رائد- لتروحين ماما هسه يسافر ونبقى وحدنا بحياتنا المنضمه اذا رحتي وبيت جدي عرفو مراح يخلوج ترجعين
مهند- وهر لك وخررر صايرلي رجال كوم من يمها دتلم هدومها دفرته بعد مجان مقرفص كدامها وكع
شيلان- عوففه صحت دفعه حسام
حسام- شبيييك متحولي شبيج امشي اطلع
مهند- اليوم مااطلع منا اذا ماشوفها طالعه من بيتي كافي مضل صبر بيه تعبتني هيج بومه مشايف كل حياتي التفتت سانه واكفه بالباب ايدها على حلكها ودموعها تجري
سانه- حقدت على ابويه تقربت من ماما ادري المشكله كلها من ورايه
كعدت كدامها منصيه راسها ومغطيه وجهه تبجي بحركه وبا با يعد ويصف ويغلط وهي ساكته تقربت منها
ماما حبيبتي
وخري من يمي انتي وخري خلي يفيدج ابوج
انتي من وراج انتي العلمتيني صرخت ابجي انتي الكتيلي ابوج اول حب بحيا تج وابوج الوحيد اليستاهل حبج ابوج خلي قريب منج حبي وديري بالج عسمعته مثل مديدير باله عليج مو انتي مووواحجي ماما
شيلان- وكفت كملت لم الغراض مهند هدا بعد كلام سانه
حسام- باوعتله لاخويه جريته من كتفه وطلعته بصالتهم كعدنا
حسام- سمعت شتكول لبتها عليك سمعت
مهند- بقيت ساكت واهز برجلي اندك الجرص باوعت لحسام اشرتله هذا دلشاد كوم افتح كلتها همس وكلشي بيه يرحف بيتي الكوه موكفه راح ينهد طب اخوها وجهه بشوش تقرب مني مد ايده
تفضل دلشاد
شنو الصار اول مره شيلان تخابر بهالطريقه
مهند- بقيت ساكت التفت عليه يريد جواب جريت نفس باوعت لحسام يفرك بوجهه رديت هسه تنزل وتحجيلك كلشي نزلت وي الجنط ورائد هم شايل كتبه وسانه هم وكفت خزرتهم رائد مهتم بس سانه نصت تبجي حارت بيني وبين امها
شيلان- هلو دلشاد
هلو ام رائد الورده ها شنو الوجبه ههه مبين عواصف رعديه
شيلان- مرديت
دلشاد- يابه سالنا ابو رائد يكول عنج كل خير وكال الافضل تسمع منها
شيلان- مجاوبت باوعتله كوم يابه دنروح
دلشاد- باوعت لمهند يابه اني مااطلع اذا منفتهم وهذا هم دكتور حسام كاعد ويانا يحضرنا وانشاء الله مامو اختلاف
مهند- موضوع بيننا بس يرادلنا فتره ونتصافى ماكو شي
دلشاد- يابه انت قبل مهر اختك بيوم جيت بعد سفر شهر
مهند- هسه شتريد انت نترت بي عكد حاجبه باوع لحسام ورجع باوع لرائد خالو شنو الصار تعال اكعد يمي فهمني انت رجال البيت
رائد- كعدت يمه لا ابويه ولا غيره يهمني امي وبس واريد حقها بقيت ساكت كال احجي باوعت لابويه يخزر اليوم افضحك كلتها بداخلي --- خالو بس يتعاركون وبابا من يجي من السفر ميطب لبيتنا من عمي حسام تمرض لحد الان مطاب بس اليوم طب تعارك وي ماما
ياستار كل هالمده وين تبات لعد عايف بيتك
خالو ببيت جدو هو وسانه بس يدز المصروف باوعت لابويه يهز برجله ويخزرني
دلشاد- ابو رائد يابه هيج سالفه صعبه انت موصغير
مهند-اي اسالها لاختك شوف اني شنو الوصلني لهالشي شنو الخلاني البيت ماطيقه
شيلان- نصيت راسي الجهال كاعدين كلشي محجيت اباوع حسام بس يفرك بوجهه وغادي دم بلعت ريك همست مادري باوعت لاخويه الحبير
دلشاد- شنو الصار احجولي شكو دازين عليه لعد شطلع من اختي لازم عليه لزمه بايكه منك هم رجلها انت وصخه مو وصخه مدبره ومن كلشي زينه اختي واني الربيتها
مهند- اهز برجلي وماعرف شكوله شيلان بس منصيه توقعت حتخرط الاكو والمامو مدامها سكتت اني هم اسكت
دلشاد- احجووو فهموني انتي من دازه عليه معناها موضوعج جبير وفاق حدج صار كم سنه متزوجه ولا فد مره سويتيها
مهند- التفت عليه كال
انت تسافر وهي لازمتلك البيت تكول ام واب ولا فد يوم رادت مساعده مني واذا احتاجت شي للجهال اتدز على عمومتهم صح لو لا دكتور حسام
حسام- طبيت بنص هدومي همست صح شسوي بيك مهند خزيتنا وي العالم
مهند- والله هذا حكم عملي مو اجي للبيت بعد طيحان حظ شايفه بالشغل وهنا تتعارك اشرت على شيلان وتتامر وتتزعل واني روحي طال
دلشاد- ها شيلان ها هذا الوصيتج عليه ليش خويه تسودين وجهي
شيلان- بقيت اباوعله بغضب صدك جذب
مهند- شنوو جذب اول ماطب عركاتج وصياحج تخليني اهج لاهلي عيني كوم اخذ اختك وروج اني بعد ماريدها
دلشاد- عيب ابو رائد عيب خويه هاي ام بيتك
شيلان- همست دلشاد الله يخليك خليلي قدر اني هم تعبت
دلشاد- يابه عدكم اطفال انت. موصغار جهالكم شباب مهند عيني اني اخذ الجهال وانتو ابقو وحدكم تفاهمو بهدوء وكفت يله بابا امشو ويايه شوي نغير جو ببيت جدكم باجر ترجعون
