إلي عيناه وهو يتحدث احست في كلماته بالحب الحقيقي والصدق
حور : مستعده اسامحك بس بشرط
ليث ; موافق
حور : مش تسمعه الاول يمكن ميعجبكش
ليث : مممم قولي وسمعيني وبرضو موافق
حور : عوزاك لما تحصل اي مشاكل بينا بعد كدا او حد يقولك حاجه عني تيجي وتتكلم معايا ونشوف حل مع بعض انا اسفه علي كل جرح اتسببتلك فيه وعلي غبائي وعدم تقديري ليك انا اسفه علي كل حاجه ياليث اسفه ...
انهت جملتها واخذت تبكي بشده فااحتضنها ليث بقوه واخذ يحاول تهدئتها
ليث : متعيطيش عشان خاطري دموعك دي بتحرقني من جوا انا بحبك ولايمكن ابعد عنك او اصدق حاجه عنك تاني انا اسف
ESTÁS LEYENDO
القاسى يعشق
Misterio / Suspensoامسكت بااطراف فستانها وجلست على طرف الفراش واخذت دموعها تهبط بغزاره على وجهه فهاهي الان عروس تلك القاسي الذي لايرحم بعد ان قتل زوجها وصديقه فى نفس الوقت تزوجها ليحطم ماتبقي من غرورها ...جففت دموعها على الفور عندما سمعت صوت خطواته قادمه نحو الغرفه فو...
